Read west central oromo ERGAA YAAQOOB 4 Bible Online

ERGAA YAAQOOB 4 - west central oromo bible

ERGAA YAAQOOB 4

¹Wal loluu, wal qoccoluus maaltu isin gidduutti kaase? Kajeellaa keessan isa bu'aa dhagna keessanii keessatti wal loluutu kana kaasa mitii ree*?

²Waa kajeeltu malee, hin qabaattan; waan namaa hawwitanii ajjeesuuf in kaatu, garuu isa hawwitan argachuu hin dandeessan. Nama qoccoltu, nama loltus, kanaanis hin argattan; Waaqayyoon kadhachuu waan dhiiftaniif, wanta barbaaddan qabaachuu dadhabdan.

³Yoo kadhattan immoo, yaada hamaadhaan waan kadhattaniif hin fudhattan; isin kajeellaa keessan itti ba'uudhaaf yaaddanii in kadhattu.[21]

⁴Isin namoota gara gaggaltuu nana! Biyya lafaatti michoomuun diina Waaqayyoo akka nama godhu hin beektanii ree? Namni michuu biyya lafaa ta'uu barbaadu, diina Waaqayyoo of in godha*.

⁵Yookiis caaffanni qulqullaa'aan, ?Waaqayyo, hawwa hinaaffaatiin hafuura isa nu keessa kaa'e duukaa bu'aa jira? yommuu jedhu, akkasumaan kan dubbatu isinitti fakkaataa ree*?

⁶Inni ayyaana isa caalu immoo in kenna; kanaaf caaffanni qulqullaa'aan, ?Waaqayyo warra kooraan ol of qabaniin in morma; warra gad of deebisaniif garuu ayyaana in kenna? in jedha*.[22]

⁷Yoos harka Waaqayyoo jala of galchaa; Seexanaan immoo mormaa! Innis isin dhiisee in baqata*.

⁸Waaqayyootti dhi'aadhaa, innis isinitti in dhi'aata. Isin warri cubbamoonni, harka keessan qulleeffadhaa. Isin warri garaa walaallammii, garaa keessan qulqulleeffadhaa*!

⁹Akka gadadamtan beekaatii, gaddaa, boo'aa! Kolfi keessan boo'ichatti, gammachuun keessan gaddatti haa diddiiramu*!

¹⁰Goofticha duratti gad of deebisaa, inni ol isin in qaba*.[23]

¹¹Wal hin hammeessinaa obboloota ko! Namni obboleessa tokko hammeessu yookiis obboleessa isaatti faradu, seericha hammeessuu isaa ti, seerichattis faraduu isaa ti. Ati seerichatti yoo faraddee immoo, seericha irratti abbaa firdii ta'uu kee ti malee, nama seericha hojii irra oolchu ta'uu kee miti*.

¹²Inni seera tumu, inni firdii kennus isuma tokkicha sana; inni oolchuu, balleessuus in danda'a; ati inni nama akka keetiitti faraddu immoo eenyu ree*?[24]

¹³Isin warra, ?Har'a yookiis bor mandara akkasii fi akkasii dhaqnee waggaa tokko achi in teenya, in naganna, in buufannas? jettanitti waanan dubbadhu qaba*.

¹⁴Isin waan bor ta'uuf jiru, jireenyi keessanis attam akka ta'u hin beektan; isin akka hurrii yeroo muraasaaf argamee deebi'ee dhabamuu ti*.

¹⁵Kanaa mannaa, ?Gooftaan yoo jedhe in jiraanna, kana yookiis sana in goonas? jechuutu isiniif ta'a ture*.

¹⁶Amma garuu waan guddaa of se'uu keessaniin isin of in jaju; of jajuun akkasii kun hundinuu hamaa dha.

¹⁷Namni wanta gaarii hojjechuu beeku, wanta gaarii sana yoo hojjechuu dhiise, cubbuu itti in ta'a*.[25]