Read west central oromo HOJII ERGAMOOTAA 5 Bible Online

HOJII ERGAMOOTAA 5 - west central oromo bible

HOJII ERGAMOOTAA 5

¹Namichi Anaaniyaas jedhamu tokko ture; inni haadha manaa isaa Safiiraa wajjin walii galee, lafa qaban tokko gurgurate.

²Horicha irraa garuu dhokfatee, gar tokko fidee ergamootatti kenne; kanas immoo maree haadha manaa isaatiin waan godheef, isheen gaarii gootee beekti turte*.

³Phexros yommus, ?Anaaniyaas, akka ati hafuura qulqulluu sobduuf, horii araddaa kee itti gurgurte keessaas akka dhokfattuuf, maaliif Seexanni yaada garaa kee keessa guute*?

⁴Qabeenyi kee kun utuu ati hin gurgurin kan kee ture, erga gurgurtees horichi harka kee keessa jira mitii ree? Attamitti garaa kee keessatti kana malte ree? Ati namoota sobde miti, Waaqayyoon sobde malee? jedheen.

⁵Anaaniyaas dubbii kana yommuu dhaga'e, lafa dha'ee du'e; warri kana dhaga'an hundinuus, guddaa sodaatan*.

⁶Dargaggoonni immoo dhufanii reeffa isaa kafananii, geessanii awwaalanis*.[25]

⁷Akka sa'aatii sadii kan ga'u turtee haati manaa isaa, waan abbaan manaa ishee ta'e utuu hin beekin dhufte.

⁸Phexros immoo, ?Araddaa keessan dhuguma hamma kanatti gurgurtanii? Anatti himi!? jedhe; isheenis, ?Eyyee, nuyi hammasumatti gurgurre? jetteen.

⁹Phexros garuu, ?Hafuura gooftaa qoruudhaaf, kan isin walii galtan kun maali? Warri abbaa manaa kee awwaalan kunoo, amma balbala dura jiru, sis immoo gad si baasu!? ittiin jedhe.

¹⁰Isheenis yommusuma miilla isaa jalatti lafa dhooftee duute; dargaggoonni sun ol galanii akka duute yommuu argan, gad baasanii abbaa manaa ishee bukkeetti ishee awwaalan.

¹¹Waldaan amantootaa guutummaatti, warri kana dhaga'an hundinuus guddaa sodaatan.

¹²Yommus milikkinnii fi dinqiin baay'een harka ergamootaatiin saba sana gidduutti in hojjetama ture, amantoonni hundinuus gardaafoo Solomoonitti wal ga'u turan*.

¹³Warra kaan keessaa garuu namni tokko illee dhimma isaanii keessa lixuudhaaf ija hin jabaanne, saba durattis maqaa gaarii qabu turan.

¹⁴Kana hundumaa irrattis warri gooftaatti amanan, dhiironnis dubartoonnis, ittumaa baay'atan*.

¹⁵Dhukkubsatoota baay'ee iyyuu, yommuu Phexros karaa sana irra darbu gaadidduun isaa isaan keessaa tokko tokko irra illee haa buufatuuf sireedhaan, muka wasaasaatiinis fidanii karaa irra in kaa'u*.

¹⁶Mandaroota naanna'aa Yerusaalemiis namoonni danuun dhukkubsatootaa fi warra hafuuronni hamoonni[26] rakkisan fidanii in dhufu; warri geeffaman hundinuus in fayyifamu turan*.[27]

¹⁷Angafni lubootaa garuu garee Saduqootaa keessaa warra isa gargaaranii wajjin, hinaaffaan isaan keessa guutee, isaan irratti ka'an*;

¹⁸ergamoota qabanii mana hidhaatti galchan*.

¹⁹Ergamaan Waaqayyoo gooftaa garuu halkan balbaloota mana hidhaa sana banee, isaan dura bu'ee, fuudhee ba'ee*,

²⁰?Dhaqaatii mana qulqullummaa keessatti waa'ee dubbii jireenyaa isa haaraa kana hundumaa, sabatti himaa!? isaaniin jedhe*.

²¹Isaan dubbii kana fudhatanii, akkuma bari'een mana qulqullummaatti ol galanii barsiisan. Angafni lubootaa warra isa gargaaranii wajjin dhufee, yaa'ii maanguddoota ijoollee Israa'el walitti waamee, ergamoota warra hidhaman sana fichisiisuudhaaf gara mana hidhaa sanatti erge.

²²Warri ergaman dhufanii mana hidhaa sana keessaa isaan dhabnaan, deebi'anii warra isaan ergetti himan.

