Read west central oromo Macaafa Abboota Firdii 10 Bible Online

Macaafa Abboota Firdii 10 - west central oromo bible

Macaafa Abboota Firdii 10

¹Abiimelek erga du'ee booddee Israa'elin rakkina keessaa oolchuudhaaf tolaa ilma Phuwaa Dodootu ka'e; inni nama sanyii Yisaakor, biyya gaaraa isa kan Efreem keessaa iddoo ?Shaamiir? jedhamu jiraata ture*.

²Tolaan waggaa digdamii sadiif Israa'elin in geggeesse; kana booddee du'ee Shaamiiritti in awwaalame.[45]

³Tolaan erga du'ee booddee, Yaa'iir namni sanyii Giil'aad ka'ee Israa'elin waggaa digdamii lamaaf in geggeesse*.

⁴Yaa'iir ilmaan soddoma qaba ture; isaan immoo harroota soddoma yaabbatanii kan adeemanii dha; Giil'aad keessaa mandaroota soddoma warra hamma har'aatti iyyuu ?Mandaroota Yaa'iir? jedhamanii waamaman qabu turan*.

⁵Yaa'iiris du'ee iddoo ?Qaamon? jedhamu tokkotti in awwaalame.[46]

⁶Israa'eloonni ammas Waaqayyoon dhiisanii Ba'aalii fi Ashtaarotiif akkasumas waaqayyolii Aaramiif, waaqayyolii Sidoonii fi Mo'aabiif, waaqayyolii Amoonotaa fi kan Filisxeemotaaf sagaduu isaaniitiin Waaqayyo duratti waan hamaa hojjetan; isaaf garuu hin hojjenne.

⁷Kanaaf Waaqayyo dheekkamsa isaa isaan irratti bobeessee harka warra Filisxeemotaa fi warra Amoon jala isaan galche.

⁸Isaan immoo waggaadhuma sanaa jalqabanii, waggaa kudha saddeetiif Israa'eloota warra laga Yordaanos irraa gara ba'a-biiftuu Giil'aad biyya warra Amoorotaa keessa jiraatan hundumaa gad cabsanii isaan in cunqursan.

⁹Warri Amoon yommuu gosa Yihudaa, gosa Benyaamiinii fi sanyii Efreem loluudhaaf laga Yordaanos ce'anitti, Israa'eloonni guddaa in dhiphatan.

¹⁰Yommus Israa'eloonni gara Waaqayyotti iyyanii, ?Si Waaqayyo keenya dhiifnee Ba'aal waaqayyolii tolfamoodhaaf sagaduu keenyaan si duratti cubbuu hojjenneerra? jedhan*.

¹¹Waaqayyo immoo deebiseefii, ?Ani warra Gibxii, warra Amoonii fi warra Filisxeem jalaa isin baaseera mitii ree?

¹²Warri Sidoon, warri Amaaleqii fi warri Maa'on yommuu isin cunqursan, isin gara kootti in iyyattan, ani immoo isin nan oolche.

¹³Amma garuu sababii isin ana dhiiftanii waaqayyolii ormaaf sagaddaniif, anis deebi'ee isin hin oolchu.

¹⁴Dhaqaatii waaqayyolii warra fo'attan sanatti iyyadhaa! Isaan gidiraa keessaa isin haa oolchan!? jedheen*.

¹⁵Israa'eloonni immoo Waaqayyoon, ?Nuyi cubbuu hojjenneerra; ati waanuma gaarii ta'ee sitti mul'atte nu irratti hojjedhu! Miilanaaf garuu hadaraa nu oolchi!? jedhan.

¹⁶Kana booddee waaqayyolii ormaa of gidduudhaa baasanii Waaqayyoof in hojjetan; Waaqayyo immoo rakkina Israa'el irra ga'e kanaaf in gadde*.[47]

¹⁷Warri Amoon lolaaf walitti waamamanii Giil'aad keessa buufannaan, Israa'eloonni walitti qabamanii mandara Miisphaa keessa buufatan.

¹⁸Gurguddoonni warra Giil'aadis walii isaaniitiin, ?Nu keessaa namni duraan dursee Amoonota loluu jalqabu, warra Giil'aad keessa jiraatan hundumaa irratti dura-buutuu haa ta'u!? jedhan*.[48]