Read west central oromo 1 GARA WARRA QORONTOS 12 Bible Online

1 GARA WARRA QORONTOS 12 - west central oromo bible

1 GARA WARRA QORONTOS 12

¹Yaa obboloota ko! Waa'ee kennaa garaa garaa hafuurri qulqulluun kennuu, akka hubattan nan barbaada*.

²Isin amma illee saba Waaqayyoo utuu hin ta'in dura, karaa irraa kaachifamtanii gara waaqayyolii tolfaman warra duudaatti, akka oofamaa turtan in beektu*.

³Akkasumas namni hafuura Waaqayyootiin geggeeffamu, ?Yesus abaaramaa dha? jechuu, namni tokko illees hafuura qulqulluutiin yoo ta'e malee, ?Yesus gooftaa dha? jechuu, akka hin dandeenye cimsee isinittan beeksisa*.[62]

⁴Kennaan hafuuraa gosa garaa garaatu jira, hafuurichi garuu tokkichuma*.

⁵Ergaa garaa garaatu jira, gooftaan ergamaniif garuu tokkichuma*.

⁶Hojii garaa garaatu jira, Waaqayyo inni hojii hundumaa adduma addaan yaada namaa keessa kaa'u garuu tokkicha*.

⁷Karaan kennaan hafuuraa adduma addaan nama keessaa mul'atu, hundumaaf bu'aa akka ta'uuf kenname*.

⁸Isa tokkoof ogummaadhaan dubbachuutu hafuuraan kennameef, isa kaaniif immoo beekumsa barsiisuutu hafuuruma sanaan kennameef*;

⁹isa kaaniif amantiitu hafuuruma sanaan kennameef, isa kaaniif immoo kennaa warra dhukkubsatan fayyisuutu hafuura tokkicha sanaan kennameef;

¹⁰isa kaaniif dinqii hojjechuutu, isa kaaniif raajii dubbachuutu, isa kaaniif hafuurota gargar baasee beekuutu, isa kaaniif afaan hin beekamneen dubbachuutu, isa kaaniif afaan hin beekamne sana hiikuutu kennameef*!

¹¹Hafuurri innumti tokkichi sun hojii kana hundumaa hojjetamuudhaan in ga'a; inni akka jaalala isaatti tokkon tokkon namaaf kennaa addaa in hira*.[63]

¹²Kristos akka dhagna tokkicha isa bu'aa dhagnaa baay'ee qabuu ti; bu'aan dhagnaa sun yoo baay'atan iyyuu dhagnuma tokkicha*.

¹³Nuyi Yihudoonni, warri Yihudoota hin ta'inis, warri garbummaa jala jiran, warri birmaduunis hundumti keenya dhagna tokko ta'uudhaaf hafuura tokkoon cuuphamneerra, nuyi hundumti keenya akka dhugnuufis hafuurri qulqulluun inni tokkichi nuuf kennameera*.[64]

¹⁴Dhagni tokko immoo bu'aa dhagnaa baay'ee qaba malee, tokkicha duwwaa qaba miti.

¹⁵Fakkeenyaaf miilli, ?Ani harka miti, kanaaf ani kan dhagnaa miti? yoo jedhe, kun bu'aa dhagnaa tokko ta'uu isaa hin oolchu.

¹⁶Gurris, ?Ani ija miti, kanaaf ani kan dhagnaa miti? yoo jedhe, kun bu'aa dhagnaa tokko ta'uu isaa hin oolchu.

¹⁷Egaa guutummaan dhagnaa ija utuu ta'ee, attamitti dhaga'uu danda'a ree? Guutummaan dhagnaa gurra utuu ta'ee, attamitti fuunfachuu danda'a ree?

¹⁸Waaqayyo garuu bu'aa dhagnaa hundumaa adduma addaan akka ofii barbaadetti iddoo iddoo isaatti qopheesse*.

¹⁹Bu'aan dhagnaa hundumtuu, bu'aa dhagnaa tokkicha isa waan tokkicha duwwaa hojjetu yoo ta'e, attamitti dhagna guutuu ta'a ree?

²⁰Kanaaf akka amma jirutti, bu'aan dhagnaa baay'ee dha, dhagni garuu tokkicha.[65]

²¹Ijji harkaan, ?Ati anaaf hin barbaachiftu? yookiis mataan miillan isaatiin ?Isin anaaf hin barbaachiftan? jechuu hin danda'u.

²²Caalaatti iyyuu bu'aa dhagnaa hundumaa keessaa warra barbaachisoo hin fakkaannetu barbaachisoo dha.

²³Bu'aa dhagnaa warra tuffatamoo nutti fakkaataniifis caalaatti ulfina in laannaaf; bu'aan dhagna keenyaa warri hin argisiifamne eegumsa caalaa in argatu,

²⁴warra argisiifamaniif garuu eegumsi akkasii hin barbaachifne. Waaqayyo bu'aan dhagna namaa inni tuffatamaan ulfina caalaa akka argatutti walitti uume.

²⁵Inni uumes gargar ba'uun bu'aa dhagnaa gidduutti utuu hin argamin, qixxeetti walii isaaniitiif akka yaadaniif kana godhe.

²⁶Bu'aa dhagnaa kana keessaa inni tokko yoo dhiphate, hundinuu isaa wajjin in dhiphatu; inni tokko yoo ulfaate, hundinuu isaa wajjin in gammadu*.[66]

²⁷Ammas hundumti keessan dhagna Kristos, adduma addaanis bu'aa dhagna isaatii ti*.

²⁸Waaqayyos waldaa kristiiyaanaa keessatti duraan dursee ergamoota, lammaffaa warra waan inni itti mul'ise dubbatan, sadaffaa warra dubbii isaa barsiisan, kana booddees warra dinqii hojjetan, isaanitti aansees warra dhukkubsatoota fayyisuudhaaf kennaa qaban, warra namoota gargaaran, warra hojii geggeessan, warra afaan hin beekamneen dubbatan kaaseera*.

²⁹Hundumatu ergamootaa ree? Hundumatu mul'ata Waaqayyoo dubbataa ree? Hundumatu dubbii isaa barsiisaa ree? Hundumatu dinqii hojjetaa ree?

³⁰Hundumatu kennaa dhukkubsatoota fayyisuu qabaa ree? Hundumatu afaan hin beekamneen dubbataa ree? Hundumatu isa dubbatame hiikaa ree?

³¹Isin garuu kennaa warra caalan argachuudhaaf dhama'aa! Ani immoo isaan kana hundumaa irra isa caalu iyyuu isinittan argisiisa*.[67]