Read west central oromo WANGEELA YOHANNIS 9 Bible Online

WANGEELA YOHANNIS 9 - west central oromo bible

WANGEELA YOHANNIS 9

¹Yesus utuu darbuu nama dhaloota isaatii jalqabee jaame tokko arge.

²Yommus bartoonni isaa, ?Barsiisaa! Namni kun cubbuu eenyuutiif jaamaa ta'ee dhalate? Isatu yakke moo yookiis abbaa isaatii fi haadha isaatu yakke?? jedhanii Yesusin gaafatan*.

³Yesus immoo deebisee, ?Inni cubbuu hojjeteef yookiis abbaan isaatii fi haati isaa cubbuu hojjetaniif miti, isa fayyisuudhaan hojiin Waaqayyoo akka mul'atuuf jaamaa ta'ee dhalate malee*.

⁴Hojii isa ana ergee guyyaadhaan hojjechuun nuuf in ta'a, yeroo namni tokko illee itti hojjechuu hin dandeenye halkan in dhufa'o*.

⁵Biyya lafaa keessa hamman jirutti, ani ifa biyya lafaa ti? isaaniin jedhe*.

⁶Yesus akkuma kana jedheen lafatti tufee, hancufa isaatiinis biyyoo dhoqqeessee, dhoqqicha ija namichaatti dibe*.

⁷Namichaanis, ?Dhaqi Siiloam bishaan kuufamaatti dhiqadhu!? jedhe; ?Siiloam? jechuun isa ergame jechuu dha. Namichi yommus dhaqee dhiqatee, ija isaatiinis argaa, deebi'ee dhufe*.[70]

⁸Olloonni isaa, warri kanaan dura utuu inni kadhatuu argan, ?Inni kun namicha isa taa'ee kadhachaa ture mitii?? jedhanii gaafatan*.

⁹Namoonni kaan, ?Eyyee isuma? jedhan; kaan immoo, ?Lakkisaa, isa fakkaata malee? jedhan. Namichi yommus, ?Ani isa? jedhe.

¹⁰Namoonni immoo, ?Iji kee lachanuu attamitti siif banamani ree?? jedhanii isa gaafatan.

¹¹Kana irratti inni, ?Namicha isa Yesus jedhamutu biyyoo dhoqqeessee, ija koo lachuutti anaaf dibee, ?Gara bishaan Siiloam dhaqiitii dhiqadhu!? anaan jedhe. Anis dhaqee dhiqadheetan arguu danda'e? jedhee isaaniif deebise.

¹²Jarri immoo, ?Inni eessa jira?? jedhanii isa gaafatan; namichi garuu, ?Ani hin beeku? jedhee deebiseef.[71]

¹³Jarri yommus namicha dur jaamaa ture sana fuula warra Fariisotaatti in dhi'eessan*.

¹⁴Guyyaan Yesus biyyoo dhoqqeessee ija namicha jaamaa bane guyyaa Sanbataa ture*.

¹⁵Fariisonnis immoo attamitti arguu akka danda'e namicha in gaafatan; namichi yommus, ?Inni ija koo irra dhoqqee kaa'e, ani immoo nan dhiqadhe, nan arges!? isaaniin jedhe.

¹⁶Fariisota keessaa jarri tokko, ?Namni kun guyyaa Sanbataa waan hin eegneef, nama Waaqayyo biraa dhufe ta'uu hin danda'u? jedhan. Isaan keessaa kaan garuu, ?Namni cubbamaan attamitti milikkita kana hundumaa hojjetee argisiisuu danda'a?? jedhanii kana irratti yaadaan gargar ba'an*.

¹⁷Kana booddee warri Fariisotaa namicha isa jaamaa ture sanaan, ?Waa'ee isa ija kee siif bane kanaa maal jetta?? jedhan; yommus namichi, ?Inni raajii dha? jedhee deebiseef*.[72]

¹⁸Yihudoonni amma iyyuu, namichi kun jaamaa akka ture akka inni arguu danda'es hin amanne; kanaaf abbaadhaa fi haadha namicha isa arguu danda'e kanaa, ofitti waaman.

¹⁹Warra waamaman kanaanis, ?Inni kun ilma keessan, isa isin jaamaa ta'ee dhalate jettanii? Amma immoo attamitti arga ree?? jedhanii gaafatan.

