Read west central oromo Macaafa Iyaasuu 24 Bible Online

Macaafa Iyaasuu 24 - west central oromo bible

Macaafa Iyaasuu 24

¹Ergasii Iyaasuun gosa Israa'el guutummaatti Sheekemitti walitti qabee, maanguddoota, dura-buutota, abboota firdii fi warra hojii geggeessan namoota Israa'el keessaa in waame; isaanis Waaqayyo duratti in dhi'aatan.

²Iyaasuun yommus saba hundumaan, ?Waaqayyo gooftaan inni kan Israa'el kan jedhu kanatti fufee jira; inni, ?Bara durii abboonni keessan Taaraan abbaan Abrahaamii fi abbaan Naahor laga Efraaxiis gama jiraachaa yommuu turan, waaqayyolii biraatiif in hojjetu turan*.

³Ani abbaa keessan Abrahaamin lagicha gamaa fuudheen guutummaa biyya Kana'aan keessa adeemsisee sanyii isaas baay'iseef; Yisihaqinis nan kenneef*.

⁴Yisihaqiifis Yaaqoobii fi Esaawuu nan kenne, Esaawuudhaafis Se'iir biyya gaaraa nan kenne; Yaaqoob garuu ijoollee isaa wajjin biyya Gibxiitti gad in bu'e*.[78]

⁵? ?Ani immoo Museedhaa fi Aaroniin ergeen wanta ani achi isaan gidduutti godheen warra Gibxiitti dha'icha buusee, isiniin immoo achii baase*.

⁶Ani abboota keessan biyya Gibxii nan baase, isinis isaanii wajjin gara galaanaa dhaqxan; warri Gibxii immoo konkolaataa fi abboota fardeeniitiin abboota keessan hordofanii hamma galaana diimaatti dhufan.

⁷Abboonni keessan gara koo gara Waaqayyotti yommuu iyyan, ani immoo isaanii fi warra Gibxii gidduu dukkana limixii dhaabee, galaanni warra Gibxii irra gara galee akka isaan dhoksu nan godhe; ergasii abboonni keessan bara baay'ee lafa onaa keessa in jiraatan; egaa wanta ani biyya Gibxiitti godhe kana ija keessaniin argitaniittu.

⁸Kana booddee ani immoo gara biyya Amoorota warra Yordaanos irraa gara ba'a-biiftuu jiraataniitti isin nan geesse; isaan isin lolan; ani garuu harka keessan keessa isaan nan buuse, fuula keessan duraas isaan nan balleesse; isin immoo biyya isaanii in dhaaltan*.

⁹Balaaq ilmi Ziphoor mootiin Mo'aab yommuu lolaaf Israa'el irratti ka'e, Bala'aam ilmi Phe'or dhufee akka isin abaaruuf ergee waamsise;

¹⁰ani garuu Bala'aam akka isin abaaru hin barbaanne; kanaaf ani harka isaa jalaa isin nan baase; innis guddaa isin in eebbise*.[79]

¹¹? ?Ergasiis Yordaanosiin ceetanii gara Yerikoo dhuftan; warri Yerikoo akkasumas warri Amoorotaa, Pheriizotaa, Kana'aanotaa, Heetotaa, Girgaashotaa, Hiiwotaa fi Yibusootaa isin in lolan; ani garuu harka keessan keessa isaan nan buuse*.

¹²Ani soonsa isin duraa ari'anii isaan balleessan fuula keessan dura nan erge; isaan mootota Amoorotaa lamaanis akkasuma in godhan; kunis billaa keessanii fi iddaa keessaniin hin godhamne*.

¹³Ani biyya isin itti hin dadhabinii fi mandara isin hin ijaarin keessa akka jiraattaniif isiniif kenneera; muka waynii fi muka ejersaa isa ofii keessanii hin dhaabinittiis ija isaa in nyaattu*.[80]

¹⁴? ?Amma egaa Waaqayyoon sodaadhaa, amanamummaa guutuudhaanis isaaf hojjedhaa! Waaqayyolii warra abboonni keessan laga Efraaxiis gamatti, biyya Gibxiittis hojjechaafii turan sanattii deebi'aatii Waaqayyoof hojjedhaa*!

