Read west central oromo GARA WARRA ROOMAA 11 Bible Online

GARA WARRA ROOMAA 11 - west central oromo bible

GARA WARRA ROOMAA 11

¹Egaa ani nan gaafadha, Waaqayyo saba isaa gateeraa ree? Matumaa kun ta'uu hin danda'u! Ani ofii kootii nama Israa'el, sanyii Abrahaam gosa Benyaamiin keessaa tokko*.

²Waaqayyo saba isaa warra duraan dursee beekumsa isaatiin fo'ate hin ganne; waa'ee isa Eliyaas, Waaqayyoon Israa'elitti kadhatee, caaffanni qulqullaa'aan waan jedhu in beektu mitii*?

³Innoo, ?Gooftaa! Isaan raajota kee ajjeesaniiru; iddoowwan aarsaa kees diiganiiru; ana duwwaatu hafe, isaan jireenya koos balleessuu in barbaadu? jedhe*.

⁴Deebiin Waaqayyo isaaf kenne immoo maal ture? ?Ani namoota Ba'aaliif jilbeenfatanii hin sagadin kuma torba ofii kootiif hambifadheera? kan jedhu ture*.

⁵Bara si'anaas immoo akkasuma hambaan warra Waaqayyo ayyaana isaatiin fo'atee jiru*.

⁶Fo'amuun isaanii ayyaanaan erga ta'ee immoo, hojii isaaniitiin ta'uu hin danda'u; kanaa achi ayyaanni ayyaana ta'ee jiraachuu hin danda'u*![55]

⁷Egaa maal ta'inna laata ree? Warri Israa'el waan barbaadan argachuu in dadhaban; warri fo'aman argataniiru; warri kaan garuu in hadoodchifaman*.

⁸Akkuma caafamee jiru, ?Waaqayyo hafuura hadoodchu isaanitti fide, hamma har'aattis ija hin arginee fi gurra hin dhageenye isaaniif kenne*?.

⁹Daawitis akkasuma, ?Maaddiin isaanii furgaasaadhaa fi kiyyoo, boolla itti qabamanii fi adaba isaanitti haa ta'u;

¹⁰akka isaan hin arginetti iji isaanii haa dukkanaa'u, dugdi isaaniis bara isaanii guutuu haa goopha'u? jedha*.

¹¹Egaa ani nan gaafadha, gufachuun isaanii akka kufanii hafaniifi moo ree? Matumaa kun ta'uu hin danda'u; garuu irra-daddarbuu isaaniitiin, hinaaffaa garaa warra Israa'el keessaa dammaqsuudhaaf, warra Yihudoota hin ta'iniif fayyinni argame*.

¹²Egaa irra-daddarbuun isaanii biyya lafaatiif eebba erga badhaasee, hir'inni isaanii saba Yihudoota hin ta'iniif eebba erga badhaasee, warri Israa'el deebi'anii guutummaatti argamuun immoo hammam caalaa eebba haa ta'u laata*![56]

¹³Ammas isin warra saba Waaqayyoo hin ta'inittan dubbadha; ani saba Waaqayyoo warra hin ta'iniif ergamaa akkuman ta'e, ergaa koo kanas ol ol nan qaba*.

¹⁴Kanaan Yihudoota qomoo koo hinaafsisee, isaan keessaa muraasa illee oolcha yoon ta'e nan dhama'a*.

¹⁵Gatamuun isaanii araaramuu biyya lafaa erga ta'ee, fudhatamuun isaanii immoo maal ta'inna laataa? Inni warra du'a keessaa ba'aniif jireenya ta'uuf jira*.[57]

¹⁶Bukicha irraa gar tokko buduqfamee Waaqayyoof kan qulqulleeffame yoo ta'e, guutummaan bukichaas kan qulqulleeffame in ta'a; hiddi muka tokkoos Waaqayyoof kan qulqulleeffame yoo ta'e, damoonni mukichaas kan qulqulleeffaman in ta'u*.

