Read west central oromo GARA IBROOTAA 4 Bible Online

GARA IBROOTAA 4 - west central oromo bible

GARA IBROOTAA 4

¹Iddoo boqonnaa sanatti galuudhaaf abdichi amma iyyuu waan hin raawwatamin jiruuf, isin keessaa namni tokko illee booddeetti kan hafe fakkaatee akka hin argamnetti, kottaa sodaachaa in eeggannaa!

²Misraachoo isuma nutti himametu isaanittis lallabame; haa ta'u iyyuu malee, isaan warra amantiidhaan dhaga'anitti waan hin dabalaminiif, dubbichi dhaga'ame sun isaan hin gargaarre.

³Ammas nuyi warri amanne iddoo boqonnaa sanatti in galla. Waaqayyo hojii biyya lafaa uumuu isaatii raawwateera; isaaniin garuu, ?Yeroo dheekkamsa koo sanattis ?Isaan matumaa iddoo boqonnaa kootti hin galan? jedhee kakadheera? jedhe*.

⁴Waa'ee guyyaa torbaffaatiif immoo iddoo tokkotti, ?Guyyaa torbaffaatti Waaqayyo hojii isaa hundumaattii boqoteera? jedhameera*.

⁵Yeroo dheekkamsa isaatti immoo, ?Isaan matumaa iddoo boqonnaa kootti hin galan? jedhee dubbateera*.[13]

⁶Amma warri boqonnaa sanatti galuudhaaf abdii qaban jiru; warri duraan misraachoon itti himame sun immoo sababii amanuu didaniif, iddoo boqonnaa sanatti hin galin hafan*.

⁷Kana irrattis immoo Waaqayyo guyyaa ?Har'a? jedhamu tokko in dhaaba; akkuma kanaan dura as keessatti yaadachiifame bara dheeraa booddee karaa Daawit, ?Har'a, sagalee Waaqayyoo yeroo dhageessan, isin mata-jabeeyyii hin ta'inaa!? in jedha*.

⁸Iyaasuun iddoo boqonnaa sanatti utuu isaan galcheera ta'ee, Waaqayyo ergasii waa'ee guyyaa kan biraa hin dubbatu ture*.

⁹Egaa boqonnaan Sanbata Waaqayyoo saba isaatiif amma iyyuu kaa'ameefii jira.

¹⁰Namni boqonnaa Waaqayyootti galu, Waaqayyo hojii isaa irraa akkuma boqote, innis immoo hojii isaa irraa in boqota*.

¹¹Kanaafis namni tokko illee akka warra sanaa abboomamuu diduudhaan kufee akka hin hafnetti, kottaa iddoo boqonnaa sanatti galuudhaaf in dhamaana*![14]

¹²Dubbiin Waaqayyoo jiraataa dha, humna hojjetus of keessaa qaba, billaa gar lamaan qarame caalaa qara qaba; inni lubbuu fi hafuura, buusaa fi dhuka gargar in baasa, yaadaa fi akeeka garaa namaas qoree faraduudhaaf in danda'a*.

¹³Wanti Waaqayyo uume tokko illee isa duraa dhokachuu hin danda'u; wanti hundinuu saaqamaa ija isaa durattis mul'ataa dha; nus waan goone sababii isaa wajjin isatti himuun nu irra jira.[15]

¹⁴Egaa angafa lubootaa isa guddicha bantiiwwan waaqaa keessa darbe, Yesus ilma Waaqayyoo erga qabaannee, beeksisa amantii keenyaa jabeessinee in qabanna*.

¹⁵Cubbuutu irraa dhabame malee, angafa lubootaa isa karaa hundumaan akka keenya qorame qabna; isa dadhabbiin keenya garaa isaa hin rukunne garuu hin qabnu*.

¹⁶Yeroo barbaachisetti akka nu gargaaraniif araara isaa fudhachuudhaaf, ayyaana isaas argachuudhaaf, kottaa ija-jabinaan gara teessoo Waaqayyoo isa ayyaanaan guututti in dhi'aanna*.[16]