²⁰Abbaan isaa fi haati isaa deebisanii, ?Akka inni ilma keenya ta'e, jaamaa ta'ees akka dhalate in beekna.

²¹Amma attamitti akka argu hin beeknu; yookiis eenyu ija isaa lachuu akka baneef nuyi hin beeknu; inni nama ga'aa dha, innumtuu waa'ee ofii isaatii in dubbata, isa gaafadhaa!? jedhan.

²²Abbaan isaa fi haati isaa Yihudoota waan sodaataniif kana jedhan; namni ?Yesus Masiihicha? jedhee dhugaa ba'u, tokkummaa mana sagadaa isaanii keessaa akka baafamu Yihudoonni sun irratti walii galanii turan*.

²³Sababii kanaaf abbaan isaa fi haati isaa, ?Inni nama ga'aa dha, isa gaafadhaa!? jedhan.[73]

²⁴Ergasii Fariisonni namicha jaamaa ture sanas si'a lammaffaa waamanii, ?Ati, dhugaa dubbachuudhaan Waaqayyoof ulfina kenni! Namni kun cubbamaa akka ta'e nuyi in beekna? ittiin jedhan*.

²⁵Namichi immoo, ?Inni cubbamaa ta'uu isaa ani hin beeku, waan tokkicha duwwaa nan beeka, ani jaamaa ta'een dhaladhe, amma garuu nan arga? jedhee isaaniif deebise.

²⁶Kana irratti isaan, ?Maal siif godhe? Attamittis ija kee siif bane?? jedhanii gaafatan.

²⁷Inni immoo, ?Kanaan dura ani isinitti himnaan dhaga'uu diddan; maaliif ammas dhaga'uu barbaaddu? Tarii isinis immoo bartoota isaa ta'uu feetuu?? jedhee deebiseef.

²⁸Fariisonni kana irratti namichatti ori'anii, ?Situ bartuu isaa ti, nuyi garuu bartoota Musee ti.

²⁹Waaqayyo Museetti akka dubbate nuyi in beekna; namichi kun garuu eessaa akka inni dhufe iyyuu hin beeknu? jedhaniin*.

³⁰Namichi immoo deebisee, ?Inni ija koo anaaf bane, isin immoo eessaa akka inni dhufe iyyuu hin beeknu jettu; kun nama dinqa.

³¹Waaqayyo warra cubbamootaaf akka hin dhageenye in beekna; nama isa sodaatuuf jaalala isaas isa raawwatuuf garuu in dhaga'a*.

³²Durii durii jalqabee, namni ija nama jaamaa ta'ee dhalatee akka bane, dhaga'amee hin beeku.

³³Namni kun utuu Waaqayyo biraa dhufuu dhabaate, waanuma tokko iyyuu hojjechuu hin danda'u ture? isaaniin jedhe*.

³⁴Isaan immoo deebisanii, ?Ati guutummaatti cubbuudhaan dhalattee nu barsiiftaa?? jedhaniin; yommus namicha tokkummaa mana sagadaa isaanii keessaa in baasan*.[74]

³⁵Yesus yommus, Fariisonni namicha jaamaa ture sana tokkummaa mana sagadaa isaanii keessaa akka baasan in dhaga'e; isa argees, ?Ilma namaatti in amantaa?? ittiin jedhe.

³⁶Namichi immoo, ?Inni isa kami? Yaa gooftaa, anatti himi, itti nan amana!? jedhee deebiseef.

³⁷Kana irratti Yesus, ?Isa'oo dur argite, inni amma sii wajjin dubbachaa jirus isuma? jedheen*.

³⁸Namichi deebisee, ?Nan amana, gooftaa ko? jedhee, jilbeenfatee Yesusiif sagade.

³⁹Yesus ammoo, ?Warri hin argine akka argan, warri arguutti jiran immoo jaamota akka ta'an, firdii kennuudhaaf ani gara biyya lafa kanaa dhufeera? jedhe*.

⁴⁰Fariisota warra isaa wajjin turan keessaa jarreen tokko kana dhaga'anii, ?Nus immoo jaamota jechuu keetii ree?? jedhaniin*

⁴¹Yesus immoo, ?Jaamota utuu taatanii cubbuu hin qabdan turtan, amma garuu in argina jettu, kanaaf cubbuun keessan isin irratti in hafa? jedhee isaaniif deebise*.[75]