Read west central oromo 1 GARA THIMOTEWOS 4 Bible Online

1 GARA THIMOTEWOS 4 - west central oromo bible

1 GARA THIMOTEWOS 4

¹Bara booddetti namoonni tokko hafuurota wallaalchisoodhaa fi barsiisa hafuurota hamootaa duukaa bu'anii, amantii wangeelaa irraa akka gara galan, hafuurri qulqulluun keessaa baasee in dubbata*.

²Warri sobduun, of-hinargineen, yaadni garaa isaanii diimnaan gubamee milikkita Seexanaa godhate kun, jara kana wallaalchisanii gara galchaniiru*.

³Isaan kun, ?Fuudhuunii fi heerumuun, nyaata akkasii fi akkasii nyaachuun dhowwaa dha? jedhu; Waaqayyo garuu, nyaata adda addaa kana, warri amanan, warri dhugaa beekuu bira ga'anis, galataan fudhatanii akka nyaataniif uume*.

⁴Wanti Waaqayyo uume hundinuu gaarii dha, wanta galataan fudhatamu keessas hirmiin hin jiru*.

⁵Dubbiin Waaqayyoo, kadhannis isa in qulleessa.[13]

⁶Obboloonni kana akka baran yoo goote, Kristos Yesusiif hojjetaa isa ba'eessa in taata; ofii keetiis dubbii amantiitti, barsiisa ba'eessa isa duukaa buute sanattis guddachaa in adeemta*.

⁷Mammaaksa wanta qulqullaa'aadhaan mormu isa dubartoonni dullooman mammaakan hin fudhatin; nama Waaqayyoo ta'uudhaaf of qopheessi*!

⁸Namummaa foonii cimsuuf of qoqqopheessuun wanta muraasaaf nama gargaara; nama Waaqayyoo ta'uudhaaf of qoqqopheessuun garuu, wanta baay'eedhaaf nama gargaara; jireenya ammaaf, isa dhufuufis abdiin isuma keessa jira*.

⁹Dubbichi amanamaa dha, guutummaatti fudhatamuunis in ta'aaf*.

¹⁰Waaqayyo fayyisaa nama hundumaa ti, addumaan immoo fayyisaa amantootaa ti; nuyi abdii keenya Waaqayyo isa jiraataa irra kaa'anneerra; kanaafis kanatti in dadhabna in dhamaanas*.[14]

¹¹Kana hundumaa isaan abboomi, isaan barsiisis!

¹²Dubbii afaan keessaa ba'uun, akka jireenyaatiin, jaalalaan, amantiidhaan, of-qabuudhaanis amantootaaf fakkeenya ta'i! Namni tokko illees ijoollummaa keetiif si hin tuffatin*!

¹³Hamma ani dhufutti immoo, caaffata qulqullaa'aa namootaaf dubbisuutti, gorsuutti, barsiisuuttis of kenni!

¹⁴Sagalee raajii dubbatameen, maanguddoonni harka isaanii mataa kee irra kaa'uudhaanis, kennaa hafuuraa siif kennamee si keessa jiru sana hin dagatin*.

¹⁵Namoonni hundinuu itti guddachaa adeemuu kee akka arganitti, kennaa kanaan hojjedhu! Ittis of gad dhiisi!

¹⁶Ati ofii kee, barsiisa kees eeggadhu, itti jabaadhu! Akkas gochuu keetiin mataa kee, warra si dhaga'anis gara fayyinaatti in geessita*.[15]