Read west central oromo HOJII ERGAMOOTAA 3 Bible Online

HOJII ERGAMOOTAA 3 - west central oromo bible

HOJII ERGAMOOTAA 3

¹Gaaf tokko Phexrosii fi Yohannis yeroo kadhata waaree booddee, innis sa'aatii salgaffaatti, gara mana qulqullummaatti ol in adeemu turan.

²Kunoos namni dhaloota isaatii jalqabee naafate tokko, achi ture; innis guyyuma guyyaatti baatamee dhufee, ?Balbala miidhagaa? isa jedhamu sana dura taa'ee, warra mana qulqullummaa dhaqan irraa horii in kadhata ture*.

³Namichi, Phexrosii fi Yohannis mana qulqullummaatti ol lixuuf akka dhufan argee, horii isaan kadhate.

⁴Phexrosii fi Yohannis ijaan isa qaban; Phexros immoo, ?Nu ilaali!? jedheen.

⁵Yommus inni waa isaan biraa kan argatu se'ee, ija keessa ilaale.

⁶Phexros garuu, ?Ani meetii fi warqee hin qabu, waanan qabu garuu siifan kenna; maqaa Yesus Kristos nama Naazireetiin ka'ii, adeemi!? jedheen*.

⁷Harka isaa mirgaa qabee isa kaases, achumaanis miilli isaaf gulubiin isaa jabaatan.

⁸Utaalees ka'ee ijaajjee, adeemees, isaanii wajjin mana qulqullummaa lixee, asii fi achi adeemee, quruphisaa Waaqayyoon galateeffate*.

⁹Namoonni hundinuu utuu inni asii fi achi adeemuu, Waaqayyoonis utuu galateeffatuu argan;

¹⁰mana qulqullummaa, ?Balbala miidhagaa? dura taa'ee, horii kadhataa inni ture isa akka ta'es baranii, waan isaaf godhame kanaafis fajajanii baay'ee raajeffatan.[15]

¹¹Yeroo namichi Phexrosii fi Yohannis biraa hafuu dide sanatti, namoonni hundinuu dinqifachaa gara isaaniitti, gara jalgala mana qulqullummaa isa ?Gardaafoo Solomoon? jedhamuutti fiigan*.

¹²Phexros yommuu kana arge jaraan, ?Yaa namoota Israa'el, maaliif kanatti dinqifattu? Akka waan nuyi humna keenyaan yookiis qulqullummaa ofii keenyaan isa adeemsifneettis, maaliif fajajjanii nu ilaaltu?

¹³Isin, Yesusin Philaaxositti dabarsitanii laattan; yeroo inni isa gad dhiisuuf murtoo godhettis, fuula yaa'ii isaa dura dhaabattanii isa gantan; Waaqayyo inni kan Abrahaam kan Yisihaq kan Yaaqoobis, Waaqayyo abaabilii keenyaa, garuu hojjetaa isaa kana ol ol qabeera*.[16]

¹⁴?Yesus qulqulluu fi qajeelaa ture; isin garuu isa gantanii, nama gumaa akka isiniif hiikuuf Philaaxosin kadhattan*.

¹⁵Isa namoota gara jireenyaatti geessus ajjeeftan, Waaqayyo immoo du'aa isa kaase, kanaafis nuyi dhuga-baatuu dha*.

¹⁶Humna maqaa Yesustu, maqaa isaattis amanuutu, namicha naafa isin argitanii fi beektan kanaaf jabina kenne; amantiin Yesusiin kenname immoo, fuula hunduma keessanii duratti fayyaa guutuu kenneef*.[17]

¹⁷?Ammas yaa obboloota nana, isin, warri isin geggeessanis, waan gootan hundumaa utuu hin hubatin akka gootan, anuu beeka*.

¹⁸Waaqayyo garuu bara baay'ee dura, Masiihiin isaa akka dhiphatu, afaan raajota hundumaan dubbatee kan ture, akka kanatti akka raawwatamu godhe*.

¹⁹Egaa yaada garaa keessanii geddaradhaa, inni cubbuu keessan akka isiniif haxaa'utti gara Waaqayyootti deebi'aa*.

²⁰Waaqayyo yeroo itti hafuurri keessan haareffamu akka isiniif fiduuf, Yesus Masiihicha, isa duraan dursee isiniif qopheessee tures, akka isiniif erguuf deebi'aa!

²¹Durumaa jalqabee Waaqayyo afaan qulqulloota raajota isaatiin dubbachaa kan ture raawwate, hundumaa hamma iddootti deebisutti garuu, Yesus waaqa irra turuutu isaaf ta'a.

²²Museen iyyuu, ?Anaan akkuma kaase, Waaqayyo gooftaan keessan obboloota keessan keessaa raajii tokko isiniif in kaasa, waan inni isinitti himu hundumaa dhaggeeffachuun isin irra jira*;

²³namni raajii sana hin dhaggeeffanne hundinuu garuu, saba sana keessaa in balleeffama? jedhee ture*.

²⁴Raajonni Saamu'elii jalqabanii ka'anii fi dubbatan hundinuu, waa'ee bara kanaa labsaniiru*.

²⁵Raajonni kan dubbatan isiniif; kakuu Waaqayyo abaabilii keessaniif dhaabe keessaas in hirmaattu; Abrahaamiin, ?Ijoollee ijoollee keetiin sabni biyya lafaa irraa hundinuu in eebbifamu? jedhee ture*.

²⁶Kanaafis Waaqayyo karaa keessan isa hamaatii hunduma keessan deebisuudhaan isin eebbisuudhaaf, hojjetaa isaa kaasee, duraan dursas isinitti erge? jedhe*.[18]