Read west central oromo GARA WARRA ROOMAA 4 Bible Online

GARA WARRA ROOMAA 4 - west central oromo bible

GARA WARRA ROOMAA 4

¹Kana irratti waa'ee Abrahaam abbaa sanyii keenyaa maal jenna ree? Waaqayyo duratti maal argate?

²Abrahaam waan hojjeteen qajeelummaan utuu lakkaa'ameeraaf ta'ee, Waaqayyo duratti yoo ta'uu dhabaate iyyuu, kan ittiin of jaju in qabaata ture*.

³Caaffanni qulqullaa'aan waa'ee isaa maal jedha ree? ?Abrahaam Waaqayyoon amanate, kunis qajeelummaatti lakkaa'ameef? jedha*.

⁴Beenyaan nama hojjeteef baafamu, gatii argachuun isaaf ta'utti lakkaa'ama malee, akka kennaa tolaatti hin lakkaa'amu*.

⁵Namni akka seerri abboomutti hin hojjenne garuu Waaqayyo irraa fagaachuu isaa beekee, Waaqayyo isa qajeelaa nama godhutti yoo amane, amantiin isaa qajeelummaatti in lakkaa'amaaf*.

⁶Namni, waan seerichi abboomu utuma hin hojjetin Waaqayyo qajeelummaa lakkaa'uuf, gammachuu akka qabu Daawit dubbateera,

⁷?Warri seera irra daddarbuun isaanii dhiifameef, warri cubbuun isaanii akka deebi'e hin argamne godhameef haa gammadan!

⁸Namni gooftichi cubbuu isaa itti hin lakkoofne haa gammadu*? jedhe.[16]

⁹Nuyi, ?Amantiin Abrahaamiif qajeelummaatti lakkaa'ame? jenna'o, gammachuun kun warruma dhagna qabatan duwwaadhaafi moo yookiis warra dhagna hin qabatiniifis in ta'a ree?

¹⁰Egaa attamitti lakkaa'ameef? Erga inni dhagna qabatee moo yookiis utuu inni dhagna hin qabatin? Erga inni dhagna qabate miti, utuu inni dhagna hin qabatin lakkaa'ameef malee.

¹¹Abrahaam utuu dhagna hin qabatin qajeelummaa amantiidhaan argatee, isa argate kana cimsuudhaafis dhagna-qabaa akka milikkitaatti fudhate; karaa kanaan warra utuu dhagna hin qabatin amanan hundumaaf qajeelummaan akka lakkaa'amuuf abbaa isaanii ta'e*.

¹²Inni warra dhagna qabataniifis abbaa ta'eera, isaan keessaa iyyuu warra dhagna-qabaa duwwaa utuu hin ta'in, warra karaa amantii isa abbaan keenya Abrahaam utuu dhagna hin qabatin irra adeeme irra faana isaa duukaa bu'aniifis abbaa ta'e*.[17]

¹³Abdiin Abrahaamiif yookiis sanyii isaatiif kenname, biyya lafaa akka dhaaluuf; kunis Abrahaam seera waan eegeef utuu hin ta'in, amantiidhaan qajeelummaa waan argateef isaaf kenname*.

¹⁴Namoonni seericha eeguudhaan dhaala sana argatu yoo ta'e, amantiin namaa akkasumaan, abdiin Waaqayyoos gatii malee in hafa*.

¹⁵Seerri dheekkamsa Waaqayyoo in fida, garuu utuu seerri hin jiru ta'ee, seera irra darbuunis hin jiru ture*.[18]

¹⁶Kanaafis abdichi ayyaana irraa kan ka'e, sanyii isaa hundumaafis kan eegamu akka ta'uuf amantii irra in dhaabate. Kunis warra seera eeguutti qabaman duwwaaf utuu hin ta'in, warra akka Abrahaam amananiifis immoo in eegama; Abrahaam abbaa hunduma keenyaa ti*.

¹⁷Abdiin kun fuula Waaqayyoo dura jira, ?Saba baay'eedhaaf abbaa akka taatuuf ani si dhaabeera? kan jedhu caafameera. Abrahaam immoo Waaqayyo isa warra du'an jiraachisu, isa waan hin jirre akka jiraatu godhutti amaneera*.

¹⁸Abrahaam akka yaada namaatti waan hin abdachiifne in abdate; ?Sanyiin kee akkas in baay'ata? akkuma jedhames abbaa saba baay'ee akka ta'u amane*.

¹⁹Inni, dhagni isaa akka du'e, nama waggaa dhibba guutuu ga'e ta'uu isaa, gadameessi Saaraas akka waan du'e ta'uu isaa heduudhaan amantiitti hin laafne*.

²⁰Inni amantiitti jabaatee Waaqayyoof hooqubaa dhi'eesse malee, amanuu dhabuudhaan abdii Waaqayyo kenneef hin dhabne.

²¹Waaqayyo waan abdachiise gochuudhaaf immoo akka danda'u inni guutummaatti hubateera*.

²²Kanaaf iyyuu, ?Qajeelummaatti isaaf lakkaa'ame? jedhame*.

²³Inni ?Isaaf lakkaa'ame? jedhu Abrahaam duwwaadhaaf caafame miti.

²⁴Nuyi warra amannuufis immoo akka lakkaa'amu caafameera, nuyis Waaqayyo isa gooftaa keenya Yesusin warra du'an keessaa kaasetti in amanna*.

²⁵Yesus irra-daddarbaa keenyaaf du'atti dabarfamee kenname; qajeelummaa akka argannuufis du'aa kaafame*.[19]