Read west central oromo HOJII ERGAMOOTAA 11 Bible Online

HOJII ERGAMOOTAA 11 - west central oromo bible

HOJII ERGAMOOTAA 11

¹Ergamoonnii fi obboloonni Yihudaa jiranis, warri saba Waaqayyoo hin ta'in iyyuu dubbii Waaqayyoo akka fudhatan dhaga'an*.

²Kanaaf yeroo Phexros gara Yerusaalemitti ol ba'etti, Yihudoota keessaa amantoota kan ta'an, isaan morkatanii,

³?Ati immoo mana warra dhagna hin qabatinii dhaqxee, isaanii wajjin nyaatte iyyuu mitii?? jedhaniin*.

⁴Kana irratti Phexros waan ta'e hundumaa, jalqabaa jalqabee tarreedhaan isaanitti hime.

⁵?Mandara Yophee keessatti kadhata godhachaa utuun jiruu, of wallaaleen mul'ata arge. Kunoo, wanti akka baallee uffata guddaa, mataa arfaniin hidhamee, waaqa irraa gad buufamee, dhufee ana bukkee bu'e.

⁶Hubadhee yommuun ilaales bineensa lafa irraa miilla afur qaban, bineensota wal nyaatan, kan munyuuqan, qilleensa keessa kan balali'anis isa keessatti nan arge.

⁷Sagalee, ?Ka'i Phexros, qaliitii nyaadhu!? naan jedhuun immoo dhaga'e.

⁸Ani immoo deebisee, ?Matumaa kun hin ta'u, yaa gooftaa, wanti ciiggaasisaanii fi xuraa'aatti ilaalamu takkaa afaan koo lixee hin beeku? nan jedheen.

⁹Sagalichi waaqa irraa ammoo deebisee, ?Waaqayyo kan qulleesse, ati xuraa'aatti hin ilaalin!? jedhe.

¹⁰Kun si'a sadii ta'e, kana booddee akkuma jirutti deebi'ee gara waaqaatti ol fuudhame.[67]

¹¹?Yommusuma jarri sadii warri Qiisaariyaadhaa gara kootti ergaman, mana ani ture sana dhufan.

¹²Hafuurri qulqulluun garaagarummaa tokko illee utuu hin argisiisin, isaanii wajjin akkan dhaqu anatti hime. Obboloonni ja'a as na bira jiranis anaa wajjin dhaqan; hundumti keenyas mana Qorneelewositti galle*.

¹³Qorneelewos immoo ergamaa Waaqayyoo mana isaa keessatti akka arge, ergamichi, ?Yopheetti nama ergi, Simoon isa Phexros jedhamu waamsisi;

¹⁴inni dubbii atii fi warri mana kee hundinuu ittiin fayyitan sitti in hima? akka ittiin jedhe nutti hime*.

¹⁵Yeroo ani dubbachuu jalqabetti hafuurri qulqulluun, akkuma jalqaba nu irratti bu'etti, isaan irra bu'e.

¹⁶Yommus isa gooftaan, ?Yohannis bishaaniin cuuphe, isin garuu hafuura qulqulluudhaan in cuuphamtu? jedhe nan yaadadhe*.

¹⁷Egaa isaan akkuma keenya gooftaa Yesus Kristositti yeroo amanan, Waaqayyo kennaa hafuuraa isa nuuf kenne, isaan kanaafis erga kennee, ani eenyuun ta'eetan Waaqayyoon dhowwuu danda'a ree?? jedhe.[68]

¹⁸Isaan kana hundumaa erga dhaga'anii, morkiin isaanii gab jedhe. Kana irratti isaan, ?Egaa'oo, yaada garaa isaanii geddaratanii akka ittiin jiraataniif, Waaqayyo warra saba isaa hin ta'iniifis karaa kenneera kaa? jechaa Waaqayyoon galateeffatan*.[69]

¹⁹Ari'atamuu yeroo Isxifaanos du'e waldaa irratti ka'e sana keessa, amantoonni hamma Finiiqeetti hamma Qophrositti akkasumas hamma Anxokiyaatti bittimmaa'anii turan; lafa dhaqanitti immoo dubbii gooftaa Yihudoota duwwaatti in himu turan*.

²⁰Isaan keessaa warri Qophrosii fi warri Qareenee garuu, Anxokiyaa yommuu dhufan dubbii gooftaa warra Griikotaattis immoo dubbatanii, gooftaa Yesusin misraachoo himan.

²¹Irreen gooftaa isaanii wajjin ture, namoonni baay'eenis amananii gara gooftichaatti in deebi'an*.[70]

²²Oduun kun waldaa amantootaa Yerusaalem bira ga'e, achii Baarnaabaasin Anxokiyaatti ergan.

²³Inni dhufee, ayyaana Waaqayyoo isaaniif kenne yommuu argetti, in gammade; gooftaatti amanamanii garaa isaanii guutuudhaan akka itti cimaniif, isaan in gorse*.

²⁴Innoo nama gaarii, hafuura qulqulluudhaan guutuu, amantii isaattis jabaa ture; namoonni baay'eenis gara gooftaa dhufan*.[71]

²⁵Baarnaabaas yommus Saa'olin barbaaduudhaaf gara Xarsees dhaqe*.

²⁶Yeroo isa argatettis gara Anxokiyaatti isa fide; waggaa sana guutuu waldaa sanaa wajjin wal arganii, namoota danuu barsiisaa turan. Bartoonni jalqaba duraa Anxokiyaatti ?Kristiiyaanota? jedhamanii waamaman*.[72]

²⁷Gidduu sanatti raajonni tokko Yerusaalemii gara Anxokiyaatti gad bu'an*.

²⁸Isaan keessaa tokkos Agaabos kan jedhamu ka'ee, lafa hundumaa irratti beelli jabaan akka bu'u, hafuuraan raajii dubbate; kunis bara mo'icha Klaawudiiyositti raawwatame*.

²⁹Bartoonni kana irratti adduma addaan hamma danda'an obboloota warra Yihudaa jiraatan gargaaruudhaaf ofitti muran.

³⁰Akkuma yaadanis godhanii, gargaarsicha harka Baarnaabaasii fi Saa'olitti gara maanguddoota waldaatti ergan*.[73]