Read west central oromo Macaafa Ruut 2 Bible Online

Macaafa Ruut 2 - west central oromo bible

Macaafa Ruut 2

¹Naa'omiin lammii abbaa manaa isheetii kan ta'e aantii tokko qabdi turte; inni qomoo Eliimelek keessaa nama guddaa fi jabaa tokko ture, maqaan isaas ?Boaz? jedhama*.

²Gaaf tokko Ruut isheen biyya Mo'aab Naa'omiidhaan, ?Ka'een lafa maasiin jiru dhaqee abbaa faara anaaf tole biraa qarmii bu'adha? jette; amaatiin ishees, ?Dhaqi intala ko? jetteen*.

³Ruut kana irratti baatee gara maasii tokkoo dhaqxee, warra midhaan haaman biraa qarmii bu'atte; akkuma ayyaana isheetii immoo maasiin sun hirmaata Boaz isa qomoo Eliimelek sanaa ta'ee argame.[4]

⁴Kana gidduutti Boaz Betlihemii dhufee warra midhaan haamaniin, ?Waaqayyo isin bira haa jiraatu!? jedhee nagaa isaaniif dhi'eesse; isaanis, ?Waaqayyo si haa eebbisu!? jedhaniin.

⁵Boaz immoo, ?Intalli kun kan eenyuu ti?? jedhee naa'oo isaa isa warra midhaan haaman kana irratti aboon kennameef in gaafate.

⁶Naa'ichi inni warra midhaan haaman sana irratti aboon kennameef deebisee, ?Isheenoo intala ishee Naa'omii wajjin biyya Mo'aabii dhuftee dha;

⁷isheen, ?Hadaraa, qarmii nan bu'adha, warra midhaan haaman booddeedhaanis bissii bissii gidduudhaa nan funaannadha? jettee kadhatte; isa dhuftes ganamaa jalqabdee hamma ammaatti utuu gad hin taa'in, reefuu xinnoo ishee aara galfatti? jedhe.

⁸Boaz yommus Ruutiin, ?Mee dhaggeeffadhu intalo! Qarmii bu'achuudhaaf gara maasii biraa dhaquu si hin barbaachisu, asii hin adeemin! Dubartoota maasii koo keessa hojjetan biraas hin hafin!

⁹Maasii isaan keessaa midhaan haaman ijaan qabi, isaan duukaa dhaqi, hojjetoonnis akka si hin tuqneef kunoo ani abboomeera; yommuu dheebottus gara qodaa bishaanii dhaqii isa hojjetoonni waraaban dhugi!? jedhe.

¹⁰Ruut kana irratti lafa geessee qoommaatee Boaziin, ?Attamitti akkas faara anaaf tolte, ana ishee ormas akka firaatti na ilaalte?? jette.

¹¹Boaz immoo deebisee Ruutiin, ?Erga abbaan manaa kee du'ee wanti ati amaatii keef goote hundinuu, tokko tokkoon anatti himameera; attamitti abbaa kee fi haadha kee, biyya itti dhalattes dhiiftee, gara saba dur hin beeknee akka ati dhufte dhaga'eera*.

¹²Gocha keetiif Waaqayyo waan gaarii siif haa deebisu, gatiin kees Waaqayyo gooftaa Israa'el, isa ati bobaa isaa jalatti kooluu galte biraa waan gaariidhaan siif haa guutu!? jedhe.

¹³Isheen yommus, ?Ati faara anaaf tolteetta gooftaa ko; ani illee hojjetoota kee keessaa hamma ishee tokkoo iyyuu hin ga'u, ati garuu na jajjabeessitee, waan hojjettuu kee garaa ciibsu dubbatteetta? jette.[5]

¹⁴Yeroo itti guceedhaaf taa'anittis Boaz Ruutiin, ?As dhi'aadhu, buddeenas cabsadhu, cuunfaa waynii isa dhangaggaa'e kanattis cuuphadhu!? jedhe; isheenis warra midhaan haaman bukkeedhaan in teesse; Boaz immoo akaayii itti qabe; isheenis isa fudhattee nyaattee, quuftee, irraa hafes.

¹⁵Kana booddee isheen kaatee qarmii bu'achuutti deebite; Boaz immoo hojjetoota isaatiin, ?Bissii bissii gidduudhaa iyyuu haa bu'attu ishee hin rifaasisinaa!

¹⁶Kana malee iyyuu isheen haa bu'attuutii duroo duroo keessaa luqqisaatii hambisaaf! Isin immoo hin ifatinaa!? jedhe*.[6]

¹⁷Akkasitti isheen hamma galgalaatti qarmii bu'atte; garbuu bu'atte sanas cagadattee, akka quunnaa sadii ba'eef.

¹⁸Isheen midhaanicha ol fudhattee mandaratti galte; isa bu'atte sanas amaatii isheetti argisiifte; isa guyyaa nyaattee quuftee irraa hambiftes, gad fuutee amaatii isheetiif in laatte.

¹⁹Yommus amaatiin ishee Ruutiin, ?Har'a eessaa bu'atte? Eessaa waa barbaaddachaa oolte? Namicha karaa kana siif yaade Waaqayyo haa eebbisu!? jette; Ruut eenyu biraa akka bu'achaa ooltee, maqaan namicha isheen biraa hojjetachaa ooltes Boaz ta'uu isaa amaatii isheetti himte.

²⁰Kana irratti Naa'omiin haadha manaa ilma isheetiin, ?Waaqayyo inni gaarummaa isaa warra jiranii fi warra du'an irraa hin fudhanne, isa haa eebbisu!? jette; itti fuftees, ?Namichi kun fira nutti dhi'aatu, barcumas kan qajeelchuu dha? jette.

²¹Ruut isheen biyya Mo'aab kun immoo, ?Hamma hojjetoonni koo midhaan koo hundumaa sassaabanii fixanitti, isaan biraa hin hafin anaan jedheera? jette.

²²Naa'omiinis Ruut haadha manaa ilma isheetiin, ?Maasii nama biraa keessa dhaqxee namni si tuquu irra, dubartoota warra isaaf hojjetanii wajjin ba'uun kee ba'eessa yaa intala ko? jette.

²³Ruut hamma garbuunii fi qamadiin hundinuu sassaabamee galutti, qarmii bu'achuudhaaf dubartoota warra Boaziif hojjetan biraa hin hafne; amaatii ishee wajjin taa'uus hin dhiifne.