²³?Manni hidhaa karaa hundumaa akkuma jabaatee cufametti jira, warri eeganis balbala hundumaa dura dhaabatanii jiru; yeroo nuyi manicha banne garuu, nama tokko illee keessatti hin argine? jedhan.[28]

²⁴Dura-buutuun eegduu mana qulqullummaa, luboonni warri angafoonnis kana dhaga'anii, maal ta'an laata jechuu irraa kan ka'e waan godhan wallaalan.

²⁵Ergasii namni tokko dhufee, ?Namoonni isin mana hidhaatti galchitan sun, kunoo mana qulqullummaa keessatti, saba barsiisaa jiru? jedhee isaanitti hime.

²⁶Yommus dura-buutuun eegduu mana qulqullummaa, namoota isaa wajjin dhaqee gara yaa'ichaatti isaan fide; garuu sabni dhagaadhaan nu rukuta jedhanii waan sodaataniif, hammina isaan irratti hin hojjenne.

²⁷Ergamoota sana fidanii yaa'ii sana dura dhaabachiisan. Angafni lubootaas gaaffiidhaan isaan qoree,

²⁸?Nuyi maqaa kanaan akka hin barsiifne cimsinee isin abboomneerra, isin garuu kunoo barsiisa keessaniin Yerusaalemin waliin geessaniittu; akkasumas dhiiga namicha kanaa nu irratti fiduu yaaddu? jedhan*.

²⁹Phexrosii fi ergamoonni warri kaan garuu deebisanii, ?Nuyi namaaf abboomamuu irra, Waaqayyoof abboomamuutu nu irra jira*.

³⁰Waaqayyo abboota keenyaa, Yesusin, isa isin mukatti fanniftanii ajjeeftan, du'aa kaaseera*.

³¹Waaqayyo geddarannaa yaada garaatii fi dhiifamuu cubbuu Israa'eliif kennuudhaaf, abboomaa fayyisaas godhee gara mirga isaatti ol isa fuudheera*.

³²Nu immoo dubbii kana hundumaaf dhuga-baatuu dha, hafuurri qulqulluun, inni Waaqayyo warra isaaf abboomamaniif kennes, akkasuma dhugaa in ba'a? jedhan*.[29]

³³Warri yaa'ii taa'an kana dhaga'anii, garaan isaanii waan gubateef, ergamoota ajjeesuudhaaf barbaadan*.

³⁴Isaan keessaa Fariisichi, barsiisaa seeraas kan ture, maqaan isaa Gamaali'el kan jedhamu, saba hundumaa birattis kan ulfaate ka'ee, ergamoonni sun yeroo xinnoodhaaf ala akka tursiifaman abboome*.

³⁵Warra yaa'iitiin immoo, ?Yaa namoota Israa'el, waan jarreen kana irratti hojjechuuf jettan keessatti of eeggadhaa!

³⁶Kanaan dura Toyidaas ka'ee, ani nama jabaa dha ofiin jennaan, akka namoota dhibba afurii kan ta'an duukaa bu'an; garuu inni in ajjeefame, warri yaada isaa duukaa harkifamanis in badan, ka'i isaas homaattuu hin galle*.

³⁷Akkasumas Yihudaan namichi Galiilaa, bara lakkoobsa sabaa ka'ee, namoota baay'ee wallaalchisee of duukaa buusee ture; innis immoo harka namaatti duunaan, warri duuka buutuu isaatiis in bittimmaa'an*.

³⁸Akkasuma jara ammaa kana irrattis waan tokko illee hamaa akka hin goone isinittan hima; isaan gad dhiisaa! Akeeka kanaa fi hojii isaa namatu yaadee qopheesse yoo ta'eef, baduuf jira.

³⁹Waaqayyo biraa yoo dhufe garuu, jara kana balleessuu hin dandeessan; ofii keessanii iyyuu immoo Waaqayyoon utuu loltanii akka hin argamne isinan yaadachiisa? ittiin jennaan, yaa'ichi gorsa Gamaali'el dhaga'e*.

⁴⁰Kana irratti warri yaa'ii taa'an ergamoota ol waamanii reebanii, maqaa Yesusiin akka hin dubbannes dhowwanii, gad isaan dhiisan*.

⁴¹Ergamoonni yommus, ulfinni maqaa kanaaf salphachuu waan isaaniif ta'eef, gammadaa yaa'icha biraa gad ba'an*.

⁴²Ergamoonni guyyuma guyyaatti mana qulqullummaatti, mana manattis, barsiisuudhaaf Yesus, Masiihii akka ta'e misraachoo himuuttii gargar hin kunne*.[30]