Read west central oromo MUL'ATA YOHANNIS 10 Bible Online

MUL'ATA YOHANNIS 10 - west central oromo bible

MUL'ATA YOHANNIS 10

¹Ergasii immoo ergamaan aango-qabeessi biraa tokko waaqa keessaa utuu gad bu'uu nan arge. Inni duumessa ofitti maree, naannoo mataa isaattis sabbata Waaqayyoo qaba ture; fuulli isaa akka biiftuu in calaqqisa, miillan isaas akka utuboota ibiddaa turan*.

²Inni macaafa maramu xinnaa banamaa isaa of harkaa qaba ture; miilla isaa mirgaa galaana irra, miilla isaa bitaas lafa gogaa irra in kaa'ate*;

³sagalee guddaa akka sagalee leenca aaduutiinis in iyye. Yeroo inni iyye sanatti kakawween torban sagalee isaanii in dhageessisan*.

⁴Akkuma isaan dubbataniin, ani waan isaan jedhan caafuufan ture; garuu sagalee waaqa keessaa, ?Wanta kakawween torban dubbatan cufii garaatti qabadhu malee, hin caafin!? jedhu nan dhaga'e*.[52]

⁵Ergamaan inni ani galaana irra, lafa gogaa irras dhaabatee arge sun, harka isaa mirgaa gara waaqaatti ol qabe.

⁶Maqaa isa baraa hamma bara baraatti jiraatu, isa waaqa, wanta isa keessa jirus, lafa, wanta isa keessa jirus, galaana, wanta isa keessa jirus, uume sanaan kakatee, ?Si'achi lafa irra harkisuun hin jiru*;

⁷bara malakanni inni torbaffaan afuufamutti garuu, wanti Waaqayyo dhoksaatti akeeke, akkuma inni raajota hojjetoota isaatti himee ture sanatti, raawwatamuuf jira? jedhe*.[53]

⁸Yommus sagaleen inni duraan waaqa irraa anatti dubbachuu isaa dhaga'e sun, deebisee anatti dubbatee, ?Dhaqiitii macaafa maramu isa banamaa, ergamaa isa miilla tokkoon galaana irra, miilla tokkoon lafa gogaa irra dhaabate sana harkaa fudhadhu!? naan jedhe.

⁹Ani yommus gara ergamichaa dhaqeen, macaafa maramu isa xinnaa sana anaaf akka kennuuf nan gaafadhe. Inni immoo, ?Macaaficha fudhadhu, nyaadhu! Inni garaa kee hadhaa'aa in godha, afaan kee keessatti immoo miyaa'aa akka dammaa in ta'a? naan jedhe*.

¹⁰Kanaaf ani macaafa maramu isa xinnaa sana harka ergamichaa keessaa fuudhee nan yaadhe; inni afaan koo keessatti akka dammaa miyaa'aa ture; ergan isa nyaadhee booddee garuu garaan koo hadhaa'aa ta'e.

¹¹Akkasumas, ?Ati waa'ee namoota baay'ee, saba baay'ee, afaan baay'ee, mootota baay'ee raajii dubbachuun si irra jira? jedhamee anatti himame*.[54]