Read west central oromo HOJII ERGAMOOTAA 25 Bible Online

HOJII ERGAMOOTAA 25 - west central oromo bible

HOJII ERGAMOOTAA 25

¹Fesxoos abbaan biyyaa kutaa biyyichaatti hojii isaa jalqabuu dhufee, guyyaa sadii booddee mandara Qiisaariyaatii ka'ee Yerusaalemitti ol ba'e.

²Luboonni warri angafoonnii fi dura-buutuun Yihudootaa garuu Fesxoos akka isaan gargaaruuf, itti dhi'aatanii Phaawulosin hadheessan*.

³?Karaatti riphanii isa ajjeesuudhaaf irratti mari'atanii waan turaniif, Phaawulosin Yerusaalemitti nuuf ergi!? jedhanii isa kadhatan*.

⁴Fesxoos immoo deebisee, ?Phaawulos Qiisaariyaatti hidhamee eegamaa jira; anis immoo dafeen achitti deebi'uu yaada.

⁵Ammas warri kanaaf dhaabatan anaa wajjin gad bu'anii, yoo namichi kun hamaa hojjeteera ta'e isa haa hadheessan!? jedheen.[143]

⁶Fesxoos guyyaa saddeet yookiis kudhan isaan bira bubbule, kana booddee Qiisaariyaatti gad bu'e; borumtaas barcuma firdii irra taa'ee, Phaawulosin akka ol galchan abboome.

⁷Akkuma Phaawulos dhi'aateen, Yihudoonni Yerusaalemii dhufan isatti marsan. Hadheessa ciccimaa baay'ees isa irratti dhi'eessan; haa ta'u iyyuu malee dhugaa itti baasisuu hin dandeenye*.

⁸Phaawulos garuu, ?Ani seera Yihudootaa irratti, mana qulqullummaa irratti, mootii warra Roomaa irrattis homaa yakka hin hojjenne? jedhee falmate.

⁹Fesxoos yommus Yihudoota gammachiisuu barbaadee, ?Yerusaalemitti ol baatee, achitti dubbii kanaaf firdii akka ani siif kennu feetaa?? jedhee Phaawulosin gaafate*.

¹⁰Phaawulos immoo, ?Ammuma iyyuu ani barcuma firdii mooticha Roomaa dura dhaabadheen jira; iddoon kunis lafa ani itti firdii fudhachuun anaaf ta'uu dha. Ati ofii keetii gaarii gootee akkuma beektu, ani Yihudoota homaa hin yakkine.

¹¹Ani utuun yakkee waan du'a anatti farachiisu hojjedheera ta'ee, adaba du'aa jalaa ba'uudhaaf hin yaalun ture; amma garuu dubbii isaan ittiin na hadheessan keessa wanti dhugaan erga hin jirree, eenyu iyyuu harka isaaniitti dabarsee na kennuu hin danda'u; ani mooticha warra Roomaa nan dhageessifadha? jedhee deebiseef.

¹²Fesxoosis warra isa gorsaniin mari'atee, ? ?Mooticha nan dhageessifadha? jette, egaa mooticha bira in dhaqxa? jedhee itti hime.[144]

¹³Guyyaa baay'ee utuu hin turin Agriipha mootichii fi Berniiqee obboleettiin isaa, Fesxoosin dubbisuudhaaf Qiisaariyaa dhufan.

¹⁴Isaan guyyaa baay'ee erga achi turanii booddee, Fesxoos waa'ee dubbii Phaawulos gargar baasee Agriiphaa mootichatti himuutti ka'ee, ?Namni Feeliks akka inni hidhametti asitti dhiisee adeeme tokko jira*.

¹⁵Ani yommuun Yerusaalem ture luboonni warri angafoonnii fi maanguddoonni Yihudootaa isa hadheessanii, akkan isatti faraduuf ana gaafatan.

¹⁶Ani immoo, ?Akka amala warra Roomaatti nama tokko, warra isa hadheessuu wajjin wal bukkee utuu hin dhaabin, hadheessa isa irratti dhi'aatettis utuu hin falmachiisin, dabarsanii isa hin kennan? jedheen isaaniif deebise.

¹⁷Warri namicha kana hadheessan anaa wajjin yommuu asitti galan, ani dubbii kana hin tursine; borumtaa barcuma firdii irra taa'een, namicha akka ol galchan abboome.

¹⁸Warri isa hadheessan yommuu dubbachuudhaaf ka'an, seera irra darbee waan hamaa hojjechuu isaatiif in dubbatu kanan se'e, waa'ee kanaa homaa tokko iyyuu isa irratti hin dubbanne.

¹⁹Kan isaan irratti wal badan waa'ee gaaffii amantii ofii isaaniitii fi, waa'ee Yesus isa jedhamu tokko ture; inni du'eera, Phaawulos garuu, ?Inni jiraataa dha? jedhe*.

²⁰Dubbii kana akkan itti qoru nan wallaalee, kanaafan Phaawulos Yerusaalem dhaqee, achitti dubbii kanaaf firdii argachuu in fedha yoo ta'eef, isa gaafadhe.

²¹Phaawulos garuu, ?Mooticha nan dhageessifadha? jedhee, hamma mooticha surra-qabeessa biraa murtoo argatutti eegamuu gaafate; kanaafis hamma ani gara mootichaatti isa dabarsutti, akka inni eegamuuf nan abboome? jedhe*.

²²Agriipha yommus Fesxoosiin, ?Ani ofii kootii dubbii isaa isa irraa dhaga'uu nan jaalladhan ture? jedhe; Fesxoos immoo deebisee, ?Bor isa irraa in dhageessa? jedheen*.[145]

²³Borumtaas Agriiphaa fi Berniiqee ulfina guddaadhaan dhufanii, angafoota kumaa fi gurguddoota mandaraa wajjin mana firdii itti kennanitti ol galan; Fesxoos abboomnaan, Phaawulosin ol galchan*.

²⁴Fesxoos yommus, ?Yaa Agriiphaa mootii, yaa warra as nuu wajjin jirtanii hundumti keessan, namichi isin argitan kun jiraachuun hin ta'uuf jedhanii, hammi Yihudootaa hundinuu Yerusaalemitti asittis anatti iyyataniiru*.

²⁵Ani immoo firdii du'aa waan itti farachiisu tokko iyyuu akka inni hin hojjetin hubadheera; amma garuu inni, ?Mooticha surra-qabeessa nan dhageessifadha? waan jedheef, mootichatti isa erguudhaaf murtoo godheera.

²⁶haa ta'u iyyuu malee waa'ee namicha kanaa gooftaa kootiif caafuudhaaf dubbii muramaa waanan dhabeef, as fuula keessan, keessumaa immoo yaa Agriiphaa mootii, fuula kee dura isa fideera; kanas ergan asitti isa qoree booddee waanan caafu akka ani beekuuf nan godhe.

²⁷Nama hidhaa tokko waan isa irratti dhi'aate utuu hin mul'isin, mootichatti dabarsuun qajeelaa ta'ee anatti hin mul'atu? jedhe.[146]