Read west central oromo HOJII ERGAMOOTAA 28 Bible Online

HOJII ERGAMOOTAA 28 - west central oromo bible

HOJII ERGAMOOTAA 28

¹Nuyis du'a erga oollee, biyyichi bishaan keessaa sun Malaaxiyaa jedhamee akka waamamu barre.

²Namoonni biyya sanaas jaalala guddaa nutti argisiisan; bokkaan in rooba, in dhaamotas waan tureef, ibidda qabsiisanii hunduma keenya ofitti waaman*.

³Phaawulos hanxaxii qabaa tokko hammaaree ibiddatti naqnaan, bofni hadhaa qabu tokko qoraanicha keessaa o'a ibiddaa utuu baqatuu, harka Phaawulos ciniine.

⁴Namoonni biyyasii immoo boficha harka Phaawulositti rarra'u yommuu argan, ?Namichi kun nama gumaa ta'uun isaa hin mamsiisu; galaanaan nyaatamuu yoo oole iyyuu, adabni gumaa isa hin jiraachisu? waliin jedhan.

⁵Phaawulos garuu boficha sana ibiddatti gad hurgufe, homtuus itti hin hammaanne*.

⁶Isaan immoo amma iita'a yookiis amma lafa dha'ee du'a jedhanii eegan. Yeroo dheeraa eegaa turaniis waan tokko illee akka irratti hin ta'in arginaan, yaada isaanii geddaranii, ?Inni waaqayyo tokko? jedhan*.[160]

⁷Abbaan biyyaa Phophliiyos jedhamu tokko iddoo sanatti dhi'oodhaa lafa qaba ture; inni mana isaatti nu simatee, guyyaa sadii akka firaatti nu keessumsiise.

⁸Gaafas abbaan Phophliiyos dhukkuba dhagna-gubaadhaa fi dhukkuba garaa kaasaatiin dhukkubsatee in ciisa ture. Phaawulos immoo isa bira dhaqee, Waaqayyoon kadhateefii, harka isaa mataa namichaa irra kaa'ee, isa fayyise.

⁹Kun erga ta'ee booddee, namoonni biyya sanaa dhukkubsatan hundinuu in dhufan; Phaawulos immoo isaan in fayyise*.

¹⁰Kana irratti isaan ulfina baay'ee nuuf kennanii, yommuu markabaan adeemuudhaaf kaanes, waan karaadhaaf nu barbaachise nuuf galaasan.[161]

¹¹Ji'a sadii booddees markaba Iskindriiyaa, isa ji'a gannaa biyya Malaaxiyaa ba'een kaanee adeemne; markabichi sun bifa ilmaan Zeos isa waaqayyo tolfamaa mataa isaa irraa qaba ture.

¹²Nuyi mandara Seraakusitti gallee, guyyaa sadiif achi turre.

¹³Achii immoo naannofnee, mandara Reegiyos geenye. Borumtaa qilleensi gara mirgaa qilleensa'uu jalqabnaan, guyyuma lammaffaatti mandara Photiyoli jedhamu iddoo buufata markabaa dhufne.

¹⁴Mandara sanatti amantoota tokko arganne; isaan torban tokko akka isaan bira teenyuuf nu waaman. Utuma akkas jennuu mandara Roomaatti galle*.

¹⁵Amantoonni mandara Roomaa waa'ee keenya dhaga'anii, kaan hamma gabaa Aphiyositti, kaan immoo hamma iddoo ?Trees Tabeernee? jedhamu tokkotti nu simuudhaaf dhufan; Phaawulos yommuu isaan arge, Waaqayyoon galateeffate, in jajjabaates*.

¹⁶Mandara Roomaa yommuu geenyes, [angafni dhibbaa warra hidhaa harka isaa turan, ajajjuu buufata warra loltuutti dabarse], Phaawulos immoo loltuu isa isa eeguu wajjin mana dugda bitatee akka taa'uuf dhiise*.[162]

¹⁷Guyyaa sadii booddee Phaawulos dura-buutota Yihudoota mandara Roomaa walitti waamsise. Isaan walitti qabamnaan, Phaawulos, ?Jarreen obboloota nana, waan tokko illee saba keenya irratti, seera muka abbaa keenyaa irrattis utuun yakka hin hojjetin, hidhameen Yerusaalemii harka warra Roomaatti dabarfamee kenname*.

¹⁸Warri Roomaa immoo na qoranii, yakki du'a anatti farachiisu ana irraa dhibnaan, akkasumatti gad na dhiisuu barbaadan*.

¹⁹Warri Yihudootaa garuu dubbii kanaan waan mormaniif, mootii warra Roomaa dhageessifachuudhaaf nan giddisiifame; kun garuu waan ani ittiin saba koo hadheessu qabaadheef miti*.

²⁰Sababii kanaaf isin argee, isinii wajjin dudubbachuudhaaf isin waameera; anoo isa namoonni Israa'el abdataniif jedheetan fuuncaa kanaan hidhamee jira? jedhee isaanitti dubbate*.

²¹Warri inni itti dubbate sun garuu, ?Nuyi biyya Yihudaatii waa'ee keetiif caaffata hin arganne; yookiis obboloota achii keessaa, dhufee waa'ee keetiif waan hamaa kan hime yookiis kan dubbate tokko illee hin jiru.

²²Haa ta'u iyyuu malee, waan ati yaaddu utuu si irraa dhageenyee in jaallanna turre; warra amantii keenya irraa addaan cabsate kanaan garuu, iddoo halletti akka ittiin morman in beekna? ittiin jedhan*.[163]

²³Jarri Phaawulosii wajjin dhaaba godhatanii, baay'atanii mana inni taa'u dhufan. Phaawulos immoo ganamaa hamma galgalaatti yaada isaa isaanitti mul'isee, waa'ee mootummaa Waaqayyoo isaanitti dhugaa ba'e. Inni macaafa Museetii fi macaafota raajotaa keessa isaan hubachiisuudhaan, waa'ee Yesus tole isaan jechisiisuu yaale.

²⁴Isaan keessaa kaan dubbii Phaawulos dubbateen tole jedhan, kaan garuu hin amanne.

²⁵Wal dhabanii utuu isaan achii hin ka'in, Phaawulos dubbii tokkicha kana isaanitti dubbate; ?Hafuurri qulqulluun afaan Isaayaas raajichaan abboota keessanitti,

²⁶?Gara saba kanaa dhaqi jedhiinis, dhaga'uu in dhageessu, garuu hin hubattan; ilaaluu in ilaaltu, garuu hin argitan.

²⁷Yaadni garaa saba kanaa hubachuu dadhabeera; gurra isaanii cuqaalaniiru, ija isaaniis dununfachiisaniiru. Silaa'oo, ija isaaniitiin in argu, gurra isaaniitiinis in dhaga'u turan; yaada garaa isaaniitiin in hubatu, gara koottis in deebi'u turan; ani immoo isaan nan fayyisan ture? yommuu jedhe ba'eessa dubbate*.

²⁸Egaa fayyisuun Waaqayyoo kun, warra saba isaa hin ta'iniif akka darbe beekaa; isaan immoo in dhaga'u? jedhe*. [

²⁹Erga inni kana jedhee booddees, warri Yihudootaa waliin morkachaa isa biraa adeeman.]

³⁰Akkasitti Phaawulos waggaa lama guutuu mana ofii isaatii dugda bitate keessa taa'ee, warra gara isaa dhufan hundumaa in simata ture*.

³¹Ija jabina guutuudhaan, dhowwaa malees mootummaa Waaqayyoo in lallaba, waa'ee Yesus Kristos gooftichaas in barsiisa ture*.[164]