Read west central oromo MUL'ATA YOHANNIS 4 Bible Online

MUL'ATA YOHANNIS 4 - west central oromo bible

MUL'ATA YOHANNIS 4

¹Kana booddees ani ilaaleen, waaqa keessatti balbala banamaa tokko arge. Sagaleen inni dura akka malakataatti anatti dubbannaan dhaga'ee ture tokko, ?As ol kottu, ani immoo wanta kana booddee ta'uun irra jiru sittan argisiisaa!? jedhe*.

²Achumaanis ani hafuuraan nan guutame; kunoo, teessoon tokko waaqa keessa kaa'amee, tokkos teessoo sana irra taa'ee ture*.

³Inni teessoo sana irra taa'es akka dhagoota Yaasphisii fi Saardiyon warra gati-jabeeyyii, calaqqisee in mul'ata ture; naannoo teessichaas sabbata Waaqayyoo isa dhagaa gati-jabeessa Simaaragidos jedhamu fakkaatutu ture*.

⁴Teessichatti naanna'anii teessoowwan digdamii afur, isaan irras maanguddoonni digdamii afur taa'anii turan; maanguddoonni kun immoo uffata adaadii uffatanii, mataattis gonfoowwan warqee kaa'atanii turan*.

⁵Teessicha biraa immoo balaqqeessi bakakkaa, sagaleen kakawwee, sagaleen biraas in ba'u turan; teessicha fuula duratti gucci ibiddaa torba in boba'u turan; isaan kun hafuurota Waaqayyoof hojjetan torbanii dha*.

⁶Akkasumas fuula teessichaa dura wanti tokko afamee ture; wanti afame sun immoo akka galaana isa of-ilaalee fakkaatee keessaan waa argamuu, akka cabbiis qullaa'aa ture.[25] Naannoo teessichaa bukkee garasii fi garanaa uumamni lubbuu qaban afur turan; isaan fuula duraa fi dugda duubaan ija baay'ee qabu turan*.

⁷Uumamni lubbuu qabu sun inni duraa leenca in fakkaata ture. Uumamni lubbuu qabu inni lammaffaan tuntunoo in fakkaata ture; uumamni lubbuu qabu inni sadaffaan fuula namaa kan fakkaatu qaba ture; uumamni lubbuu qabu inni afuraffaan joobira balali'u in fakkaata ture*.

⁸Tokkon tokkon uumama lubbuu qaban arfan kanaa immoo, baallee ja'a ja'a qaba; iji isaas keessaa fi duubaan naanna'ee wal in ga'a. Halkanii fi guyyaas utuu aara hin galfatin, ?Waaqayyo gooftichi inni hundumaa danda'u, inni ture, inni amma jiru, inni dhufuuf jirus, qulqulluu dha, qulqulluu dha, qulqulluu dha!? jedhanii in faarfatu*.[26]

⁹Uumamni lubbuu qaban kun isa teessoo irra taa'e, isa bara baraan jiraatu sanaaf guddina, ulfina, galatas in dhi'eessu*.

¹⁰Yeroo kanattis maanguddoonni digdamii arfan, isa teessoo irra taa'e, isa bara baraan jiraatu sanaaf gombifamanii in sagadu; gonfoowwan isaaniis teessicha duratti gatanii in faarfatu*.

¹¹Yommus, ?Ati waan hundumaa waan uumteef, isaanis jaalala keetiin waan uumamaniif, waan jiraataniif, gooftaa keenyaa! Waaqayyo keenyaa! Guddina, ulfina, aangoos fudhachuun siif in ta'a? in jedhu*.[27]