Read west central oromo WANGEELA YOHANNIS 5 Bible Online

WANGEELA YOHANNIS 5 - west central oromo bible

WANGEELA YOHANNIS 5

¹Yeroo kana booddee ayyaanni warra Yihudootaa ture, Yesusis Yerusaalemitti ol ba'e*.

²?Karra hoolaa? isa jedhamu isa masaraa mandara Yerusaalemitti galchu bukkeedhaan bishaan kuufamaan, afaan Ibraayisxiitti ?Betzataa?[34] jedhamu tokko ture; bishaan sana bira godoo babbal'aa shantu ture*.

³Namoonni dhukkubsatan baay'een, warri jaaman, warri naafatan, warri dhagni isaanii gar tokko du'es godoota sana keessa ciisanii, [raafamuu bishaanichaa in eeggatu turan.

⁴Ergamaan Waaqayyoo yeroo yerootti golba bishaanichaa keessa lixee isa in raasa; raafamuu isaa booddee, namni dura bishaanicha keessa lixe dhukkuba isa kamittii iyyuu in fayya ture.][35]

⁵Namni waggaa soddomii saddeet dhukkubsate tokko achi ture.

⁶Yesus yommuu namicha dhukkubsatee ciisu sana arge, yeroo dheeraa hammana ga'u dhukkubsachuu isaa erga beekee, ?Fayyuu barbaaddaa?? jedhee isa gaafate.

⁷Namichi dhukkubsataan sun, ?Gooftaa, bishaanichi yommuu raafamu kuufama bishaanichaa keessa nama na buusu hin qabu; ofii kootii immoo utuu ani itti rakkadhuu, namni biraa na dura keessa lixa? jedhee deebiseef.

⁸Yesus immoo, ?Ka'i, siree kee fudhadhuutii adeemi!? ittiin jedhe*.

⁹Namichis achumaan fayyee, siree isaa fudhatee achii adeeme; guyyaan namichi kun fayye guyyaa Sanbataa ture*.[36]

¹⁰Yommus warri Yihudootaa namicha fayye sanaan, ?Har'i Sanbata, siree baachuu seerri si dhowwa? jedhan*.

¹¹Inni garuu deebisee, ?Namicha isa ana fayyisetu, ?Siree kee fudhadhuutii adeemi!? anaan jedhe? isaaniin jedhe.

¹²Isaan immoo, ?Eenyu namichi, ?Siree kee fudhadhuutii adeemi? jedhee sitti hime?? jedhanii isa gaafatan*.

¹³Namichi fayye sun garuu eenyu akka isa fayyise hin beekne; Yesus immoo namoonni iddoo sanatti waan tuuta'aniif achii adeeme ture.

¹⁴Ergasii Yesus namicha fayye sana mana qulqullummaatti argatee, ?Kunoo, amma fayyiteetta; egaa kan kana irra caalu akka sitti hin dhufnetti, si'achi cubbuu hin hojjetin!? ittiin jedhe*.

¹⁵Namichi yommus dhaqee, kan isa fayyise Yesus akka ta'e warra Yihudootaatti hime*.

¹⁶Yihudoonni kana irratti, Yesus hojii akkasii guyyaa Sanbataatti waan hojjeteef, isa ari'achuutti ka'an*.

¹⁷Yesus garuu, ?Abbaan koo amma iyyuu hojjechuutti jira, anis immoo nan hojjedha? jedhee isaanitti dubbate*.

¹⁸Kana dhageenyaan Yihudoonni, Yesus seera Sanbataa kan cabse duwwaa utuu hin ta'in, Waaqayyo abbaadhuma koo ti jechuu isaatiin immoo ofii isaa Waaqayyotti qixxeesseera jedhanii isa ajjeesuudhaaf caalchisanii yaadan*.[37]

¹⁹Yesus itti fufee, ?Dhuguman isinitti hima, ilmi ofuma isaatiin homaa gochuu hin danda'u, isa abbaan isaa hojjetu ilaalee in hojjeta; isuma abbaan hojjetu ilmis immoo akkuma kanatti in hojjeta*.

²⁰Abbaan ilma in jaallata, ofii isaatii kan hojjetu hundumaa ilmatti in argisiisa; isin akka dinqifattaniif inni hojii kana irra caalu iyyuu isatti argisiisuuf jedha*.

²¹Abbaan warra du'an kaasee akkuma isaan jiraachisu, ilmis immoo warra barbaadu in jiraachisa*.

²²Abbaan ofii isaatii homaattuu hin faradu, firdii hundumaa harka ilma isaatti kenneera malee*.

