Read west central oromo GARA IBROOTAA 13 Bible Online

GARA IBROOTAA 13 - west central oromo bible

GARA IBROOTAA 13

¹Akka obbolootaatti wal jaallachuu keessan itti fufaa*!

²Keessummoota simuu hin dagatinaa! Karaa kanaa namoonni utuu hin beekin ergamoota Waaqayyoo simataniiru*.

³Akka waan ofii isaanii wajjin mana hidhaa keessa jirtaniitti, warra hidhaman yaadadhaa! Akka waan ofii isaanii wajjin miidhamuutti jirtaniitti namoota warra miidhamaa jiran yaadadhaa*![65]

⁴Gaa'elli hundumaa biratti ulfina-qabeessa haa ta'u, ciisichi gaa'elaas hin xureeffamin! Waaqayyo warra halalee fi ejjituutti faraduuf jira*.

⁵Akki jireenya keessanii horiidhaaf sassataa hin ta'in, wanta argattaniin ?Nu ga'a? jedhaa! Waaqayyo, ?Ani matumaa si hin dadhabu, si hin buusus!? jedheera*.

⁶Kanaafis amanannee, ?Gooftaan isa na gargaaruu dha, ani hin sodaadhu; namni maal na gochuu danda'a ree?? in jenna*.[66]

⁷Warra isin geggeessanii, dubbii Waaqayyoo isinitti himanii turan yaadadhaa! Attamitti akka jiraatan akka du'anis, jireenya isaanii keessaa wanta argames ilaalaa, fakkeenya amantii isaanii fudhadhaa duukaa bu'aa*!

⁸Yesus Kristos kaleessa isuma ture, har'as bara baraanis isuma sana*!

⁹Barsiisa garaa garaatiin, barsiisa orma ta'e hundumaanis karaa irraa hin kaachifaminaa! Garaan namaa waa'ee seera wanta nyaatamuuf of eeggachuudhaan utuu hin ta'in, ayyaana Waaqayyootiin jabina argachuun gaarii dha; seerri nyaataa sunoo warra isa eeggataniif iyyuu waa'ee hin baafne*.[67]

¹⁰Nuyi iddoo aarsaa warri godoo sana keessa hojjetan irraa nyaachuun hin kennaminiif qabna*.

¹¹Angafni lubootaa dhiiga horii aarsaaf qalamanii, aarsaa cubbuutiif gara iddoo isa hundumaa irra caalaa qulqulluu sanatti ol in galcha; foon horii sanaa garuu iddoo buufataa keessaa gad baafamee in gubama*.

¹²Yesusis akkasuma dhiiga ofii isaatiin saba qulleessuudhaaf karra mandarichaa duubatti dhiphate*.

¹³Kanaafis kottaa nuyi arrabsoo isa irra ga'e baannee, iddoo buufataa duubatti gara isaa in dhaqnaa*!

¹⁴Nuyi mandaricha isa dhufuuf jiru in eegganna malee, biyya lafaa kanaa mandara dhaabataa hin qabnu*.

¹⁵Egaa kottaa karaa isaa utuu gargar hin kutin, aarsaa galataa Waaqayyoof in dhi'eessinaa! Aarsichis maqaa isaa beeksisuudhaaf wanta afaan keenya keessaa ba'uu dha*.

¹⁶Wanta gaarii gochuu, waan qabdan warra kaaniin ga'uus hin dagatinaa! Waaqayyo aarsaa akkasiitti in gammada*.[68]

¹⁷Geggeessituun keessan akka warra itti gaafatamanii waan hojjetan himuuf jiraniitti, waa'ee lubbuu keessaniif dammaqanii waan yaadaniif, isin isaaniif abboomamaa karaas kennaaf! Kanas gaddaan utuu hin ta'in, gammachuudhaan akka isaan hojjetan godhaa! Isaan gaddaan yoo hojjetan garuu isiniif ba'eessa miti*.[69]

¹⁸Nuyi karaa hundumaa waan gaarii hojjechuuf hawwa waan qabnuuf, yaadni garaa keenyaa akka nu hin ceephaane hubanneerra; isinis nuuf kadhadhaa*!

¹⁹Caalaadhumatti iyyuu ani dafee deebi'ee akkan isiniif kennamuuf, cimsitanii akka kadhattan isinan gorsa![70]

²⁰Ammas Waaqayyo inni nagaa kennu dhiiga kakuu bara baraa sanaan, gooftaa keenya Yesusin, tiksee hoolotaa isa guddicha warra du'an keessaa deebisee fideera*.

²¹Innumti wanta isa gammachiisu karaa Yesus Kristos nu keessatti hojjechuudhaan, jaalala isaa akka gootaniif, waan gaarii hundumaan isin haa qopheessu! Kristosiif baruma baraan ulfinni haa ta'u! Ameen*.[71]

²²Yaa obboloota nana! Ergaa kana gabaabseen isiniif caafe; gorsa koo immoo obsaan akka dhaggeeffattan isin nan kadhadha*.

²³Obboleessi keenya Ximotewosis gad dhiifamuu isaa beekaa! Anis yoo inni dafee dhufe, isaa wajjin dhufee isin nan arga.

²⁴Warra geggeessituu keessan hundumaatti, warra Waaqayyoof qulqullaa'an hundumaattis nagaa keenya nuuf himaa! Obboloonni biyya Ixaaliyaatii dhufan nagaa isiniif in dhaamu*.

²⁵Ayyaanni Waaqayyoo hunduma keessanii wajjin haa ta'u*![72]