Read west central oromo WANGEELA YOHANNIS 3 Bible Online

WANGEELA YOHANNIS 3 - west central oromo bible

WANGEELA YOHANNIS 3

¹Fariisota keessa, namni Niqoodemos jedhamu tokko ture; inni dura-buutuu Yihudootaa ture*.

²Inni kun halkaniin gara Yesus dhufee, ?Rabbii akka ati barsiisaa taatee Waaqayyo biraa dhufte nuyi beekna; homtinuu yoo Waaqayyo isaa wajjin jiraate malee milikkita ati argisiiftu kana, danda'ee hin argisiisu? ittiin jedhe*.

³Yesus, ?Dhuguma, dhuguman sitti hima, eenyu illee olii yoo dhalachuu dhabaate, mootummaa Waaqayyoo arguu iyyuu hin danda'u? jedhee deebiseef*.

⁴Niqoodemos immoo, ?Namni erga qancaree attamitti dhalachuu danda'a? Gadameessa haadha isaatti lammaffaa galee, dhalachuu danda'a moo?? jedhee Yesusin gaafate*.

⁵Kanaaf Yesus, ?Dhuguma, dhuguman sitti hima, eenyu illee bishaanii fi hafuura qulqulluuttii yoo dhalachuu dhabaate, mootummaa Waaqayyootti galuu hin danda'u*.

⁶Nama fooniittii kan dhalate foon, hafuurattii kan dhalate hafuura*.

⁷Olii dhalachuun isiniif in ta'a siin jechuu kootiif hin dinqifatin.

⁸Qilleensi gara fedhetti in qilleensa'a, qilleensa'uu isaa in dhageessa, eessaa akka inni dhufu, eessas akka inni dhaqu garuu hin beektu; egaa hafuurattii kan dhalate hundinuus akkuma kana? jedhee deebiseef*.[17]

⁹Niqoodemos deebisee, ?Kun attamitti ta'uu danda'a?? jedhee Yesusin gaafate.

¹⁰Yesus deebiseefii, ?Ati barsiisaa Israa'el kan taate, kana hin beektuu?

¹¹Dhuguma, dhuguman sitti hima, nuyi isa beeknu in dubbanna, isa argines dhugaa in baana; utuma ta'uu iyyuu isin isa nuyi dhugaa baanu hin fudhattan*.

¹²Waa'ee isa biyya lafaa isinitti himnaan erga hin amantan ta'ee, waa'ee isa biyya waaqaa yoon isinitti hime immoo attamitti amantu ree?

¹³Ilma namaa isa waaqa irraa gad bu'e sana malee, homtinuu gara waaqaatti ol hin baane*.

¹⁴Museen lafa onaa keessatti bofa sibiila diimaa muka irratti akka ol fuudhe, ilmi namaas immoo akkasuma muka irratti ol fuudhamuun in ta'a*.

¹⁵Kunis ilma namaatti kan amanu hundinuu jireenya bara baraa haa qabaatuuf ta'a*.[18]

¹⁶?Waaqayyo, akkasitti tokkicha ilma isaa hamma kennuufitti biyya lafaa jaallate; kun immoo isatti kan amanu hundinuu jireenya bara baraa haa qabaatuuf malee, haa baduuf miti*!

¹⁷Waaqayyo biyya lafaatti farachiisuuf miti, biyyi lafaa isaan haa fayyuuf ilma isaa biyya lafaatti erge malee*.

¹⁸Ilma isaa kanatti kan amanu itti hin faradamu, isatti kan hin amanne garuu, maqaa tokkicha ilma Waaqayyootti waan hin amaniniif, ammuma iyyuu itti faradameera*.

¹⁹Ifichi gara biyya lafaa dhufeera, namoonni garuu hojiin isaanii hamaa waan ta'eef, ifa irra dukkana jaallatan; firdichis akkuma kanatti in raawwatama*.

²⁰Hamaa kan hojjetu hundinuu ificha in jibba, hojiin isaa akka irratti hin beekamneef gara ifichaatti hin ba'u*.

²¹Dhugaatti kan jiraatu garuu hojiin isaa, inni akka jaalala Waaqayyootti hojjetame, haa mul'atuuf gara ifichaatti in ba'a? jedheen*.[19]

²²Kana booddee Yesusii fi bartoonni isaa gara kutaa biyya Yihudaa dhaqan; Yesus bartoota isaa wajjin takka achi bubbule, in cuuphas ture*.

²³Yohannis immoo mandara Enon isa Saalemitti dhi'oo, iddoo bishaan baay'een argame sanatti in cuupha ture; namoonnis achi dhaqanii in cuuphaman.

²⁴Yohannis yeroo sanatti mana hidhaatti hin galfamne ture*.[20]

²⁵Yommus bartoonni Yohannis waa'ee qulleessuu irratti Yihudii tokkoo wajjin walitti falmuutti ka'an.

²⁶Bartoonni sun gara Yohannis dhufanii, ?Yaa barsiisaa, inni gama Yordaanositti sii wajjin ture, atis immoo dhugaa baateef sun kunoo in cuupha; hundumtinuus gara isaa dhaqaa jiru? jedhanii itti himan*.

²⁷Yohannis yommus deebisee, ?Namni yoo waaqa irraa isaaf kenname malee, waan tokko illee fudhachuu hin danda'u*.

²⁸?Ani Kristos miti, garuu fuula isaa duran ergame? jedhee akkan dubbadhe, isin ofii keessanii dhugaa anaaf baatu*.

²⁹Misirroo kan manaa qabu inni dhirsa misirroo ti, miinjeen inni isa dhaggeeffatu garuu sagalee dhirsa misirroo dhaga'uutti guddaa in gammada; anis akkuma kanatti gammachuun koo amma guutuu in ta'a*.

³⁰Inni sun guddachaa adeemuun in ta'aaf, ani garuu xinnaachaa adeemuun anaaf in ta'a? jedhe.[21]

³¹Yohannis itti fufee, ?Inni olii dhufu hundumaa irra jira; namni lafa kanaa kanuma lafaatti, waa'ee isa lafa irraa dubbatas, inni waaqa irraa dhufu hundumaa irra jira*.

³²Isa arge isa dhaga'e sanas dhugaa in ba'a; isa inni dhugaa ba'us homtinuu hin fudhatu*.

³³Isa inni dhugaa ba'u kan fudhatu immoo, Waaqayyo dhuga-qabeessa akka ta'e mallattoodhaan cimseera*.

³⁴Inni Waaqayyo isa erge dubbiidhuma Waaqayyoo dubbata, Waaqayyo hafuuricha safara malee in kenna'o*.

³⁵Abbaan ilma isaa in jaallata, waan hundumaas harka isaatti kenneera*.

³⁶Namni ilma Waaqayyootti amanu, jireenya bara baraa qaba; ilma Waaqayyoof kan hin abboomamne garuu jireenya hin argatu, dheekkamsa Waaqayyootu isarratti hafa malee? jedhe*.[22]