Read west central oromo MUL'ATA YOHANNIS 17 Bible Online

MUL'ATA YOHANNIS 17 - west central oromo bible

MUL'ATA YOHANNIS 17

¹Kana booddee ergamoota torban waciitii torba qaban sana keessaa inni tokko dhufee anatti dubbatee, ?Kottu! Firdii ejjituu ishee guddittii, mandara bishaanota baay'ee irratti ijaaramte sanaa, sitti nan argisiisaa*!

²Mootonni biyya lafaa kanaa ishee wajjin ejjaniiru, daadhii waynii halalummaa isheetiinis warri lafa irra jiraatan machaa'aniiru? jedhe*.

³Hafuuraanis ol na fuudhee gara lafa onaatti na geesse; achittis dubartii bineensa bildiimaa tokko irra teessu nan arge. Maqaan ulfinaa, Waaqayyoon arrabsuudhaaf kennaman isa irra guutanii turan; innis mataa torbaa fi gaanfa kudhan qaba ture*.

⁴Dubartittiin uffata dhiilgee, diimaa biluus uffattee, warqee, dhagaa fi callee gati-jabeeyyii naqattee, kubbayyaa warqee wanta ciiggaasisaadhaa fi xuraa'ummaa halalummaa isheetiin guute, harkatti qabattee turte*.

⁵Maqaan dhokataan, ?Baabilon guddittii, haadha ejjitootaa fi wanta ciiggaasisaa biyya lafaa? jedhu tokko immoo adda isheetti caafamee ture*.

⁶Akkasumas dubartittiin dhiiga warra Waaqayyoof qulqullaa'aniitiin, dhiiga warra Yesusiif dhugaa ba'uu isaaniitiif ajjeefamaniitiinis machooftee nan arge; yeroon ishee arges guddisee nan dinqisiifadhe*.[89]

⁷Garuu ergamichi anaan, ?Maaliif dinqisiifatta? Dhoksaa dubartittii, kan bineensicha ishee baatuu, isa mataa torbaa fi gaanfa kudhan qabuu, sitti himuufan jira.

⁸Bineensi ati argite sun, takka jiraataa ture, amma immoo hin jiru; iddoo lafa jalaa keessaa ol ba'uuf jira, booddee immoo gara badiisaa in dhaqa. Sababii inni takka jiraataa turee, amma immoo hin jirreef, deebi'ee immoo argamuuf jiruuf, warri biyya lafaa irra jiraatan, warri uumamuu biyya lafaatii jalqabee maqaan isaanii macaafa warra jireenya argachuuf jiranii keessatti hin caafamin, bineensicha arganii raajeffachuuf jiru*.[90]

⁹?Kun sammuu ogummaa qabu in barbaada; mataan torban tulloota torban dubartittiin irra teessuu dha; akkasumas mataan torban mootota torba*.

¹⁰Isaan keessaa shan kufaniiru, tokko jira, inni tokko immoo amma illee hin kaane; yommuu ka'u immoo yeroo gabaabduu duwwaadhaaf turuun isa irra jira.

¹¹Bineensichi inni takka jiraataa ture amma hin jirre immoo, saddeetaffaa dha; garuu warruma torban sana keessa ture, inni gara badiisaa in dhaqa.

¹²Gaanfonni kurnan ati argite immoo, mootota kudhan warra kanaan dura mootummaa hin fudhatinii dha; garuu isaan bineensichaa wajjin sa'aatii tokkittiidhaaf akka moototaatti aboo fudhachuudhaaf jedhu*.

¹³Isaan kun yaada tokkicha qabu, humna isaanii fi aboo isaanii dabarsanii bineensichatti in kennu.

¹⁴Isaan hoolichatti lola in kaasu; hoolichi garuu gooftaa gooftotaa, mootii moototaas waan ta'eef, isaan in mo'a; warri isaa wajjin jiranis warra waamaman, warra fo'aman, warra amanamanii dhas? jedhe*.[91]

¹⁵Itti dabalees ergamichi anaan, ?Bishaanonni ati iddoo isheen ejjituun teessutti argite immoo, nama baay'ee dha, tuuta baay'ee dha, saba baay'ee dha afaan baay'ee dhas*.

¹⁶Gaanfonni kurnan ati argite, bineensichis ishee ejjituu sana jibbuuf jiru; isaan onsanii qullaatti ishee in hambisu; isaan foon ishee in nyaatu, ibiddaanis ishee in gubu*.

¹⁷Isaan hamma dubbiin Waaqayyoo raawwatamutti warra yaada tokko ta'uudhaan, mootummaa isaanii dabarsanii bineensichatti kennuudhaanis, akeeka Waaqayyoo hojii irra akka oolchaniif, inni kana garaa isaanii keessa kaa'eera.

¹⁸Dubartittiin ati argite immoo, mandara guddittii ishee mootota lafaa irratti mootummaa qabduu dha? jedhe.[92]