Read west central oromo 1 GARA WARRA QORONTOS 8 Bible Online

1 GARA WARRA QORONTOS 8 - west central oromo bible

1 GARA WARRA QORONTOS 8

¹Waa'ee qalma waaqayyolii tolfamaniif dhi'eeffamanii gaafattanii turtan. Isin keessaa jarri tokko, ?Hundumti keenya beekumsa qabna? akka jedhan in beekna; beekumsi akkasii nama bokoksa, jaalalli garuu tokkummaa in ijaara*.

²Namni caalaa beeka of se'u amma illee akka beekuun isaaf ta'utti hin beeku*;

³namni Waaqayyoon jaallatu garuu, isa biratti beekamaa in ta'a*.[37]

⁴Egaa waa'ee qalma waaqayyolii tolfamaniif dhi'eeffame nyaachuu immoo, waaqayyo tolfamaan dhuguma jireenya akka hin qabne akkasumas Waaqayyo tokkicha malee kan biraa akka hin jirre nuyi in beekna*.

⁵Waaqayyolii kan jedhaman waaqa keessa lafa irras jiru; waaqayyoliin, gooftoliin akkasiis baay'ee dha*.

⁶Nuuf garuu Waaqayyo tokkichatu jira; innis abbaa, isa waan hundumaa uume, isa nuyi maqaa isaatiif jiraannus. Akkasumas gooftaa tokkichatu jira; innis Yesus Kristos, isa wanti hundumtuu ittiin uumame, isa nuyi ittiin jiraannus*.[38]

⁷Haa ta'u iyyuu malee, hundumatu beekumsa kana qaba miti; garuu kaan hamma ammaatti itti turanii waa'ee waaqayyolii tolfamanii kana itti baraniiru. Kanaaf yeroo foon qalmaa sana nyaatan akkuma waan waaqayyo tolfamaadhaaf dhi'eeffameetti in nyaatu; yaadni garaa isaanii dadhabaa waan ta'eefis kanaan in xureeffamu*.

⁸Nyaanni gara Waaqayyootti nu hin dhi'eessu; yoo nyaachuu dhiifne wanti nutti badu, yoo nyaannes wanti nutti tolu hin jiru*.[39]

⁹Garuu kana fo'achuu danda'uun keessan kun karaa tokkoon warra amantiitti dadhaboo ta'anitti gufuu akka hin taane, of eeggadhaa*!

¹⁰Tarii namni tokko, utuu ati inni beekumsa kana qabduu galma waaqayyoo tolfamaa keessatti maaddiitti dhi'aattee jirtuu, si arga ta'a; kun qalma waaqayyoo tolfamaadhaaf dhi'aatu nyaachuutti yaada garaa isaa isa dadhabaa hin kakaasuu ree?

¹¹Akkasitti, namichi dadhabaan kun, obboleessumti kee inni Kristos du'eef beekumsa ati qabduun in balleeffama*.

¹²Karaa kanaan obboloota keessan yakkitanii, yaada garaa isaanii isa dadhabaa madeessuu keessaniin Kristosin in yakkitu.

¹³Kanaafis nyaata akkasiitti dhi'aachuun sababii obboleessa koo kuffisu yoo ta'e, ani obboleessa koo akkan hin kufifnetti matumaa deebi'ee foon hin nyaadhu*.[40]