¹⁵Waaqayyoof hojjechuun isin duratti hamaa yoo fakkaate garuu, waaqayyolii warra abboonni keessan lagicha gamatti hojjechaafii turaniif yookiis warra kan Amoorota isin biyya isaanii keessa teessan kanaaf hojjettu yoo ta'e, har'a eenyuuf akka hojjettan fo'adhaa!? Garuu anii fi manni koo Waaqayyoof in hojjenna? jedhe*.[81]

¹⁶Yommus jarri deebisanii, ?Waaqayyoon dhiifnee waaqayyolii biraatiif hojjechuun nuttii haa fagaatu!

¹⁷Waaqayyo gooftaa keenya; inni nuyi, abboota keenyas mana garbummaa biyya Gibxii baaseera, milikkita gurguddaa isaas ija keenya duratti godheera, karaa keenya hundumaa irratti, saba keessa darbine hundumaa gidduuttis inni nu eegeera*.

¹⁸Waaqayyo inni saba hundumaa, Amoorota achi turanis nu duraa oofee baase Waaqayyo keenya waan ta'eef, nuyi isaaf in hojjenna? jedhan*.[82]

¹⁹Iyaasuunis sabaan, ?Waaqayyoof hojjechuu hin dandeessan, inni Waaqayyo isa qulqulluu dha, inni Waaqayyo hinaafaa dhas; inni irra-daddarbaa keessanii fi cubbuu keessan isiniif hin dhiisu*.

²⁰Waaqayyoon dhiiftanii waaqayyolii ormaatiif yoo hojjettan, inni isa dur gaarii isiniif godhe, amma immoo deebi'ee wanta hamaa isinitti fidee isin in fixa? jedhe.

²¹Jarri garuu deebisanii Iyaasuudhaan, ?Lakkii! Nuyi Waaqayyoof in hojjenna? jedhan*.

²²Ammas Iyaasuun jaraan, ?Isin ?Waaqayyoof in hojjenna? jettanii isa fo'achuu keessaniin ofii keessan irratti dhugaa in baatu? jedhe; isaanis, ?Eyyee! Nuyi dhugaa in baana!? jedhanii in deebisaniif.

²³Kana irratti Iyaasuun jaraan, ?Egaa amma waaqayyolii ormaa warra isin gidduu jiran sana irraa deebi'aa! Garaa keessanis gara Waaqayyo gooftaa isa kan Israa'elitti deebisaa!? jedhe*.

²⁴Jarris Iyaasuudhaan, ?Waaqayyo gooftaa keenyaaf in hojjenna, isaafis in abboomamna? jedhan.[83]

²⁵Guyyaa kanattis Iyaasuun Sheekemitti jaraaf kana kakuudhaan jabeessee seeraa fi abboommii isaaniif in kenne*.

²⁶Iyaasuun dubbii kana macaafa seera Waaqayyoo keessatti in caafe; dhagaa guddaa isaas fuudhee iddoo qulqullaa'aa isa kan Waaqayyoo bira qilxuu jala in dhaabe*.

²⁷Gaafas Iyaasuun jara sana hundumaan, ?Kunoo, dhagaan kun dubbii Waaqayyo nutti dubbate hundumaa waan dhaga'eef, nu irratti dhugaa in ba'a; inni, isin Waaqayyo irratti soba akka hin dubbannetti isin irratti dhugaa in ba'a? jedhe*.

²⁸Ergasii Iyaasuun jara sana adduma addaan gara biyya dhaala isaaniitti in erge.[84]

²⁹Kana booddee Iyaasuun ilmi Nun garbichi Waaqayyoo in du'e; barri isaa waggaa dhibbaa fi kudhan ture*.

³⁰Israa'eloonni biyya dhaala isaa iddoo ?Tiimnat-Seraa? jedhamu, biyya gaaraa isa kan Efreem tulluu Ga'aash irraa gara bitaa isa jiru sanatti isa in awwaalan*.

³¹Warri Israa'el guutummaa bara Iyaasuutti akkasuma bara jaarsoliin warri isa booddee hafanii wanta Waaqayyo warra Israa'eliif godhe hundumaa beekan jiraatanitti, Waaqayyoof hojjechaa turan*.[85]

³²Lafeen Yoseef inni Israa'eloonni biyya Gibxii fudhatanii ba'an, Sheekem lafa Yaaqoob isa inni ijoollee Hamoor abbaa Sheekem irraa meetii dhibba tokkoon bite, isa dhaala ijoollee Yoseef ta'e sana keessatti in awwaalame*.

³³Ele'azaar ilmi Aaronis in du'e; innis immoo gaara Fiinehaas ilma isaa isa biyya gaaraa isa kan Efreem keessaa kennameefitti in awwaalame.[86]