Read west central oromo Macaafa Abboota Firdii 17 Bible Online

Macaafa Abboota Firdii 17 - west central oromo bible

Macaafa Abboota Firdii 17

¹Biyya gaaraa isa kan Efreem keessa namni maqaan isaa ?Miikaa? jedhamu tokko ture.

²Yommus inni haadha isaatiin, ?Meetiin kumni tokkoo fi dhibbi tokko si duraa hatamnaan, nama si duraa hate abaaruu kee si irraa dhaga'eera; kunoo, meetii kana anatu fuudhe, amma iyyuu ana bira jira? jedhe; haati isaas, ?Yaa ilma ko, Waaqayyo si haa eebbisu!? jetteen*.

³Achumaan inni meetii kuma tokkoo fi dhibba tokkon sana deebisee haadha isaatti in fide; haati isaa immoo, ?Abaarsi koo si mucaa koo irra akka hin geenyetti meetii kana maqaa keetiin Waaqayyoof addaan nan baasa; meeticha siif deebisee bifa fakkeenyaas muka irraa soofsisee, meetii isa irratti nan uffisiisa? jette*.

⁴Miikaan meeticha deebisee haadha isaatti kenninaan, isheen meeticha irraa dhibba lama fuutee nama meetii baqsutti in kennite; namichis bifa fakkeenyaa muka irraa qirixee meetii irratti uffise; bifni fakkeenyaa sunis mana Miikaa keessa in kaa'ame.

⁵Akkasitti Miikaan waaqayyolii isaatiif galma godhatee dirata fuula duraaf bifa waaqayyolii qopheessisee, ilmaan isaa keessaa tokko luba akka isaaf ta'uuf hojii irra isa in dhaabe*.

⁶Yeroo sana sabni Israa'el mootii waan hin qabneef, namni hundinuu waanuma qajeelaa isatti fakkaatu in hojjeta ture*.[73]

⁷Yommus dargaggeessi sanyii Lewwii tokko Betlihem biyya Yihudaa keessa Yihudoota gidduu galaa ta'ee in jiraata ture*.

⁸Inni iddoo itti galaa ta'ee hojjetu barbaaddachuudhaaf mandara Betlihem biyya Yihudaatii ba'ee, gara biyya gaaraa isa kan Efreem keessaa gara mana Miikaa in dhufe.

⁹Yommus Miikaan, ?Eessaa dhufte?? jedhee isa gaafate; inni immoo, ?Ani nama sanyii Lewwii ti; iddoon itti galaa ta'ee jiraadhu barbaaddachuudhaafan Betlihem Yihudaatii dhufe? jedhe.

¹⁰Miikaan deebisee, ?Ana bira taa'i! Abbaadhaa fi luba anaaf ta'i! Ani immoo nyaataa fi uffata, waggaattis meetii kudhan siif nan kenna? jedheen; innis kanatti in gale.

¹¹Dargaggeessichi sanyii Lewwii sun Miikaa bira taa'uu in jaallate; namichis ilmaan isaa keessaa akka isa tokkootti isa in ilaale.

¹²Miikaan akkasitti dargaggeessicha Lewwii sana hojii lubummaa irra in dhaabe; inni immoo luba ta'ee mana Miikaa in taa'e*.

¹³Yommus Miikaan, ?Namni Lewwii luba erga anaaf ta'ee, Waaqayyo amma waan gaarii akka anaaf godhu nan beeka? jedhe.[74]