Read west central oromo Macaafa Abboota Firdii 21 Bible Online

Macaafa Abboota Firdii 21 - west central oromo bible

Macaafa Abboota Firdii 21

¹Ergasii namoonni Israa'el iddoo Miisphaa jedhamutti wal ga'anii, ?Nu keessaa namni tokko illee intala isaa ilmaan gosa Benyaamiinitti hin heerumsiisu? jedhanii waliif in kakatan*.

²Sabni sun gara Bet'el dhaqanii, hamma galgalaatti achi taa'anii, Waaqayyo duratti sagalee guddaadhaan boo'icha jabaa isaa boo'anii*,

³?Yaa Waaqayyo goofticha Israa'el! Wanti kun maaliif Israa'el irra ga'e? Maaliifis har'a Israa'el keessaa gosi tokko dhabame?? jedhan.[90]

⁴Borumtaas jarri bariidhaan ka'anii, achitti iddoo aarsaa ijaaranii, qalma gubamuu fi qalma araaraa in dhi'eessan.

⁵Israa'eloonni, ?Namni Miisphaatti fuula Waaqayyoo duratti hin argamin hafe raawwatee haa ajjeefamu!? jedhanii, cimsanii kakatanii turan; kana irratti, ?Gosoota keenya hundumaa keessaa wal ga'ii fuula Waaqayyoo duratti ta'e kana keessatti kan hin argamin eenyufa'i?? jedhanii wal gaafatan.

⁶Yommus Israa'eloonni, ?Har'a gosi tokko nu gidduudhaa in balleeffame!? jedhanii, gosa obboleessa isaanii Benyaamiiniif in gaddan.

⁷Kanaafis, ?Nuyi durboota keenya gosa Benyaamiinitti akka hin heerumsiifne maqaa Waaqayyootiin kakanneerra, egaa amma warra hafan kana eessaa fuusifna ree?? jedhan.

⁸Ammas Israa'eloonni, ?Gosoota keenya keessaa Miisphaatti ol ba'ee Waaqayyo duratti kan hin argamin eenyu?? jedhanii wal gaafatan; kunoos wal ga'ichaaf namni tokko illee Yaabesh-Giil'aadii gara buufata sanaa kan dhufe hin turre.

⁹Namoonni yeroo to'atamanitti namni Yaabesh-Giil'aadii dhufe tokko illee hin turre.

¹⁰Kanaaf waldichi namoota isaa warra jajjaboo keessaa kuma kudha lama itti ergee, ?Gara Yaabesh-Giil'aad dhaqaatii warra achi jiraatan dubartootaa fi ijoollota iyyuu utuu hin dhiisin billaadhaan rukutaa!

¹¹Egaa wanti isin gootan dhiirota hundumaa, dubartoota dhiirri bira ga'e hundumaas raawwattanii balleessuu dha!? jedhe in abboome.

¹²Yommus isaan namoota Yaabesh-Giil'aad keessa jiraatan hundumaa keessaa durboota dhiirri isaan bira ga'ee hin beekne dhibba afur argatanii, Shiiloo iddoo buufata isaanii isa biyya Kana'aan keessa jirutti in geessan*.[91]

¹³Kana booddee guutummaan waldichaa namoota Benyaamiin warra dhagaa Rimoon keessa turanitti ergee, nagaan akka bu'e itti himsiise*.

¹⁴Yeroo sanatti namoonni Benyaamiin gara iddoo isaaniitti in deebi'an; warri Israa'elis durboota Yaabesh-Giil'aad keessaa baraaramanii dhufan isaanitti in heerumsiisan; durboonni sun garuu wal isaan hin geenye.[92]

¹⁵Waaqayyo gosoota Israa'el keessaa tokko cabsee waan hir'iseef, sabni Israa'el gosa Benyaamiiniif in gaddan*.

¹⁶Ergasii maanguddoonni waldichaa, ?Gosa Benyaamiin keessaa dubartoonni badduu ba'aniiru; egaa warra hafan kana eessaa fidnee fuusifnu ree?

¹⁷Gosi tokko raawwatee Israa'el keessaa akka hin badnetti, dhaalli gosa Benyaamiin hambaa gosa isaatiif haa ta'u!

¹⁸Haa ta'u iyyuu malee, namoonni keenya, ?Nu keessaa namni intala isaa gosa Benyaamiinitti heerumsiise abaaramaa haa ta'u!? jedhanii waan kakataniif, nuyi durboota keenya isaanitti heerumsiisuu hin dandeenyu*.

¹⁹Kunoo, Shiiloo isa Bet'el irraa gara bitaatti karaa Bet'elii gara Sheekemitti geessu irraa gara ba'a-biiftuutti, Lebonaa irraa immoo gara mirgaatti argamu keessatti ayyaanni waggaa waggaatti Waaqayyoof ayyaaneffamu in ta'a? jedhan*.

²⁰Itti dabalanii namoota Benyaamiiniin, ?Dhaqaa! Dhaabaa waynii keessa riphaatii eeggadhaa!

²¹Yommuu durboonni Shiiloo lafa ayyaanichaatti sirbaaf gad ba'an eegaatii, iddoo dhaabaa waynichaatii ba'aa, durba tokko tokko butaa! Fudhadhaatii gara biyya Benyaamiin dhaqaa!

²²Abboonni isaanii yookiis obboloonni isaanii dhufanii yoo nutti himatan, ?Nuyi immoo yeroo lolaatti hunduma isaanii fuusisuuf durba hin arganne; ammas immoo isin waan itti hin heerumsiisiniif yakka isinitti hin ta'u; kanaaf nuuf jedhaatii faara tolaadhaan jara kana ilaalaa!? ittiin in jenna? jedhan.

²³Warri Benyaamiin akkuma isaan jedhan in godhan; durboota warra sirbituu sana keessaas tokko tokko butanii gara biyya dhaala isaaniitti in deebi'an; mandarootas deebisanii ijaaranii keessa in taa'an.[93]

²⁴Yeroo sanatti namoonni Israa'el achii ba'anii adduma addaan gara gosa gosa isaanii fi gara qomoo qomoo isaanii in dhaqan; akkasittis hundinuu gara dhaala isaaniitti in deebi'an.

²⁵Yeroo sanatti sabni Israa'el mootii waan hin qabneef, namni hundinuu waanuma qajeelaa isatti fakkaatu in hojjeta ture*.[94]