Read west central oromo HOJII ERGAMOOTAA 7 Bible Online

HOJII ERGAMOOTAA 7 - west central oromo bible

HOJII ERGAMOOTAA 7

¹Angafni lubootaa yommus, ?Kun dhugumaan akkasii?? jedhee Isxifaanosiin in gaafate.

²Isxifaanos immoo deebisee, ?Obbolootaa fi abboota nana, na dhaggeeffadhaa! Abrahaam abbaan keenya Kaaraan dhaqee utuu hin taa'in, utuma inni Mesophotaamiyaa jiruu, Waaqayyo ulfina gooftummaa isaatiin itti mul'atee*,

³?Biyya kee keessaa lammii kee keessaas ba'iitii, gara biyya ani si argisiisuu dhaqi!? ittiin jedhe*.

⁴Kana irratti biyya Kaldootaa dhiisee, ba'ee biyya Kaaraan taa'e. Erga abbaan isaa du'ee immoo Waaqayyo achii isa baasee, gara biyya isin amma keessa jiraattanitti isa dabarse*.

⁵Waaqayyo egaa Abrahaamiif lafa faana tokkittii illee dhuunfaa hin kennineef, garuu Abrahaam yeroo sanatti dhala yoo qabaachuu dhabaate iyyuu, ?Lafa kana siif, si booddees dhala dhala keetiif nan kenna? jedhee abdachiise*.

⁶Waaqayyo waa'ee kanaatiif Abrahaamiin, ?Ijoolleen ijoollee keetii biyya ormaatti galaa in ta'u, achittis garbummaatti waggaa dhibba afuriif in cunqurfamu.

⁷Ani immoo saba warra isaan garbummaatti hojjechiifatu sanatti nan farada; kana booddees isaan biyya sanaa ba'anii, iddoo kanatti anaaf in sagadu? jedhee ture*.

⁸Waaqayyo yeroo sanatti milikkita walii galteetiif, kakuu dhagna-qabaa Abrahaamiif kenne. Kanaafis Abrahaam ilma isaa Yisihaqin, dhalatee guyyaa saddeettaffaatti dhagna qabe; Yisihaqis ilma isaa Yaaqoobiif, Yaaqoobis ilmaan isaa kudha lamaan, warra abboota gosa sanaa ta'aniif akkasuma godhe*.[34]

⁹?Warri abboota gosaa ta'an sun, Yoseefitti hinaafanii gara biyya Gibxitti isa gurguran. Waaqayyo garuu isaa wajjin ture*;

¹⁰rakkina isaa hundumaa keessaa isa oolchee fuula Fara'oon mootii Gibxii durattis simboodhaa fi ogummaa kenneef; mootichi immoo bulchaa biyya Gibxii fi abboomaa qabeenya mana isaa hundumaa isa godhate*.

¹¹Bara sanatti biyya Gibxii hundumaaf Kana'aan irratti beellii fi rakkinni guddaan in bu'e; abboonni keenyas waan nyaatan argachuu hin dandeenye*.

¹²Garuu Yaaqoob biyya Gibxi midhaan akka jiru dhaga'ee, yeroo jalqabaa abboota keenya erge*.

¹³Ala lammaffaatti garuu Yoseef obboloota isaatti of mul'ise, horteen Yoseef, Fara'oon mooticha duratti beekaman*.

¹⁴Kana booddee Yoseef itti ergee, Yaaqoobii fi firoota isaa warra hafan lubbuu torbaatamii shan waamsise*.

¹⁵Akkasitti Yaaqoob biyya Gibxitti gad bu'ee achitti in du'e; abboonni keenyas akkasuma achitti in du'an*.

¹⁶Lafeewwan isaaniis Sheekemitti geeffaman, achitti iddoo Abrahaam, ijoollee Hemoor nama biyya Sheekem irraa, meetiidhaan bitee turetti in awwaalaman*.[35]

¹⁷?Yeroon abdii Waaqayyo Abrahaamiif kenne dhi'aachaa adeemnaan, sabni keenya biyya Gibxitti guddatee, lakkoobsaanis baay'atee ture.

¹⁸Kun immoo hamma mootiin Yoseefin hin beekne haaraan tokko ka'ee, biyya Gibxitti mo'etti ta'e*.

¹⁹Inni sanyii keenya haxxummaadhaan qabee, daa'imoonni isaaniis akka hin jiraanneef, bakkeetti akka gatan abboota keenya rakkise*.

