Read west central oromo WANGEELA YOHANNIS 13 Bible Online

WANGEELA YOHANNIS 13 - west central oromo bible

WANGEELA YOHANNIS 13

¹Ayyaana Faasiikaa dura, Yesus biyya lafaa kana keessaa gara abbaa dhaquudhaaf yeroon isaa akka ga'e in beeke; inni biyya lafaa kana keessatti kan isaa warra ta'an akkuma jaallate, hamma dhumaatti jaalala guutuu isaan argisiise*.

²Yeroo irbaataatti, Seexanni akka Yihudaan ilmi Simoon, namni biyya Keriyot, Yesusin dabarsee kennuuf yaada isaa irra kaa'ate*.

³Yesus immoo Waaqayyo abbaan waan hundumaa harka isaatti akka kenne, inni ofii isaatii Waaqayyo biraa akka dhufe, gara Waaqayyoos akka dhaqu in beeke*.

⁴Kanaafis irbaata irraa ka'ee, wayyaa isaa of irraa fuudhee kaa'ee, erbee tokkos fuudhee mudhiitti suuqate*.

⁵Xuwwee miillaatti bishaan buusee, miilla bartootaa dhiqee, erbicha mudhiitti suuqate sanaanis qoorsuutti ka'e*.

⁶Simoon Phexros biras geenyaan, Phexros, ?Gooftaa situ miilla koo dhiqaa?? ittiin jedhe.

⁷Yesus immoo, ?Waan ani hojjechaa jiru ati amma hin beektu; gara booddeetti garuu in hubatta? jedhee deebiseef*.

⁸Phexrosis, ?Yoom iyyuu taanaan miilla koo hin dhiqxu? jedheen. Kana irratti Yesus, ?Ani yoon si dhiquu dhabaadhe, na biraa qooda hin qabdu? jedhee deebiseef*.

⁹Simoon Phexros yommus, ?Yoos miilla koo duwwaa utuu hin ta'in, harkas mataas na dhiqi!? ittiin jedhe.

¹⁰Yesus immoo, ?Kanaan dura kan dhiqate miilla isaa duwwaa dhiqachuu malee, lammaffaa isaaf hin barbaachisu inni guutummaatti qullaa'aa dha'o; isin qullaa'oo dha, garuu hunda keessan miti? jedheen*.

¹¹Innoo dabarsee isa kennuuf kan ture, eenyu akka ta'e waan beekeef, ?Hundumti keessan qullaa'oo miti? jedhe*.[101]

¹²Yesus miilla isaanii dhiqee wayyaa isaa fudhatee, iddoo isaatti erga deebi'ee booddee, ?Waanan isiniif godhe hubattuu ree?

¹³?Barsiisaa, gooftaas? jettanii na waamtu, isin akkuma jettan iyyuu ani isa*.

¹⁴Ani barsiisaan keessaniif gooftaan keessan ergan miilla isiniif dhiqee, isin immoo miilla walii walii keessaniif dhiquun isiniif in ta'a*.

¹⁵Ani akkuman isiniif godhe, isinis immoo akka gootanitti fakkeenya isiniif ta'eera*.

¹⁶Dhuguma, dhuguman isinitti hima, hojjetaan isa isa hojjechiifatu irra hin caalu, inni ergames isa ergate irra hin caalu*.

¹⁷Kana erga beektanii, akkuma kanaatti yoo hojjettan kan ayyaanomtanii dha*.[102]

¹⁸?Ani waa'ee hunduma keessaniitiif hin dubbadhu, warra ani fo'adhe immoo beeka; inni macaafni, ?Namichi buddeena koo nyaate na dhiite!? jedhu garuu, raawwatamuun in ta'a*.

¹⁹Yommuu inni ta'u ?Ani isa ta'uu koo? akka amantaniif, utuu inni hin ta'in duraan dursee amma isinitti nan hima*.

