Read west central oromo Macaafa Iyaasuu 15 Bible Online

Macaafa Iyaasuu 15 - west central oromo bible

Macaafa Iyaasuu 15

¹Gosa Yihudaaf akka maatii maatii isaaniitti biyyi hamma daarii Edoomitti, gara mirgaatiin immoo Siin lafa onaadhaa hamma dhuma daarii gara mirgaatti jiru buufata mukaatiin in kennameef*.

²Karaa gara mirgaa immoo daariin isaanii galaana soogiddaa fi arraba galaanaa isa gara mirgaa jiruu dha.

³Achiis darbee karaa Aqrabiim Siinitti darbee Qaadesh-Barne'aa irraa gara mirgaatti adeemee, gara Hezronitti darbee immoo Hadariin ga'ee gara Qarqaatti naanna'a.

⁴Gara Azmoonitti darbee immoo hamma laga Gibxiitti adeemee, galaana bira ga'ee in dhaabata; daariin isaanii karaa gara mirgaa isa kana.[51]

⁵Karaa gara ba'a-biiftuu immoo daariin isaanii galaana soogiddaatii ka'ee, hamma Yordaanos galaanatti bu'utti in adeema; karaa gara bitaas daariin isaanii arraba galaanichaatii lafa Yordaanos galaanatti bu'u ka'ee,

⁶gara Bet-Hoglaatti ol ka'ee bitaa Bet-Arabaa irra ba'ee hamma dhagaa Bohan ilma Ruubenitti in adeema.

⁷Akkasumas dachaa Akorii hamma Debiiritti adeemee, gara bitaatiin Giilgal isa fuullee Adumiim irra gara mirga lagichaatti in jal'ata; itti fufees laga En-Shemesh irra ba'ee laga En-Rogeelitti in dhuma.

⁸Itti aanees daariin kun dachaa ijoollee Hiinom keessa ba'ee gara mirgaatiin irraan-gadee warra Yibusootaa irra (kunis Yerusaalem irra) in ba'a; achii ka'ee immoo karaa gara bitaa dhuma dachaa Refaa'iim irra ba'ee, karaa gara lixa-biiftuutiin gubbee tulluu isa fuullee Hiinom jirutti ol ba'a*.

⁹Kana booddee immoo gubbee tullichaa irraa gara laga Nefto'aatti jal'atee achii immoo gara mandaroota warra tulluu Efron irra jiranii dhufee gara Baalaatti (kunis Kiriiyat-Ya'ariimitti) in jal'ata.

¹⁰Baalaa irraas ka'ee gara lixa-biiftuu irra marfatee, gara tulluu Se'iir in dhufa; karaa gara bitaatiinis irraan-gadee tulluu Ya'ariim irra (kunis Kesaalon irra) gara Bet-Shemesh dhaqee Tiimnaatti in ce'a.

¹¹Gara bitaatiinis irraan-gadee Eqroon irra ba'ee gara Shiqeroonitti jal'ata; tulluu Baalaa bukkee darbee immoo Yaabnelin dhaqee, galaana bira ga'ee in dhuma.

¹²Karaa gara lixa-biiftuu immoo hamma daarii galaana isa guddaatti adeema; egaa daariin ijoolleen Yihudaa akka maatii maatii isaaniitti naannessanii qabatan isaan kana.[52]

¹³Yommus Iyaasuun akkuma Waaqayyo isa abboometti biyya ijoollee Yihudaa keessaa Kiriiyat-Arbaa isa ?Kebroon? jedhamu Kaaleb ilma Yofuneef qooda godhee in kenne; ?Aarbaa? kun immoo abbaa warra Aanaaqotaa ti.

¹⁴Kaaleb Aanaaqota sadii, Sheshaayin, Ahimaanii fi Talmaayin achi keessaa in baase; isaan immoo sanyii Aanaaqotaa turan.

¹⁵Achiis ka'ee warra Debiiriin jiran loluu dhaqe; (Debiir dur ?Kiriiyat-Sefer? jedhama).

¹⁶Kaaleb, ?Nama mandara Sefer rukutee qabatuuf intala koo ishee ?Aksaa? jedhamtu nan kenna? jedhe*.

¹⁷Otnii'el ilmi Qenaz obboleessa Kaaleb mandaricha in qabate; Kaalebis intala isaa Aksaa itti in heerumsiise*.

¹⁸Isheen Otnii'el bira yommuu dhufte inni abbaa ishee biraa maasii akka isheedhaaf kadhatuuf isa giddisiifte; yeroo isheen harree irraa buutes Kaaleb, ?Maal feeta?? isheedhaan jedhe.

