Read west central oromo 1 GARA WARRA QORONTOS 16 Bible Online

1 GARA WARRA QORONTOS 16 - west central oromo bible

1 GARA WARRA QORONTOS 16

¹Waa'ee horii gargaarsa warra amananii Waaqayyoof qulqullaa'an sanaaf bu'u immoo, isinis akkuma ani waldoota kristiiyaanaa kutaa biyya Galaatiyaa abboome godhaa*!

²Erga ani dhufee horii walitti buusuu akka hin barbaachifnetti, Sanbata guddaa, torbeedhuma tokkon tokkon keessan hamma wal qixxaateef buusee walitti haa qabu*.

³Yeroon dhufus, namoota isin nuuf haa dhaqan jettaniif caaffata ittiin beekaman kenneefii, buusii keessan gara Yerusaalemitti akka geessaniif isaanan erga*.

⁴Ani dhaquun koo barbaachisaa yoo fakkaate immoo, isaan anaa wajjin in dhaqu.[90]

⁵Ani karaa Maqedooniyaa dhaquu waanan yaadeef, biyya Maqedooniyaa sana keessa ergan darbee booddee gara keessan nan dhufa*.

⁶Isin biras nan turan ta'a; isin immoo gargaartanii iddoodhuma ani dhaqutti akka na ergitaniif, tarii ganna guutuu iyyuu isin bira nan ba'a*.

⁷Ani miilana argaa karaa irraa isin arguu hin barbaanne; yoo gooftaan jedhe takka isin bira akkan turu nan abdadha*.

⁸Hamma guyyaa Phenxeqosteetti garuu mandara Efesoon keessa nan tura*.

⁹Warri ittiin morman baay'een yoo jiraatan iyyuu, hojii guddaadhaa fi hojii waa'ee baasu hojjechuudhaaf karaan anaaf banameera*.[91]

¹⁰Ximotewos yeroo dhufu, innis akkuma koo hojii gooftaa waan hojjetuuf, akka inni of irraa bu'ee isin bira buufatu godhaa*!

¹¹Namni tokko illee isa hin tuffatin! Ani obbolootaa wajjin isa eegaa waanan jiruuf, nagaadhaan na bira akka dhufuuf isa gargaaraa*!

¹²Waa'ee obboleessa keenya Apholos immoo, inni obboloota warra kaanii wajjin dhufee akka isin ilaaluuf, ani deddeebisee isa gorsaan ture; inni garuu amma gara keessan dhufuun raawwatee jaalala isaa hin taane; yeroo isaaf wayyutti garuu dhufuuf jira*.[92]

¹³Dammaqaa, amantiitti cimaatii dhaabadhaa! Ija-jabeeyyiidhaa fi jajjaboo ta'aa*!

¹⁴Waan hojjettan hundumaa jaalalaan raawwadhaa*!

¹⁵Ammas obboloota ko, maatiin Isxifaanaas, Akaayyaa keessaa amantoota warra jalqabaa akka ta'an in beektu; isaan warra Waaqayyoof qulqullaa'aniif hojjechuudhaaf of kennanii turan*.

¹⁶Namoota akkasiitiif, hojiitti hidhata isaanii isa ta'eef, isa itti dadhabe hundumaaf adduma addaan, ulfina isaaniif ta'u akka kennitaniif isinan kadhadha.

¹⁷Isin qaqqabuu dadhabnaan Isxifaanaas, Fortunaaxos, Akaayqosis iddoo keessan waan dhufaniif ani gammadeera.

¹⁸Akkuma garaa isin ciibsan, garaa na ciibsaniiru; hojii warra akkasii immoo galateeffatanii beeksisuun in ta'a*.[93]

¹⁹Waldoonni kristiiyaanaa Asiyaa, nagaa isiniif dhaamu; Aqiilaanii fi Phriskaan waldaa mana isaaniitti walitti qabamu sanaa wajjin, karaa gooftaa garaa guutuudhaan nagaa isiniif ergu*.

²⁰Obboloonni as jiran hundinuu nagaa isiniif dhaamu; yaada qulqullaa'aatiin wal dhungachuudhaan nagaa wal gaafadhaa*![94]

²¹Nagaa kana ana Phaawulostu harka kootiin isiniif caafa*.

²²Eenyu illee gooftaa yoo jaallachuu dhabaate abaaramaa dha; ?Maaraanaataa!? Hiikuun isaas, ?Gooftaa keenyaa kottu!? jechuu dha*.

²³Ayyaanni gooftaa Yesus isinii wajjin haa ta'u*!

²⁴Jaalalli koo karaa Kristos Yesus hunduma keessanii wajjin haa ta'u![95]