Read west central oromo GARA IBROOTAA 6 Bible Online

GARA IBROOTAA 6 - west central oromo bible

GARA IBROOTAA 6

¹Kanaafis kottaa dubbii waa'ee Kristos isa gara jalqabaa dubbachuu dhiifne, gara barsiisa isa warra ga'aniif kennamuutti in darbina. Nuyi waa'ee hojii gara du'aatti geessu irraa yaada garaa geddarachuu, waa'ee Waaqayyotti amanuus deebinee hundee barsiisichaa kaa'uuf miti*.

²Barsiisa waa'ee cuupphaa, waa'ee harka mataa namaa irra kaa'uu, waa'ee ka'uu warra du'anii, waa'ee firdii bara baraa keessa hin deebinu.

³Yoo Waaqayyo jedhes, nuyi isa kaanitti darbuuf jirra.[21]

⁴Warri ga'an yoo garagalan immoo, attamitti isaan deebisuun danda'ama ree? Isaaniif takka ifeeraaf; isaan kennaa waaqa irraa miyeeffataniiru; hafuura qulqulluuttii hirmaataniiru.

⁵Gaarummaan dubbii Waaqayyoof humni bara isa dhufuuf jiruu isaanitti dhaga'ameera.

⁶Warri akkasii kun amantii irraa garagallaan, deebi'anii yaada garaa isaanii geddarachuudhaaf haareffamuu hin danda'an; isaan ofuma isaaniitii ilma Waaqayyoo deebisanii fannisaniiru, mul'inattis isa tuffachiisaniiru*.[22]

⁷Lafti bokkaa yeroo baay'ee irratti roobu dhugee, biqiltuu warra qotameefiif waa'ee baasu biqilchu, eebba Waaqayyoo in argata*.

⁸Qoraattii fi baalaanwaraantee yoo baase garuu, abaaramuuf jedha malee, homaa dhimma hin baasu, dhuma irrattis in gubama*.[23]

⁹Nuyi yoo akkas dubbanne iyyuu, michoota nana, isiniif wanti wayyu fayyina keessanii wajjin akka dhufu in amananna.

¹⁰Waaqayyo hojii keessanii fi isa jaallachuu keessan isa isin warra isaaf qulqullaa'an gargaartanii, ammas gargaaruutti jiraachuu keessaniin argisiiftan hin irraanfatu, hin jal'isus*.

¹¹Isinis abdichi guutummaan isaa kan hin mamsiifne ta'uu isaa beektanii, tokkon tokkon keessan isumaaf dhimmuu keessan hamma dhumaatti akka argisiiftan in barbaanna*.

¹²Isin daagii utuu hin ta'in, fakkeenya warra amantii fi obsaan wanta abdachiifame argachuuf jiranii akka fudhattan in barbaanna*.[24]

¹³Waaqayyo, Abrahaamiif kakate abdii kenneef; ittiin kakachuudhaaf kan isa irra caalu waan hin jirreef, ofii isaatiin kakate.

¹⁴Abdichi inni kakaadhaan kennames, ?Ani dhuguma sin eebbisa, dhuguma sin baay'isas? kan jedhu ture*.

¹⁵Abrahaamis akka kanaatti obsee waan Waaqayyo isa abdachiise argate*.

¹⁶Namoonni kan isaan irra caaluun in kakatu; kakaan immoo wanta namni walitti falmu dhumaan ga'ee, dubbii dubbatame cimsuudhaaf in ta'a*.

¹⁷Waaqayyo akeeki isaa kan hin geddaramne ta'uu isaa, addumaan warra wanta abdachiifame argachuuf jiranitti argisiisuu barbaadee, kakaadhaan isa cimse.

¹⁸Waaqayyo, abdii fi kakaa hin geddaramne sobnis keessa hin jirre kana lamaaniin jajjabina cimaa akka argannu barbaade; nuyi warri isatti baqanne abdii isa nu dura kaa'ame kana jabeessinee in qabanna*.

¹⁹Akka qofoon sibiilaa markaba qabee dhaabu, nuyis abdii amanamaadhaa fi cimaa lubbuun qabatee dhaabatu qabna; inni iddoo hundumaa irra caalaa qulqulluu gara isa keessaa iyyuu in ga'a*.

²⁰Iddoon sun isa Yesus inni akkuma lubummaa Malkiisedeqitti bara baraan angafa lubootaa ta'e, dura adeemee nuuf lixee dha*.[25]