Read west central oromo HOJII ERGAMOOTAA 24 Bible Online

HOJII ERGAMOOTAA 24 - west central oromo bible

HOJII ERGAMOOTAA 24

¹Guyyoota shan booddee Ananiiyaas angafni lubootaa, maanguddootaa fi nama seera falmuuf Xerxilos jedhamu tokkoo wajjin gara Qiisaariyaatti gad bu'e. Isaan fuula abbaa biyyaa Feeliksitti dhi'aatanii, hadheessa Phaawulos irratti qaban in dhi'eeffatan*.

²Yeroo Phaawulos ol waamametti Xerxilos himata isaa jalqabee, ?Yaa ulfaataa Feeliks, nagaa yeroo dheeraadhaaf hin boora'in kana argachuun keenya maqaa keetiif, karaa argachiisuu keetiinis geddaramni baay'een saba kanaaf ta'aa jira.

³Karaa hundumaa iddoo hundumaattis isa kana galata guutuudhaan fudhanna.

⁴Kana caalaa garuu si dadhabsiisuu hin barbaadu; haa ta'u iyyuu malee, himata gabaabduu nuyi qabnu, gara-laafinaan akka nuuf dhageessuuf sin kadhadha.

⁵Namichi kun sodaachisaa akka dhukkuba darbu ta'uu isaa, Yihudoota biyya lafaa irra jiraatan hundumaa gidduutti immoo goolii qaqabsiisuu isaa, garee warra Naazireet warra amantii keenya irraa addaan cabsate sanaaf immoo, dura-buutuu ta'uu isaa bira geenyeerra*.

⁶Mana qulqullummaa iyyuu xureessuudhaaf yaaleera, nuyi garuu [akka seera keenyaatti isatti faraduudhaaf] qabannee turre*. [

⁷Liisiiyaas angafni kumaa immoo dubbii kanatti dhufee, humnaan isa nu harkaa baafate.

⁸Booddee immoo warri Phaawulosin hadheessan fuula kee duratti akka dhi'aatan abboome;] atis ofii keetii qortee, isa nuyi ittiin namicha kana hadheessinu hundumaa, isa irraa baruu in dandeessa? jedhe.

⁹Warri Yihudootaas, ?Wanti kun akkuma inni amma dubbatee dha? jechaa hadheessa inni Phaawulos irratti dhi'eessetti walii galan.[139]

¹⁰Yommus abbaan biyyaa akka inni dubbatuuf Phaawulosin hawwate. Phaawulos immoo, ?Akka ati waggaa baay'eedhaaf saba kana irratti abbaa firdii turte waanan beekuuf, fuula kee duratti falmachuu nan jaalladha.

¹¹Erga ani sagaduudhaaf gara Yerusaalemitti ol ba'ee, guyyaa kudha lama hin caalu, atis kana hubachuu in dandeessa*.

¹²Mana qulqullummaa keessatti, manneen sagadaa keessatti, mandara keessattis eenyuu wajjin iyyuu anaa wal diduu, anaa nama walitti naquus arganii hin beekan.

¹³Isa amma ittiin na hadheessan kanattis, dhugaa itti baasuu hin danda'an.

¹⁴Waan tokko garuu mul'inatti sitti nan himadha; ani karaa amantii isa isaan, ?Karaa warra addaan cabsatee ti? jedhan sana irra bu'eetan, Waaqayyo isa kan abaabilii keenyaa waaqeffadha. Haa ta'u iyyuu malee, waan macaafa seeraa keessatti, macaafota raajotaa keessattis caafame hundumaa nan amana*.

¹⁵Warra qajeelotaa fi warra jal'ootaafis du'aa ka'uun akka jiru, akkuma isaan abdatan, anis Waaqayyoon abdiidhaan nan eeggadha*.

¹⁶Kanaanis guyyaa hundumaa Waaqayyoo fi nama duratti, garaa qulqullaa'aadhaan argamuudhaaf, ani ofii kootii nan dhama'a*.[140]

¹⁷?Akkasittis waggaa baay'ee turee gargaarsa saba kootiif geessuudhaaf, aarsaas Waaqayyoof dhi'eessuudhaaf Yerusaalem nan dhaqe*.

¹⁸Yihudoonni kutaa biyya Asiyaa keessaa dhufan tokko, anaa seeraan qullaa'ee aarsaa koo dhi'eessaa jiru, mana qulqullummaa keessatti na argan; namni na biratti hin tuutofne, waci tokkos hin turre.

¹⁹Ana irraa utuu waa qabaatanii illee, isaan kun fuula kee duratti dhi'aatanii ana hadheessuun in ta'aaf ture*.

²⁰Yookiis yaa'ii warra biyya seerratan duratti yommuun dhi'aadhe, yakka maalii akka ana irratti argan, warri as jiran kun ofii isaaniitii haa himan.

²¹Yookiis dubbiin tokkichi inni ani isaan gidduu dhaabadhee, sagalee koos ol fudhadhee, ?Sababii ka'uu warra du'aniitiif har'a na gaafachaa jirtu? jedhe, yakka anatti ta'aa?? jedhe*.

²²Feeliks waa'ee karaa amantii sanaa ba'eessa godhee waan beekuuf, ?Gaafa Liisiiyaas angafni kumaa dhufu, dubbii keessanitti murtoo nan kenna? jedhee dhaaba dabarse.

²³Ergasii angaficha dhibbaa isa Phaawulosin eegu waamsisee, Phaawulosin hidhaa ijaatiin akka eeguuf, firoota isaa keessaas tokko illee isa gargaaruu irraa akka hin dhowwamne, isa abboome*.[141]

²⁴Takka bubbulees Feeliks haadha manaa isaa Drusilaa, ishee Yihudiidhaa wajjin dhufe; Phaawulosin fichisiisee, waa'ee Yesus Kristositti amanuu isa Phaawulos dubbate dhaggeeffate.

²⁵Yeroo Phaawulos dubbii isaa kana keessatti waa'ee qajeelummaa, waa'ee of dhowwuu akkasumas waa'ee firdii isa dhufuu dubbatetti garuu, Feeliks in sodaate; ?Ammaaf dhaquu in dandeessa, yommuu ani fucha argadhu immoo sin waamsisa? ittiin jedhe*.

²⁶Achumaan immoo Phaawulos horii anaaf kenna se'ee abdate; kanaaf si'a baay'ee fichisiisee isaa wajjin in haasa'a ture.

²⁷Waggaan lama erga darbee garuu, Phorkii'os Fesxoos iddoo Feeliks in fudhate; Feeliks yommus Yihudoota gammachiisuu barbaadee Phaawulosin akka hidhetti dhiise*.[142]