Read west central oromo Macaafa Iyaasuu 19 Bible Online

Macaafa Iyaasuu 19 - west central oromo bible

Macaafa Iyaasuu 19

¹Mukti inni lammaffaan immoo akka maatii maatii isaaniitti gosa Shimi'ooniif ba'e; dhaalli isaaniis biyya gosa Yihudaa gidduudhaa ta'e.

²Isaanis Bersheebaa, Shemaa, Molaadaa,

³Hazaar-Shu'aal, Baalaa, Azem,

⁴Eltolaad, Bet-Hul, Hormaa,

⁵Siiqlaag, Bet-Markaboot, Hazaar-Susaa,

⁶Bet-Labaa'ot, Shiruheen, mandaroota kudha sadii fi gandeen isaanii in argatan.

⁷Itti fufees Aayin, Rimoon, Taakaan, Eter, Ashaan, mandaroota afurii fi gandeen isaanii in argatan.

⁸Gandeen naannoo mandaroota kanaa hundinuu hamma Ba'alaat-Be'erii fi Raamaat isa gara mirgaatti, akka maatii maatii isaaniitti dhaala gosa Shimi'oon in ta'an.

⁹Ga'aan gosa Yihudaa waan itti baay'ateef, gosa Shimi'ooniif dhaalli isa kan isaanii keessaa in kennameef*.[62]

¹⁰Mukti inni sadaffaan akka maatii maatii isaaniitti gosa Zebulooniif ba'e; daariin dhaala isaaniis hamma Saariiditti adeema.

¹¹Daariin isaanii gara lixa-biiftuutti adeemee, gara Maaraalaa dhaqee Dabesheetiin ga'ee gara dachaa laga isa fuullee Yaakne'aam jirutti bu'a.

¹²Saariidii immoo gara ba'a-biiftuutti jal'atee hamma daarii Kislot-Taaboritti adeemee, Daaberaatii fi Yaafii'aa in ga'a.

¹³Achiis darbee gara lixa-biiftuutti fufee adeemee Gaat-Heferii fi Iit-Kaaziin ga'ee, gara Rimoonaa dhaqee Ne'aahitti achi jal'ata.

¹⁴Achii immoo karaa gara bitaa irra naanna'ee gara Hanaaton dhufee, dachaa Yiftaa-Elitti in dhuma.

¹⁵Kataat, Naahaalal, Shimroon, Yiiraalaa fi Betlihem, mandaroonni kudha lamaa fi gandeen isaanii isaan kana keessa jiru.

¹⁶Mandaroonni kunii fi gandeen kun akka maatii maatii isaaniitti dhaala ijoollee Zebuloon.

¹⁷Mukti inni afuraffaan akka maatii maatii isaaniitti gosa Yisaakoriif ba'e.

¹⁸Daariin biyya isaaniis Yizre'el, Kesuloot, Shuneem,

¹⁹Haafara'iim, Shi'on, Anaharaat,

²⁰Daaberaat, Qiishon, Ebez,

²¹Remet, En-Gaaniim, En-Hadiidii fi Bet-Phaazez;

²²daariin kun Taabor, Shaziimaa fi Bet-Shemesh irra ba'ee Yordaanositti in dhuma; isaan kunis gandeen isaanii wajjin mandaroota kudha ja'a.

²³Mandaroonni kunii fi gandeen isaanii akka maatii maatii isaaniitti gosa Yisaakoriif kennaman.

²⁴Mukti inni shanaffaan akka maatii maatii isaaniitti gosa Asheeriif ba'e.

²⁵Daariin isaanii Helqaat, Haalii, Beteen, Akshaaf,

²⁶Alaamelek, Amaadii fi Miishaal; karaa lixa-biiftuu hamma Qarmelii fi Shiihor-Liibnaatitti adeema.

²⁷Achii ka'e immoo karaa gara ba'a-biiftuu Bet-Daagonitti jal'atee, Zebulooniin ga'ee immoo dachaa Yiftaa-Elitti gad bu'a; Bet-Emekii fi Nii'el keessa ba'ee karaa harka bitaa Kaabulitti darba.

