Read west central oromo 1 GARA WARRA TASALONIIQEE 5 Bible Online

1 GARA WARRA TASALONIIQEE 5 - west central oromo bible

1 GARA WARRA TASALONIIQEE 5

¹Yaa obboloota ko! Waa'ee barichaa fi waa'ee yerichaa garuu isiniif caafuun barbaachisaa miti*.

²Guyyaan gooftaa akka hattuun halkan dhuftutti akka dhufu isin iyyuu ba'eessa gootanii in beektu*.

³Namoonni, ?Nagaa dha, gabii dhas? utuma jedhanii, badiifni itti hin yaadamin akka ciniinsuun dubartii ulfaatti dhufutti isaan irra in ga'a; kana jalaa ba'uunis hin jiru*.

⁴Obboloota nana, isin garuu dukkana keessa waan hin jirreef, guyyaan sun akka hattuutti isin irra ba'uu hin danda'u.

⁵Isin hundumti keessan ilmaan ifaa ti, ilmaan guyyaa tis; nuyi warra halkanii yookiis warra dukkanaa miti*.

⁶Egaa kottaa in dammaqna, of in qabnas malee, akka warra kaanii rafuu in dhiifna*!

⁷Warri rafan halkan in rafu, warri machaa'anis halkan in machaa'u.

⁸Nuyi garuu warra guyyaa erga taanee of in qabna, maddaa sibiilaa isa kan amantii fi jaalalaa in uffanna, abdii fayyinaas akka gonfoo sibiilaatti mataatti in kaa'anna*.

⁹Waaqayyo karaa gooftaa keenyaa Yesus Kristos fayyina akka argannuuf malee dheekkamsaaf yaadee nu hin qopheessine*.

¹⁰Nuyi warri jireenyatti jirrus, warri obbaafannes jireenya isaa akka qabaannuuf, Kristos nuuf du'e*.

¹¹Kanaaf akkuma amma gochaa jirtan, wal jajjabeessaa, wal cimsaas*![14]

¹²Obboloota nana, warra isin gidduutti hojiitti dadhaban, karaa gooftaas warra isin geggeessanii fi isin gorsan ulfinaan akka ilaaltan isin in kadhanna*.

¹³Sababii hojii isaaniitiifis herregaa jaalalaatiin baay'ee ol isaan qabaa; walii keessan gidduuttis nagaa qabaadhaa*!

¹⁴Obboloota nana, warra hojii hojjechuu dhiisan gorsitanii akka qajeelchitan, warra garaan isaanii sodaate akka toosiftan, warra dadhabaniif akka yaaddan, namoota hundumaafis akka dandeessan isin in gorsina*.

¹⁵Yeroo hundumaa walii keessaniif, namoota hundumaafis gaarii gochuu yaadaa malee, namni tokko illee waan hamaadhaaf hamaa akka hin deebifne ilaaladhaa*![15]

¹⁶Yeroo hundumaa gammadaa*!

¹⁷Kadhata keessan ittuma fufaa malee hin dhiisinaa*!

¹⁸Waan hundumaatti Waaqayyoon galateeffadhaa! Waaqayyo karaa Kristos Yesus kana gochuu keessan in fedha*.

¹⁹Hafuura qulqulluu hin ukaamsinaa!

²⁰Wanta Waaqayyo namatti mul'isee himsiisu hin tuffatinaa*!

²¹Garuu waan hundumaa qoraa, isa gaarii jabeessaatii qabadhaa*!

²²Waanuma hamaa ta'e dhiisaa![16]

²³Waaqayyo inni nagaa namaaf kennu guutummaatti ofii isaatiif isin haa qulqulleessu; yeroo dhufa gooftaa keenyaa Yesus Kristosittis hafuura keessan, lubbuu keessan, foon keessanis fayyaatti mudaa akka hin godhannettis haa eegu*!

²⁴Inni isin waame amanamaa waan ta'eef, kana in godha*.[17]

²⁵Obboloota ko, nuufis kadhadhaa*!

²⁶Yaada qulqullaa'aadhaan dhudhungachuudhaan obboloota hundumaa nagaa gaafadhaa*!

²⁷Hadaraa gooftaa, ergaan kun obboloota hundumaaf haa dubbifamu*!

²⁸Ayyaanni gooftaa keenyaa Yesus Kristos isinii wajjin haa ta'u*![18]