¹⁹Yommus isheen deebiftee, ?Na eebbisi! Erga biyya gara mirgaa anaaf kennitee, burqaa bishaaniis anaaf kenni!? jette; kana irratti inni burqaa isa gara irraa fi isa gad-jallaa in kenneef*.[53]

²⁰Dhaalli gosa ijoollee Yihudaa akka maatii maatii isaaniitti kanatti fufee jira;

²¹mandaroonni gosa Yihudaa karaa gara mirgaa daarii Edoomitti aananii jiran, Kabze'el, Eder, Yaagur,

²²Qiinaa, Diimonaa, Araadaa,

²³Qedeesh, Hazoor, Iitnaan,

²⁴Ziif, Telem, Ba'aalot,

²⁵Hazoor-Hadootaa, Keriyot-Hezron, (kunis ?Hazoor? jechuu dha);

²⁶Amaam, Shemaa, Molaadaa,

²⁷Hazaar-Gadaa, Heshmon, Bet-Phaalex,

²⁸Hazaar-Shu'aal, Bersheebaa, Biziyutiiyaa,

²⁹Ba'aalaa, Eyim, Azem,

³⁰Eltolaad, Kesil, Hormaa,

³¹Siiqlaag, Madmaanaa, Sansanaa,

³²Lebaa'ot, Shilhim, En-Rimoon; walitti qabaan mandaroota kanaa gandeen isaanii wajjin digdamii sagal.

³³Karaa biyya dachaa immoo Eshtaa'ol, Zoraa, Ashnaa,

³⁴Zaano'a, En-Gaaniim, Taafu'aa, Enaam,

³⁵Yarmuut, Adulaam, Sokoo, Azeqaa,

³⁶Shaa'araayim, Adiitaayim, Gederaa, Gederotaayim, mandaroota kudha afurii fi gandeen isaaniis;

³⁷Zenaan, Hadashaa, Migdaal-Gaadi,

³⁸Dil'aan, Miisphaa, Yaaktii'el,

³⁹Laakiish, Bozqaat, Egloon,

⁴⁰Kaabon, Lamaam, Kiitliish,

⁴¹Gederot, Bet-Daagon, Na'amaa fi Maakedaa, mandaroota kudha ja'aa fi gandeen isaanii;

⁴²Liibnaa, Eter, Ashaan,

⁴³Yiftaa, Ashnaa, Neziib,

⁴⁴Qeyilaa, Akziibii fi Maareshaa, mandaroota sagalii fi gandeen isaanii;

⁴⁵Eqroon safara naannoo isaatii fi gandeen isaa wajjin;

⁴⁶Eqroon gara lixa-biiftuu, biyyi naannoo Ashdood jiran hundinuus gandeen isaanii wajjin;

⁴⁷Ashdood safara naannoo isaa jiranii fi gandeen isaa, Gaazaan safara naannoo isaa jiranii fi gandeen isaa wajjin hamma laga Gibxiitti, hamma daarii galaana guddaatti.

⁴⁸Biyya gaaraatii immoo Shaamiir, Yaatiir, Sokoo,

⁴⁹Daanaa, Kiriiyat-Sanaa isa ?Debiir? jedhamu,

⁵⁰Anaab, Eshtemo'aa, Aniim,

⁵¹Gooshen, Holoonii fi Giloo, mandaroota kudha tokkoo fi gandeen isaanii;

⁵²Araba, Dumaa, Esh'an,

⁵³Yaanum, Bet-Taafu'aa, Afeqaa,

⁵⁴Humtaa Kiriiyat-Arbaa (isa ?Kebroon? jedhamu), Zi'or, mandaroota sagalii fi gandeen isaanii;

⁵⁵Maa'on, Qarmelos, Ziif, Yutaa,

⁵⁶Yizre'el, Yarke'am, Zano'aa,

⁵⁷Qaayin, Giibe'aa fi Tiimnaa, mandaroota kudhanii fi gandeen isaanii;

⁵⁸Halhul, Bet-Zuur, Gedoor,

⁵⁹Maaraat, Bet-Anoot, Elteqon, mandaroota ja'aa fi gandeen isaanii;

⁶⁰Kiriiyat-Ba'aal (isa ?Kiriiyat-Ya'ariim? jedhamu), Raabaa, mandaroota lamaa fi gandeen isaanii;

⁶¹lafa onaa keessaa immoo Bet-Araabaa, Mediin, Sekaakaa,

⁶²Nibishaan, mandara soogiddaa, En-Gedii, mandaroota ja'aa fi gandeen isaanii.

⁶³Ijoolleen Yihudaa Yibusoota warra Yerusaalemin jiraachaa turan achii baasuu hin dandeenye; hamma har'aatti iyyuu warri Yibusootaa ijoollee Yihudaa wajjin Yerusaalem keessa taa'u*.[54]