²³Hundinuu abbaadhaaf ulfina akkuma kennanitti, ilmaafis ulfina haa kennan; ilmaaf ulfina kan hin kennine, abbaa isa ilma isaa ergeefis ulfina hin kennu*.[38]

²⁴?Dhuguma, dhuguman isinitti hima, dubbii koo dhaga'ee isa ana ergetti kan amanu jireenya bara baraa qaba; inni du'a keessaa gara jireenyaatti darbee malee, gara firdii hin dhaqu*.

²⁵Dhuguma, dhuguman isinitti hima, yerichi warri du'an sagalee ilma Waaqayyoo itti dhaga'an dhufuuf jira, ammuma iyyuu dhufeera; warri isa dhaga'anis in jiraatu*.

²⁶Abbaan ofuma isaatii burqaa jireenyaa akka ta'e, akkuma kanatti ilmi isaas immoo burqaa jireenyaa akka ta'uuf isaaf kenneera*.

²⁷Inni ilma namaa isa ulfina-qabeessa waan ta'eef, abbaan isaa firdii akka inni faraduuf gooftummaa kenneeraaf*.

²⁸Waa'ee kanaa hin dinqifatinaa; warri du'anii awwaalaman sagalee isaa yeroon itti dhaga'an in dhufa*.

²⁹Isaan awwaala keessaa in ba'u, warri waan gaarii hojjetan jireenya argachuudhaaf in ka'u, warri waan hamaa hojjetan immoo firdiitti dhi'aachuudhaaf in ka'u? jedhe*.[39]

³⁰Yesus itti dabalee, ?Ani humna kootiin homaa gochuu hin danda'u; abbaa koo irraa akkan dhaga'etti nan farada; firdiin ani faradus qajeelaa dha. Anoo yaada koo duukaa bu'uu hin barbaadu, yaada isa ana ergee duukaan bu'a malee*.

³¹Ofii kootiif dhugaa nan ba'a yoon ta'e, dhugaa ba'uun koo hin fudhatamu*.

³²Garuu anaaf kan dhugaa ba'u kan biraa tokko jira, dhugaan inni anaaf ba'us amanamaa akka ta'e ani beeka*.

³³Isin Yohannis cuuphaatti namoota ergitan; inni dubbii amanamaa sanaaf dhugaa ba'eera*.

³⁴Isin akka fayyitaniifan kana jedha malee, anoo dhugaa ba'uu namaa hin fudhadhu.

³⁵Yohannis akka ibsaa boba'etti kan ibsu ture; isin garuu hamma yerootti ifa isaatti gammaduu barbaaddan.

³⁶Isa Yohannis cuuphaan dhugaa ba'e irra caalaa kan dhugaa anaaf ba'u qaba; hojiin abbaan koo akkan raawwadhuuf dabarsee anatti kenne baay'ee dha; hojiin ani hojjedhu kunis abbaan akka ana erge dhugaa anaaf in ba'a*.

³⁷Inni ana erge abbaanis immoo ofii isaatii anaaf dhugaa ba'eera; isin utuu inni dubbatuu sagalee isaa takkaa hin dhageenye, bifa isaas argitanii hin beektan*.

³⁸Isin isa abbaan ergetti hin amantan; kanaaf dubbiin isaa garaa keessan keessa hin turu*.

³⁹Caaffata qullaa'oo keessaa jireenya bara baraa qabna jettanii waan yaaddaniif, caaffatoota in qortu; caaffatoonni sunis immoo anaaf dhugaa in ba'u*.

⁴⁰Haa ta'u iyyuu malee, jireenya akka qabaattaniif gara koo dhufuu hin barbaaddan*.[40]

⁴¹?Ani nama biraa ulfina hin fudhadhu*.

⁴²Akka isin Waaqayyoon hin jaallanne, anoo hubadheera*.

⁴³Ani maqaa abbaa kootiin nan dhufe, isin garuu ana hin simanne; kan biraa maqaa ofii isaatiitiin yoo dhufe, isa immoo in simattu*.

⁴⁴Isin walii walii keessan irraa ulfina fudhattu malee, ulfina isa Waaqayyo tokkicha biraa dhufu hin barbaaddan; egaa, attamitti amanuu dandeessu ree*?

⁴⁵Ani fuula abbaa koo duratti kanan isin hadheessu, isinitti hin fakkaatin; kan isin hadheessu jira, innis Musee isa isin abdattanii dha*.

⁴⁶Utuu isa Museen caafetti amantan ta'ee, anattis immoo in amantu turtan; Museen waa'ee koo caafeera*.

⁴⁷Isa Museen caafe isiniif kenne erga hin amantan ta'ee, attamitti isa ani afaan kootiin isinitti dubbadhu amantu ree?? jedhe*.[41]