²⁰Bara sanatti Museen dhalate. Inni mucaa Waaqayyo itti gammadu ture; hamma ji'a sadiittis mana abbaa isaa keessatti in eegama ture*.

²¹Yeroo bakkeetti baafametti immoo intalli Fara'oon isa fudhattee, akka ilma isheetti isa guddifte*.

²²Museen ogummaa warra Gibxi hundumaa barsiifame; ofii isaatiis dubbiitti hojiittis nama danda'aa ture.[36]

²³?Nama waggaa afurtamaa yommuu ta'e, akka obboloonni isaa namoonni Israa'el itti jiraatan ilaaluudhaaf, yaadni garaa isaa keessaa ka'e.

²⁴Yeroo sanatti namni tokko, harka namicha Gibxitti utuu miidhamuu argee, isa miidhame sana namicha harkaa baasuudhaaf gara isaa goree, namicha Gibxi sana rukutee ajjeese*.

²⁵Innoo, Waaqayyo harka isaatiin furii akka isaaniif kennu, obboloonni isaa waan isa hubatan se'ee ture, isaan garuu hin hubanne.

²⁶Borumtaas utuu isaan walii isaanii wal qoccolanii, Museen itti dhufee, ?Jara nana, isinoo obbolootaa, maaliif walitti darbitu?? jechuudhaan isaan araarsuu barbaade.

²⁷Namichi inni hiriyaa isaatti darbe sun garuu, of irraa achi isa darbatee, ?Nu irratti immoo eenyutu seerrattuudhaa fi abbaa firdii si godhe?

²⁸Akka kaleessa namicha Gibxi sana rukuttee ajjeefte, anas ajjeesuu kajeeltee?? ittiin jedhe*.

²⁹Dubbii kana irratti Museen baqatee, biyya Miidiyaanitti galaa ta'ee jiraate; achitti ilmaan lama in godhate*.[37]

³⁰?Waggaa afurtama booddee kunoo lafa onaa gaara Siinaatti, huuxxii qoraattii akka ibiddaa boba'u tokko keessatti, ergamaan Waaqayyoo Museetti in mul'ate.

³¹Museen yommuu isa arge mul'ata kana dinqifatee, ilaaluufis itti dhi'aatee, sagalee gooftaa dhaga'e,

³²?Waaqayyo ana! Kan abboota keetii, Waaqayyo isa kan Abrahaam, kan Yisihaq, kan Yaaqoobis? ittiin jedhe. Museen in rom'e, gara isaa ilaaluufis ija hin jabaanne.

³³Gooftichi yommus, ?Iddoon ati dhaabattu kun lafa qulqullaa'aa waan ta'eef, kophee miilla keetii baasi!

³⁴Ani miidhama saba koo warra Gibxi jiranii argeera, aadnaa isaanii dhaga'eera, isaan furuudhaafis gad bu'eera; ammas kottu gara Gibxitti sin erga? ittiin jedhe*.

³⁵Museen kun, isuma isaan gananii, ?Eenyutu seerrattuudhaa fi abbaa firdii si godhe?? ittiin jedhanii dha; Waaqayyo harka ergamaa isaa isa huuxicha qoraattii keessatti itti mul'ateetiin, akka seerratutti akka furuttis isa ergeera*.

³⁶Inni kun biyya Gibxiitii isaan baase. Gibxiidhaa yeroo baasetti, galaana Ertiraatti, waggaa afurtama yeroo lafa duwwaa keessa isaan geggeessettis dinqiidhaa fi milikkita godhe*.

³⁷Museen inni namoota Israa'eliin, ?Waaqayyo anaan akkuma kaase, obboloota keessan keessaa raajii tokko isiniif in kaasa? jedhe isuma kana*.

³⁸Ergamaa Waaqayyoo isa gaara Siinaa irratti isatti dubbate sanaaf, abboota keenya warra lafa duwwaatti walitti qabaman gidduu kan dhaabate, isuma kana; isumatus dubbii jiraataa nutti kennuudhaaf fudhate*.[38]

³⁹?Abboonni keenya garuu Museef abboomamuu hin jaallanne, of irraa isa darbatanii yaadaan gara Gibxitti deebi'an*.

⁴⁰Isaan yommus Aaroniin, ?Ka'i, waaqayyolii dura-buutuu nuuf ta'an nuuf tolchi! Museen inni biyya Gibxiitii nu baase silaa, waan inni ta'e hin beeknu? jedhan*.

