Read west central oromo WANGEELA YOHANNIS 7 Bible Online

WANGEELA YOHANNIS 7 - west central oromo bible

WANGEELA YOHANNIS 7

¹Kana booddees Yihudoonni warri Yesusiin morman isa ajjeesuu waan yaadaniif, Yesus kutaa biyya Galiilaa keessa deddeebi'e malee, kutaa biyya Yihudaa keessa deddeebi'uu hin barbaanne*.

²Ayyaanni Yihudootaa inni ayyaana Gordommaa jedhamu tokko dhi'aatee ture*.

³Obboloonni Yesus immoo, ?Bartoonni kee hojii ati hojjettu akka arganiif, iddoo kanaa ka'ii kutaa biyya Yihudaa dhaqi*!

⁴Eenyu illee mul'inatti yoo beekamuu barbaade, hojii isaa dhoksaatti hin hojjetu; amma garuu ati hojii kana hundumaa in hojjetta erga ta'ee, biyya lafaatti of mul'isi!? ittiin jedhan.

⁵Obboloonni isaa iyyuu isatti hin amanne*.

⁶Yesus immoo, ?Yeroon anaaf ta'u amma illee hin geenye, isiniif garuu yeroon hundinuu kan ta'u isinitti fakkaata*.

⁷Biyyi lafaa isin jibbuu hin danda'u; ana garuu, hojiin isaa hamaa akka ta'e waanan dhugaa itti ba'uuf, in jibba*.

⁸Isin ofii keessanii gara ayyaanichaatti ol ba'aa, ani garuu, yeroon anaaf ta'u waan hin raawwataminiif, amma illee gara ayyaana kanaatti ol hin ba'u? jedhee isaaniif deebise.

⁹Kana isaaniin jedhee, Galiilaatti hafe.[52]

¹⁰Obboloonni isaa gara ayyaanichaatti erga ol ba'anii booddee, Yesus immoo mul'inatti utuu hin ta'in dhoksaatti ol ba'e.

¹¹Yihudoonni warri Yesusiin morman, ?Inni eessa jira?? jechaa ayyaanicha irratti in iyyaafatu turan*.

¹²Namoonnis waa'ee isaa in guungumu turan; isaan keessaa garri tokko, ?Inni nama gaarii dha? jedhan, garri tokko immoo, ?Waawuu, inni namoota karaa irraa kaachisa? jedhan*.

¹³Haa ta'u iyyuu malee, Yihudoota warra Yesusiin morman waan sodaataniif, isaan keessaa namni tokko illee waa'ee isaa mul'isee hin dubbanne*.[53]

¹⁴Guyyoonni ayyaanichaa torban erga walakkatanii, Yesus mana qulqullummaatti ol galee barsiisuutti ka'e*.

¹⁵Yihudoonni warri Yesusiin morman, ?Inni kun barumsa dheeraa utuu hin qabaatin, attamitti macaafota beeke?? jedhanii dinqifatan*.

¹⁶Yesus immoo isaaniif deebisee, ?Barsiifni ani barsiisu kan koo miti, kan isa ana ergee ti malee*.

¹⁷Namni fedha Waaqayyoo raawwachuu barbaade, barsiifni kun Waaqayyo biraa ta'uu isaa yookiis of keessaa fuudhee dubbachuu koo in hubata.

¹⁸Namni of keessaa fuudhee dubbatu, ulfina mataa isaa barbaada; inni ulfina isa isa ergee barbaadu garuu dhuga-qabeessa, jal'innis isa keessa hin jiru*.[54]

¹⁹?Museen seera isiniif kenneera mitii? Isin keessaas tokko illee seericha hin eegne; egaa maaliif ana ajjeesuu barbaaddu ree?? jedhe*.

²⁰Jarri kana irratti, ?Seexanatu si keessa jira! Eenyutu si ajjeesuu barbaada?? jedhaniin*.

²¹Yesus immoo deebisee, ?Ani hojii isin dinqisiisu tokko hojjedheera, isin hundumti keessan immoo isa irratti in rifattan*.

²²Museen seera dhagna-qabaa isiniif kenne; dhagna-qabaan kun illee abaabiliidhaan dhufe malee, Museedhaan hin jalqabamne; isin immoo guyyaa Sanbataatti iyyuu nama dhagna in qabdu*.

²³Seerri Musee akka eegamuuf, namni guyyaa Sanbataatti iyyuu dhagna kan qabatu erga ta'ee, guyyaa Sanbataatti waan ani nama guutummaa isaa fayyiseef anatti dheekkamtu ree*?

²⁴Akka bakkeedhaan ilaaltanitti hin faradinaa, firdii qajeelaa kennaa malee? isaaniin jedhe*.[55]

²⁵Amma immoo warra Yerusaalem keessaa jarri tokko, ?Inni kun isa isaan ajjeesuu barbaadan mitii*?

²⁶Ilaa inni mul'inumatti dubbachaa jira, isaanis waan tokko illee isa irratti hin dubbatan; warri aboo qaban, akka inni Masiihicha ta'e dhuguma hubatan laataa?

