Read west central oromo 1 GARA THIMOTEWOS 3 Bible Online

1 GARA THIMOTEWOS 3 - west central oromo bible

1 GARA THIMOTEWOS 3

¹?Namni ilaaltuu[8] hojii waldaa kristiiyaanaa ta'uu fedhu, hojii ba'eessa hawwa? inni jedhu dubbii amanamaa dha*.

²Ilaaltuun hojii waldaa kristiiyaanaa, waan ittiin jedhan kan hin qabne, nama haadha manaa tokkittii, nama dhugaatiitti of hin ganne, nama of qabu, nama ulfinaa, nama keessummoota jaallatu, nama warra kaan barsiisuu danda'us ta'uun isa irra jira*;

³nama garraamii, naga-qabeessas malee, nama machaa'aa, nama lola jaallatus hin ta'in! Nama horii jaallatus hin ta'in!

⁴Nama warra mana isaa ba'eessa godhee bulchu, ijoollee isaas ulfina hundumaan abboomamuuf kan guddisu, ta'uun isa irra jira*.

⁵Namni akka itti warra mana isaa bulchu hin beekne immoo, attamitti waldaa Waaqayyoof yaaduu danda'a ree?

⁶Of jajuudhaan afuufamee, firdii isa kanaan dura Seexanatti faradametti akka hin kufnetti, nama dhi'oo amane hin ta'in!

⁷Maqaan isaa badee kiyyoo Seexanaa keessatti akka hin kufnetti, warra alaa biratti maqaa gaarii qabaachuun isaaf in ta'a*.[9]

⁸Diiyaaqonoonni [warri waldaa kristiiyaanaa keessatti gargaartota ta'anis] akkasuma namoota ulfina nama irraa qaban malee, warra arraba lama dubbatan, dhugaatiittis warra gad of dhiisan, karaa dalgaatiin bu'aa argachuu warra jaallatan hin ta'in*!

⁹Yaada garaa qullaa'aadhaan dhoksaa amantiitti qabamanii jiraachuun isaaniif in ta'a*.

¹⁰Isaan duraan dursanii qoramanii ilaalamuun in ta'aaf; ilaalamanii erga waa irraa dhabame haa hojjetan.

¹¹Gargaartonni dubartoonnis warra ulfina nama irraa qaban, warra dhugaatiitti of hin ganne, waan hundumaattis amanamoo haa ta'an malee, warra maqaa namaa balleessan ta'uun irra hin jiru*.

¹²Diiyaaqonoonni, abbaa manaa haadha manaa tokkoo haa ta'an! Ijoollee isaanii, warra mana isaaniis ba'eessa godhanii haa bulchan*!

¹³Diiyaaqonoonni, warri ba'eessa hojjetan ofii isaaniitiif iddoo gaarii, amantii isa Kristos Yesusiin argamu kana keessattis, ija jabina guddaa in argatu*.[10]

¹⁴Ani dafee gara kee akkan dhufu nan abdadha; garuu hammasitti gorsa kana siif caafuu koo ti.

¹⁵Tarii yoo ani tures, namni warra mana Waaqayyoo keessatti amala attamii qabaachuun akka isaaf ta'u, akka beektuuf kun si gargaara; manni kunis waldaa Waaqayyoo jiraataa, isa utubaa fi demdemoo dhugaa ta'ee dha*.[11]

¹⁶Nama Waaqayyoo ta'uu keessa iyyuu dhoksaan guddaan akka jiru amanamaa dha; kanaafis, ?Inni foon uffatee mul'ateera, hafuurichi dhugaa galcheeraaf, ergamoota Waaqayyootti argameera, saba biyya lafaa keessatti lallabameera, guutummaa biyya lafaa keessatti itti amanameera, ulfinaan ol fudhatameera? jedhamee himameera*.[12]