²⁰Dhuguma, dhuguman isinitti hima, namni isa ani erge simatu ana simachuu isaa ti, namni ana simatus isa ana erge simachuu isaa ti? jedhee isaanitti dubbate*.[103]

²¹Yesus erga kana dubbatee booddee, hafuura isaatti dhiphatee, ?Dhuguma, dhuguman isinitti hima, tokko isin keessaa dabarsee na kennuuf jedha? jedhee dhugaa ba'e*.

²²Bartoonni garuu waa'ee eenyuutiif akka inni dubbate walii wallaalanii, ija keessa wal ilaalan.

²³Bartoota isaa keessaa inni Yesus jaallate tokko baay'ee Yesusitti maxanee in taa'a ture*.

²⁴Kanaaf Simoon Phexros waa'ee eenyuutiif akka Yesus dubbate haa gaafatuuf, nyaaraan bartichatti argisiise.

²⁵Bartuun sunis gara Yesusitti jedhee, ?Yaa gooftaa, eenyu inni?? jedhee gaafate*.

²⁶Yesus immoo, ?Inni ani buddeena afaan-kaa'ata tokko cuuphee kennuuf isa? jedhee deebiseef; si'uma sanas buddeena afaan-kaa'ata tokko cuuphee, Yihudaa ilma Simoon nama biyya Keriyotiif kenne.

²⁷Yihudaan akkuma buddeenicha afaan kaa'ateen, Seexanni isatti gale; yommus Yesus, ?Waan gochuuf jettu dafii godhi!? ittiin jedhe*.

²⁸Warra maaddiitti taa'an sana keessaas, maaliif Yesus akkas akka ittiin jedhe, homtinuu hin hubanne.

²⁹Kaan Yihudaan korojoo horii waan baateef Yesus, ?Waan ayyaanaaf nu barbaachisu biti!? ittiin jedhe; yookiis immoo akka inni hiyyeessotaaf waa kennuuf, itti hime se'an*.

³⁰Yihudaan buddeena afaan-kaa'ata tokko sana fudhatee, achumaan gad ba'e; yeroon isaa immoo halkan ture*.[104]

³¹Yihudaan erga gad ba'ee booddee, Yesus, ?Egaa ilmi namaa ulfina argachuu isaa ti; Waaqayyos isaan ulfina argachuu isaa ti*.

³²[Waaqayyo isaan ulfina erga argatee], Waaqayyo immoo deebisee ulfina isa in argachiisa, dafees in argachiisa*.

³³Yaa ijoollee koo si'achi yeroo gabaabaa duwwaadhaafan isinii wajjin jira; na barbaaduuf jirtu, ?Iddoo ani dhaqu dhufuu hin dandeessan? jedhee Yihudootatti akkuman hime, isinittis immoo amma nan hima*.

³⁴Akka isin wal jaallattaniif abboommii haaraa isiniif nan kenna; ani akkuman isin jaalladhe, isinis immoo akka wal jaallattan isin abboomeera*.

³⁵Jaalala yoo waliif qabaattan, kanaan namoonni hundinuu akka isin bartoota koo taatan in beeku? jedhe*.[105]

³⁶Yommus Simoon Phexros, ?Eessa dhaquuf jetta yaa gooftaa?? jedheen; Yesus immoo, ?Iddoo ani dhaquudhaaf jedhu amma na duukaa dhufuu hin dandeessu, booddee garuu na duukaa in buuta? jedhee deebiseef*.

³⁷Kana irratti Phexros, ?Gooftaa maaliifan amma si duukaa bu'uu hin danda'u? Anoo siif jedhee lubbuu koo kennuuf jira? jedheen.

³⁸Yesus immoo deebisee, ?Maal akkas anaaf jettee lubbuu kee kennita? Dhuguma, dhuguman sitti hima, indaanqoon utuu hin iyyin si'a sadii na ganta? jedhe.[106]