⁴¹Isaan yeroo sanatti waan akka jabbii tolchanii, waaqayyicha tolfame sanaafis aarsaa dhi'eessan; ulfina hojii harka isaanii kanas in ayyaaneffatan*.

⁴²Waaqayyo garuu isaan irraa gara galee, urjoota waaqa keessaatti akka sagadaniif dabarsee isaan kenne. Macaafa raajotaa keessatti akkuma caafame, ?Yaa namoota Israa'el, waggaa afurtama lafa duwwaa sana keessatti horii qalmaa fi aarsaa anaaf dhi'eessitaniittu moo ree?

⁴³Isinoo godoo Molok isa uffata irraa hojjetamee fi bifa urjii waaqayyicha:- Reefaan jedhamu baattan; isin isaaniif sagaduudhaaf waaqayyolii tolfaman hojjetattan; anis immoo isin baasee, biyya Baabilon irra fagaatutti isin nan dabarsa? jedhe*.[39]

⁴⁴?Abboonni keenya lafa duwwaa sana keessatti ?Godoo dhaabaa? of biraa qabu turan; godoon sunis akka isa Waaqayyo Museetti argisiisee, ?Akkasitti qopheessi? ittiin jedhetti, kan hojjetame ture*.

⁴⁵Abboonni keenya warri isaan booddees godicha fudhatanii, Iyaasuudhaa wajjin biyya saba warra Waaqayyo isaan duraa oofee baasetti galan; godichis hamma bara Daawititti isaan gidduu ture*.

⁴⁶Daawit yommus Waaqayyo duratti ayyaana argatee, Waaqayyo isa kan Yaaqoobiif mana ijaaruudhaaf gaafate*.

⁴⁷Waaqayyoof mana kan ijaare garuu Solomoon ture*.[40]

⁴⁸?Waaqayyo inni hundumaa gara irraa jiru immoo, manneen harka namootaatiin hojjetaman keessa hin jiraatu. Raajichi akkuma jedhu iyyuu,

⁴⁹?Bantiin waaqaa teessoo koo ti, laftis ejjeta miilla kootii ti. Mana attamii anaaf ijaartu ree? Yookiis iddoon boqonnaa kootii isa kami?

⁵⁰Isaan kana hundumaas harka kootu hojjete mitii ree? jedha gooftichi?*.[41]

⁵¹?Isin mata-jabeeyyii nana, garaan keessan akka garaa warra Waaqayyotti hin amaninii ti, gurri keessan akka gurra warra Waaqayyoon hin dhaga'inii ti. Akkuma abboonni keessan gochaa turan, isinis yeroo hundumaa hafuura qulqulluu jalaa diddu*.

⁵²Raajota keessa immoo kan abboonni keessan hin ari'atin jira turee ree? Inni qajeelaan sun dhufuuf akka jiru, warra raajii dubbatan ajjeesaniiru; inni isuma isin amma dabarsitanii kennitan, isa isin ajjeeftanis*.

⁵³Isinuma warri akka ergamoonni Waaqayyoo isinitti kennanitti seera fudhattanii, eeguu immoo diddan? jedhe*.[42]

⁵⁴Isaan kana hundumaa yommuu dhaga'an aarii guddaa irraa kan ka'e, isatti in ciniinatu turan*.

⁵⁵Isxifaanos garuu hafuura qulqulluudhaan guutamee, utuu ija irraa hin buqqifatinis waaqa keessa ol ilaalee, ulfina Waaqayyoo, Yesusinis gara mirga Waaqayyoo dhaabatee arge*.

⁵⁶?Kunoo ani, bantiiwwan waaqaa banamanii, ilmi namaas gara mirga Waaqayyoo dhaabatee nan arge? jedhe*.

⁵⁷Isaan garuu gurra isaanii cuqaalatanii, guddisanii itti wacaniis, erga-takkaa itti fiigan.

⁵⁸Mandara keessaa daddarbachaa gad baasanii, dhagaadhaan in rukutan; warri dhuga-baatuunis uffata isaanii miilla dargaggeessa Saa'ol jedhamu tokko jala naqatanii turan*.

⁵⁹Utuma isaan dhagaadhaan isa rukutaa jiranii, Isxifaanos, ?Gooftaa Yesus, hafuura koo fudhadhu!? jedhee kadhate*.

⁶⁰Jilbeenfatee sagalee guddaadhaan, ?Yaa gooftaa, cubbuu kana isaanitti hin lakkaa'in!? jedhee iyye; kana jedhes kufee in obbaafate*.[43]