¹⁷Garuu damoota sana keessaa kaan irraa cabnaan, ati immoo inni akka damee ejersa diidaa, soora mukichi ejersaa sun qabu irraa hirmaachuudhaaf iddoo damoota cabaniitti itti fayyifamteetta*,

¹⁸damoota sanatti of hin jajin! Yoo of jajje garuu hiddichatu si qabee jira malee, ati hiddicha akka hin qabin yaadadhu*!

¹⁹Ati immoo, ?Akka ani iddoo isaaniitti fayyifamuuf damoonni sun irraa caccaban? in jetta ta'a.

²⁰Ba'eessa jette; isaan amanti-dhabina isaaniitiif irraa caccaban. Ati garuu amanti-qabeenya keetiin jabaattee in dhaabatta; kanaafis sodaadhaan eeggadhu malee, waan guddaa of hin se'in*.

²¹Waaqayyo, damoota warra mukichattii dhalatan hin qusanne erga ta'ee, sis hin qusatu.

²²Egaa gaarummaa fi humna Waaqayyoo yaadadhu! Warra irraa kufanitti hamaa dha, siif garuu gaarii dha; kunis yoo ati gaarummaa isaatti jabaatte duwwaa dha; kanaa achi atis immoo mukicha irraa in muramta*.

²³Isaan immoo amanti-dhabina isaanii irraa yoo deebi'an, iddoo sanatti in fayyifamu; Waaqayyo deebisee itti isaan fayyisuudhaaf humna qaba*.

²⁴Ati inni muka ejersa diidaattii dhalattee, isa irraa muramtee, muka ejersa qe'ee isa akka uumamaatti sittii gargar ba'etti, kan fayyifamte erga taatee, hammam caalaatti warri ittii dhalatan kun deebi'anii muka isaaniitti haa fayyifamani ree![58]

²⁵Nutu gargar baasee hubate akka isin hin jenneef, dhoksaa dhugaa kana akka beektan nan barbaada, yaa obboloota ko! Innis immoo, mata-jabinni Israa'el keessaa gar tokkotti dhufe, hamma warri saba Waaqayyoo hin ta'in guutummaatti saba isaatti dabalamanitti malee, isaan irratti hin hafu*.

²⁶Israa'elis guutummaatti in fayyifama; caaffanni qulqullaa'aan waa'ee isaatiif, ?Inni furu Xiyoonii in dhufa, Waaqayyo malee jiraachuus sanyii Yaaqoob keessaa in baasa*?;

²⁷akkasumas, ?Yeroon cubbuu isaanii isaan irraa fuudhu, kakuu koo kana isaaniif nan dhaaba? in jedha*.[59]

²⁸Wangeela tuffachuu isaaniitiin Yihudoonni sababii keessaniif jedhanii akka diina Waaqayyootti in ilaalamu; fo'amuu isaaniitiin garuu sababii abbootaaf jedhanii Waaqayyo duratti in jaallatamu*.

²⁹Kennaan Waaqayyoo, waamichi isaas hin geddaramu*.

³⁰Isin kanaan dura Waaqayyoof abboomamuu diddanii turtan; amma garuu warri Yihudootaa abboomamuu waan didaniif araara Waaqayyoo argattaniittu*.

³¹Akkasuma immoo araara isa isin argattaniin, isaanis araara argachuudhaaf amma Waaqayyoof abboomamuu didan.

³²Waaqayyo sanyii namaa hundumaaf araara kennuuf jedhee, namoota hundumaa abboomamuu diduu jalatti boojisiise*.[60]

³³Badhaadhummaan araara Waaqayyoo hammam guddata! Ogummaan isaa fi beekumni isaa hammam gad fagaata! Akka inni itti murtoo godhu, namni qoree bira hin ga'u! Karaa isaas namni faana dha'ee hin hubatu*!

³⁴Caaffata keessatti iyyuu, ?Eenyutu takkaa yaada garaa Waaqayyoo beeka ree? Yookiis eenyutu gorsa kennuufii danda'e ree*?

³⁵Eenyutu waa isaaf kennee beeka ree? Eenyutus waa isa dubbifata ree?? kan jedhu caafameera*.

³⁶Wanta hundumaa Waaqayyotu uume; wanti hundumtuu isaan in jiraata; wanti hundumtuu isaaf in jiraata; bara baraan isaaf galanni haa ta'u! Ameen*![61]