Read west central oromo GARA WARRA ROOMAA 9 Bible Online

GARA WARRA ROOMAA 9 - west central oromo bible

GARA WARRA ROOMAA 9

¹Ani Kristosiin dhugaadhuman dubbadha; ani hin sobu, yaadni garaa koos hafuura qulqulluudhaan dhugaa anaaf ba'a*.

²Wanti ani dubbadhu, wanti yaadni garaa koo dhugaa anaaf ba'us, gadda guddaa akkan qabu, gaddi kunis utuu gargar hin citin garaa koo kan na dhukkubsu akka ta'ee dha.

³Isaan in gargaara yoo ta'e, sababii obboloota koo warra foon koo fi dhiiga kootiif jedhee, ofii kootii Kristosittii gargar kutamee utuun abaaramee iyyuu nan jaalladhan ture*.

⁴Isaan saba Israa'el; ilmummaan, ulfinni isaa, kakaan yeroo yerootti kakatame, seerri, waaqessuun, abdiin garaa garaas isaaniif kennaman*.

⁵Abboonni qomoo kan isaanii ti; akka firooma fooniittis Kristos qomoo isaanii keessaa dhalate. Waaqayyo inni hundumaa gara irraa jiru bara baraan haa galateeffamu! Ameen*.[44]

⁶Kun garuu dubbiin Waaqayyoo fiixaan ba'uu dadhabe jechuu miti; sanyii Israa'el kan ta'e hundinuu Israa'el dhugaa miti*;

⁷sanyii Abrahaam kan ta'e hundinuus ijoollee Abrahaam miti; garuu, ?Yisihaqiin sanyiin siif in lakkaa'ama? jedhameera*.

⁸Kunis, firooma foonii isa ittiin dhalataniin ijoollee Waaqayyoo ta'u miti, warra abdii Waaqayyootiin dhalatetu sanyii dhugaatti lakkaa'ama malee jechuu dha*.

⁹Abdichi, ?Yeroo akkasiitti deebi'ee nan dhufa, Saaraanis ilma godhattee na eegdi? kan jedhu ture*.[45]

¹⁰Kana duwwaas miti, Ribqaan ilmaan lakkuu nama tokkoof, innis abaabilii keenya Yisihaqiif in ulfoofte*.

¹¹Ijoolleen sun utuu hin dhalatin, isaan keessaas tokko illee gaarii yookiis hamaa utuu hin godhin, akeeki fo'annaa Waaqayyoo dhaabataa akka ta'uuf*,

¹²akka waamicha isaatiitti malee, akka gochaa namaatti akka hin taane beeksisuudhaaf, ?Inni angafni isa quxisuudhaaf in hojjeta? jedhamee haadha isaaniitti himamee ture*.

¹³Akkuma caafame, ?Ani Yaaqoobin nan jaalladhe, Esaawuu garuu nan jibbe? jedhe*.[46]

¹⁴Egaa karaa Waaqayyoo loogatu jira jenna moo ree? Matumaa kun ta'uu hin danda'u*.

¹⁵Inni Museedhaan, ?Namuma ani araara gochuufii barbaaduuf araara nan godhaaf, namuma ani garaa laafuufii barbaaduufis garaa nan laafaaf? jedha*.

¹⁶Kanaafis kun akka araara Waaqayyootti malee, akka jaalala yookiis dhama'a namaatti miti*.

¹⁷Caaffanni qulqullaa'aan Fara'ooniin, ?Ani maqaan koo lafa hundumaa irratti akka labsamutti, humna koo si irratti argisiisuudhaafan ol si kaase? jedha*.

¹⁸Egaa inni nama barbaaduuf araara in godha, nama barbaadus mata-jabeessa in godha*.[47]

¹⁹Kana irratti ati, ?Yoos immoo Waaqayyo attamitti balleessaa nama irraa argata ree? Jaalala isaatiinis eenyutu mormuu danda'a ree?? anaan in jetta*.

²⁰Garuu nama nana! Kana Waaqayyotti deebisuudhaaf, ati eenyu? Wanti harka namaatiin hojjetame tokko isa hojjeteen, ?Maaliif akkasitti na hojjette?? in jedhaanii*?

²¹Namni suphee dha'u tokko, suphee kutaa tokko irraa, qodaa mana taa'uuf qodaa lagootti itti hojjetamu dha'uudhaaf aboo qaba mitii ree*?

²²Waaqayyo inni dheekkamsa isaa argisiisu, humna isaas beeksisuu barbaadee, warra akka qodaa dheekkamsaa ta'anii badiisaaf qophaa'an kanaaf, baay'ee obsuu danda'eera yoo ta'e immoo maal ta'inna laata ree*?

²³Akkasumas badhaadhummaa ulfina isaa, namoota akka qodaa araaraa ta'an warra inni duraan dursee ulfinaaf qopheesse irratti, mul'isuudhaaf godheera yoo ta'eo*?

²⁴Warri qodaatti fakkeeffamnes nuyi; inni warra Yihudoota duwwaa waame utuu hin ta'in, Yihudoota warra hin ta'in keessaas waameera*.

²⁵Inni macaafa Hose'aa keessatti, ?Warra kan koo hin ta'in, saba koo jedhee, nan waama; biyya hin jaallataminis, ?Jaallatamtuu koo? jedhee nan waama*;

²⁶iddoodhuma, ?Isin saba koo miti? jedhamee itti himametti, ?Ilmaan Waaqayyoo jiraataa? jedhamanii in waamamu? jedha*.[48]

²⁷Isaayaas immoo waa'ee Israa'eliif, ?Lakkoobsi ijoollee Israa'el akka cirracha galaana qarqaraa yoo baay'ate iyyuu, isaan keessaa hambaa isaanii duwwaatu oola,

²⁸gooftichi dubbii isaa isa sodaachisaa gabaabsee lafa irratti in raawwata? jedhee in labsa*.

²⁹Akkuma Isaayaas duraan dursee dubbates, ?Gooftaan maccaa ijoollee utuu nuuf hin hambifne ta'ee, nuyi akka Sodoom taanee, Gomoraas fakkaannee turre? jedhe*.[49]

³⁰Egaa amma maal jennu ree? Saba Waaqayyoo warri hin ta'in, qajeelummaa argachuudhaafis warri hin dhama'in, qajeelummaa argataniiru, qajeelummaan isaanii immoo amantii keessaa in argama*.

³¹Israa'el warri seera qajeelota isaan godhu argachuudhaaf dhama'an garuu, isa bira hin geenye*.

³²Maaliif isa bira hin geenye? Isaan amantii keessaa utuu hin ta'in akka waan inni hojii keessaa argamutti waan itti dhama'aniif isa bira hin geenye; isaan ?Dhagaa gufannaa? sana irratti gufatan*.

³³Akkuma caafame, ?Kunoo ani dhagaa gufannaa kattaa nama kuffisus Xiyoon keessa nan kaa'a, inni isatti amanatu immoo hin yeella'u? jedhe*.[50]