²⁸Achii immoo ka'ee Abdoon[63], Rehoob, Hamonii fi Qaanaa irra ba'ee hamma gara Sidoon isa guddaatti adeema.

²⁹Daarichi gara Raamaatitti jal'atee gara mandara Xiiros isa masaraa qabu in ga'a; achii immoo gara Hosaahitti jal'atee Maahilaa fi Akziib keessa ba'ee galaana Mediteraaniyan ga'ee,

³⁰darbees Umaa, Afeqii fi Rehoob ga'ee deebi'a; isaan kun gandeen isaanii wajjin mandaroota digdamii lama.

³¹Mandaroonni kunii fi gandeen isaanii akka maatii maatii isaaniitti gosa Asheeriif kennaman.

³²Mukti inni ja'affaan akka maatii maatii isaaniitti gosa Niftaalemiif ba'e.

³³Daariin isaanii Helefii hamma qilxuu isa Zaa'anaaniim jirutti adeemee, Adaamii-Neqebii fi Yaabnii'el irra ba'ee Laquumiin dhufee Yordaanositti dhuma.

³⁴Daarichi gara lixa-biiftuutiin Aaznot-Taabor irra ba'ee Huqootitti in dhuma; karaa gara mirgaa Zebuloonin, karaa gara lixa-biiftuu Asheerin, karaa gara ba'a-biiftuu immoo Yordaanosin in tuqa.

³⁵Mandaroonni isaanii warri masaraa qaban Ziidiim, Zer, Hamaat, Raaqaat, Keneret,

³⁶Aadaamaa, Raamaa, Hazoor,

³⁷Qedeesh, Edraayi, En-Hazoor,

³⁸Yiroon, Migdaal-El, Horeem, Bet-Anaatii fi Bet-Shemesh; isaanis gandeen isaanii wajjin mandaroota kudha sagal.

³⁹Mandaroonni kunii fi gandeen isaanii akka maatii maatii isaaniitti gosa Niftaalemiif kennaman.

⁴⁰Mukti inni torbaffaan akka maatii maatii isaaniitti gosa Daaniif ba'e.

⁴¹Daariin biyya isaaniis Zoraa, Eshtaa'ol, Iir-Shemesh,

⁴²Sha'alaabiin, Ayalon, Iitlaa,

⁴³Eloon, Tiimnaa, Eqroon,

⁴⁴Elteqee, Giibetoon, Ba'aalaat,

⁴⁵Yehud, Azoor Bene-Beraaq, Gaat-Rimoon,

⁴⁶Miiyaarqon, Raaqonii fi biyya isa fuullee Yophee jiru.

⁴⁷Garuu gosa Daanitti lafti waan dhiphateef, gara biyya Laashemitti ol ba'anii warra Laashem billaatiin rukutanii biyya isaanii isaan irraa fudhatanii keessa in taa'an; maqaa biyyichaas maqaa abbaa gosa isaaniitti ?Daan? jedhanii in moggaasan.

⁴⁸Mandaroonni kunii fi gandeen isaanii akka maatii maatii isaaniitti gosa Daaniif kennaman*.[64]

⁴⁹Israa'eloonni biyyicha hiranii daarii daarii itti godhanii erga fixanii booddee, Iyaasuu ilma Nuniifis immoo of gidduudhaa lafa in kennaniif.

⁵⁰Akkuma Waaqayyo dur abboometti mandara Tiimnat-Seraa isa inni fudhachuudhaaf gaafate sana biyya gaaraa isa kan Efreem keessaa kennaniif; innis achitti mandara ijaaree keessa in jiraate.

⁵¹Isa kana biyyichi inni Ele'azaar lubichi, Iyaasuun ilmi Nunii fi dura-buutonni sabaa akka maatii maatii isaaniitti Shiilootti fuula Waaqayyoo fi dunkaana wal ga'ii duratti muka buusanii hiran; isaan akkasitti biyyicha hiranii in fixan*.[65]