²⁷Haa ta'u iyyuu malee, namichi kun nama eessaa akka ta'e in beekna; Masiihichi yommuu dhufu garuu, eessaa akka inni ta'e homtinuu hin beeku? jedhan*.

²⁸Isa irratti Yesus utuu mana qulqullummaa keessatti barsiisuu sagalee isaa ol fudhatee, ?Dhuguma ana beektu, nama eessaa akkan ta'es in beektu. Ofiin hin dhufne, inni ana erge jira; inni amanamaa dha, isin immoo isa hin beektan*.

²⁹Ani garuu isa biraa nan dhufe, isatus na erge; kanaafis isa nan beeka? isaaniin jedhe*.

³⁰Kana irratti isa qabuu yaadan; garuu yeroon isaa amma illee waan hin ga'iniif, namni tokko iyyuu harkaan isa hin qabne*.

³¹Namoota sana keessaa baay'een Yesusitti amanan; isaanis, ?Masiihichi yommuu dhufu, isa namichi kun argisiise irra caalaa milikkita argisiisa laataa?? jedhan*.[56]

³²Fariisonni yommus isa namoonni waa'ee Yesus guunguman dhaga'an; luboonni warri angafoonni, Fariisonnis Yesusin qabsiisuudhaaf naa'ota isaanii isatti ergan.

³³Yesus yeroo sanatti, ?Egaa ani yeroo gabaabduu duwwaadhaaf isin biran jira; kana booddee gara isa ana ergee nan dhaqa*.

³⁴Isin ana barbaaduuf jirtu, garuu ana hin argattan; iddoo ani jirus dhufuu hin dandeessan? jedhe*.

³⁵Yihudoonni warri Yesusiin morman, ?Akka nuyi isa hin argineef namichi kun eessa dhaquudhaaf jedha? Gara Yihudoota warra biyya Griikotaa keessatti faca'anii dhaqee Griikota barsiisuu yaadaa*?

³⁶?Isin ana barbaaduuf jirtu, garuu ana hin argattan; iddoo ani jirus dhufuu hin dandeessan? jechuun isaa kun maal jechuu isaa ti?? jedhanii waliin dudubbatan.[57]

³⁷Guyyaan dhuma ayyaanichaa guyyoota sana hunduma irra caalaa guddaa ture; guyyaa sanatti Yesus ka'ee dhaabatee, sagalee isaa ol fudhatee, ?Namni dheebote yoo jiraate gara koo haa dhufu, haa dhugus*.

³⁸Namni anatti amanu akkasuma haa godhu! Macaafni akkuma dubbate, ?Yaa'aan bishaan jiraataa garaa isaa keessaa in burqa?? jedhe*.

³⁹Inni dubbii kana waa'ee hafuura qulqulluu, isa warri isatti amanan fudhachuuf jiraniif dubbate; inni iddoo ulfina isaatti waan ol hin fudhataminiif, hafuurri qulqulluun amma iyyuu hin kennamne ture*.[58]

⁴⁰Warra dubbii kana dhaga'an keessaa jarreen tokko, ?Namichi kun dhuguma raajicha? jedhan*.

⁴¹Warri kaan immoo, ?Inni Kristos? jedhan; warri kaan garuu, ?Kristos Galiilaadhaa dhufaa*?

⁴²Macaafichi, Kristos sanyii Daawit keessaa Betlihem ganda Daawitii akka dhufu hin dubbannee ree?? jedhan*.

⁴³Namoonni waa'ee isaa irratti yaadaan gargar ba'an*.

⁴⁴Isaan keessaa kaan isa qabuu barbaadan; garuu namni tokko iyyuu harkaan isa hin qabne*.[59]

⁴⁵Naa'onni warri Yesusitti ergaman gara luboota warra angafootaatti gara warra Fariisotaattis in deebi'an; isaan immoo, ?Maaliif Yesusin hin dhi'eessine?? jedhanii naa'ota in gaafatan*.

⁴⁶Naa'onnis, ?Akka namicha kanaatti takkaa namni dubbatee hin beeku? jedhanii deebisaniif*.

⁴⁷Kana irratti warri Fariisotaa, ?Isinuma iyyuu karaa irraa isin kaachise*.

⁴⁸Warra aboo qaban keessaa yookiis warra Fariisotaa keessaa tokko iyyuu isatti amaneeraa ree*?

⁴⁹Jarattii seera Museedhaan kenname hin beekne kana duwwaa dha; isaan immoo abaaramoo dha? jedhaniin.

⁵⁰Niqoodemos inni duraan gara Yesus dhaqe immoo, warra Fariisotaa sana keessaa tokko ture*.

⁵¹Inni yommus, ?Seerri keenya afaan isaa irraa utuu hin dhaga'in, waan inni hojjetes utuu hin hubatin nama tokkotti in farachiisaa?? isaaniin jedhe*.

⁵²Isaan garuu deebisanii, ?Atis immoo nama Galiilaa tii? Macaaficha qoriitii ilaali! Galiilaadhaa raajiin hin ka'u? jedhaniin*. [

⁵³Kana booddee hundumti isaanii gara mana mana isaaniitti galan.[60]