Read west central oromo 1 GARA WARRA QORONTOS 1 Bible Online

1 GARA WARRA QORONTOS 1 - west central oromo bible

1 GARA WARRA QORONTOS 1

¹Ani Phaawulos fedha Waaqayyootiin ergamaa Kristos Yesus ta'uudhaaf kanan waamame, Sostenees obboleessaa wajjin*,

²gara waldaa Waaqayyoo isa mandara Qorontos jiruu, gara warra karaa Kristos Yesus qulqulleeffamanii, warra iddoo garaa garaatii, maqaa Yesus Kristos gooftaa hunduma keenyaa waammatan hundumaa wajjin, qulqulloota ta'uudhaaf waamamaniitti kana caafuu koo ti*.

³Waaqayyo abbaan keenya gooftaan keenya Yesus Kristosis ayyaana, nagaas isiniif haa kennu*![1]

⁴Ayyaanni Waaqayyoo Kristos Yesusiin waan isiniif kennameef, ani yeroo hundumaa sababii keessaniif Waaqayyo koo nan galateeffadha*.

⁵Isin waanuma dubbatan hubachiisuudhaaf ofii keessaniifis waan hundumaa hubachuudhaaf, karaa hundumaan kennaa guutuu isumaan argattaniittu*.

⁶Wanti waa'ee Kristosiif dhugaa ba'ame isin gidduutti hundee godhatee jabaateera*.

⁷Kanaaf lammaffaa mul'achuu gooftaa keenyaa Yesus Kristos eeggachaa utuu jirtanii, kennaa hafuuraa keessaa tokko illee isinitti hin hiratu*.

⁸Guyyicha gooftaa keenya Yesus Kristos sanatti akka isin warra yakka hin qabne taataniif, gooftichi hamma dhuma barichaatti isin in cimsa*.

⁹Waaqayyo, inni gara tokkummaa ilma isaa Yesus Kristos gooftaa keenyaatti isin waame, amanamaa dha*.[2]

¹⁰Obboloota ko, isin hundumti keessan waan dubbattanitti akka walii galtan, yaada tokkoon akeekkattanii, tokkummaadhaanis raawwachuudhaaf akka qophooftan malee, isin gidduutti gargar ba'uun akka hin jiraanne, maqaa gooftaa keenya Yesus Kristosiin isinan gorsa*.

¹¹Obboloota ko, wal qoccoluun akka isin keessa jiru, namoonni aaddee Klo'ee anatti himaniiru*.

¹²Qoccolloon ani jedhus isa isin keessaa kaan, ?Ani kan Phaawulos!? kaan, ?Ani kan Apholos!? kaan, ?Ani kan Keefaa ti!? kaan immoo, ?Ani kan Kristos!? jedhan jechuu koo ti*.[3]

¹³Kristostu gargar hirame moo ree? Phaawulostu isiniif jedhee fannifame moo ree? Yookiis maqaa Phaawulositti cuuphamtan moo ree?

¹⁴Kriisphosii fi Gaayos irraa kan hafe isin keessaa nama kan biraa iyyuu bagan hin cuuphin*!

¹⁵Egaa namni, ?Maqaa Phaawulositti cuuphamtan? isiniin jechuu hin danda'u.

¹⁶Haa ta'u iyyuu malee, Isxifaanaasii fi maatii isaa immoo cuupheera; kanaa achi nama kan biraa kanan cuuphe hin beeku*.

¹⁷Kristos wangeela akkan lallabuuf na erge malee, akkan cuuphuuf ana hin ergine; fannifamuun Kristos ulfina isaa akka argatuttan lallabe malee, fannoo isaa salphisuudhaaf ogummaa namaatiin hin lallabne*.[4]

¹⁸Waa'ee fannifamuu Kristos dubbachuun warra karaa badiisaa irra jiraniif gowwummaa dha; nuyi warra karaa fayyinaa irra jirruuf garuu, inni humna Waaqayyoo ti*.

¹⁹Caaffanni qulqullaa'aan, ?Ogummaa warra ogeessotaa nan balleessa, hubannaa warra hubatootaas lafatti nan dabala? in jedha*.

²⁰Egaa namni ogeessi eessatti hafa ree? Barsiisaan seeraas eessatti hafa ree? Dubbi-beekaan bara si'anaas eessatti hafa ree? Waaqayyo ogummaa biyya lafaa kanaa gowwummaa godheera mitii ree*?

²¹Biyyi lafaa ogummaa ofii isaatiin Waaqayyoon isa ogummaadhaan guute beekuu dadhabnaan, gowwummaa barsiisa isa nuyi lallabnuutiin warra amanan fayyisuun Waaqayyotti tole*.

²²Yihudoonni illee milikkitoota gaafatu, Griikonni immoo ogummaa barbaadu*.

²³Nuyi garuu, Kristos isa fannifame in lallabna; kun immoo warra Yihudootaatti gufuu dha, warra Yihudoota hin ta'initti immoo gowwummaa dha*.

²⁴Warra Waaqayyo waameef garuu Yihudootaa fi taanaan Griikotaafis taanaan, Kristos humna Waaqayyoo ti, ogummaa Waaqayyoo tis*.

²⁵Wanti gowwummaa Waaqayyoo fakkaatu ogummaa namaa irra in caala, wanti dadhabbii Waaqayyoo fakkaatus jabina namaa irra in caala*.[5]

²⁶Obboloota ko! Isin yeroo waamamtan, namoota attamii akka taatan of irratti ilaalaa! Akka yaada namaatti baay'een keessan ogeessota miti; baay'een keessan beekamoo miti; baay'een keessanis sanyii warra gurguddaa keessaa miti*.

²⁷Waaqayyo garuu namoota ogeessota yeellaasisuudhaaf, waan biyyi lafaa gowwaatti lakkaa'u fo'ate; Waaqayyo warra jaboo yeellaasisuudhaaf waan biyyi lafaa dadhabaatti lakkaa'u fo'ate.

²⁸Waaqayyo wanta jira jedhamu lafatti dabaluudhaaf, wanta jira hin jedhamne, wanta biyya lafaatti gad deebi'aatti lakkaa'amuuf wanta tuffatamaa fo'ate*.

²⁹Kanaafis namni tokko illee fuula Waaqayyoo duratti of hin jajin*.

³⁰Kristos Yesusitti jiraachuun keessan Waaqayyo biraa ta'e; Waaqayyo Kristosin ogummaa keenya nuuf godhe. Isumaan qajeelota taanee, Waaqayyoof qulqulloofnee in furamna*.

³¹Kanaafis, ?Namni of jaju gochaa gooftaatiin of haa jaju!? kan jedhu caafameera*.[6]