Read west central oromo Macaafa Saamu'el Isa Duraa 10 Bible Online

Macaafa Saamu'el Isa Duraa 10 - west central oromo bible

Macaafa Saamu'el Isa Duraa 10

¹Achumaan Saamu'el dhadhaa ejersaa shurrubbee tokko fudhatee, mataa Saa'ol irratti dhangalaasee, isa dhungatees, ?Waaqayyo kunoo, saba dhuunfaa isaatii akka geggeessituuf si dibuu isaatii mitii ree*?

²Har'a ana biraa kaatee yommuu adeemtu awwaala Raahel biratti Zelzaa daarii Benyaamiin irratti namoonni lama sitti in dhufu; isaanis, ?Harroonni ati barbaaduu dhaqxe argamaniiru; abbaan kees harrootaaf yaadda'uu dhiisee:- Waa'ee ilma kootii attaman godha laata? jedhee siif yaadda'aa jira? jedhanii sitti in himu.

³Isaan bira dabartee qilxuu Taabor bira yommuu geessu immoo namoonni Bet'elitti Waaqayyoof sagaduu dhaqan sadii sitti in dhufu; isaan keessaa inni tokko ilmoolee reettii sadii, inni tokko immoo buddeena sadii, inni tokkos daadhii waynii huubboo tokko baatanii in adeemu.

⁴Yommuu sitti dhufan nagaa si gaafatanii buddeena lama siif in kennu; atis isaan harkaa in fudhatta.[34]

⁵?Kana booddees gara gaara Waaqayyoo iddoo loltoonni Filisxeemotaa jiran in dhaqxa; mandaratti yommuu lixxu kutanni raajotaa warri iddoo ol jedhaa irraa gad bu'an sitti in dhufu; raajonni sun raajii dubbachaa, kiraara, dibbee, ulullee fi maseenqoo dhageessisaa in adeemu turan.

⁶Yommus hafuurri Waaqayyoo humnaan siif in dhufa; ati immoo isaanii wajjin raajii in dubbatta; diddiiramtees nama kan biraa in taata*.

⁷Yommuu milikkinni kun ta'utti, Waaqayyo sii wajjin waan jiruuf waanuma harka keetti dhufe hojjedhu!

⁸Ana dura gara Giilgalitti gad bu'i! Kunoo, ani kennaa gubamuu fi qalma araaraa dhi'eessuudhaaf gara kee nan dhufa; hamma ani dhufee waan ati gootu sitti himutti guyyaa torbaaf na eegi!? jedhe*.[35]

⁹Saa'ol yommus Saamu'el biraa adeemuuf ka'e; akkuma inni achi qajeeleen, Waaqayyo yaada Saa'ol in diddiireef; milikkitoonni jedhaman hundinuus gaafasuma in ta'an.

¹⁰Saa'ol dargaggeessichaa wajjin gaara sana bira yommuu ga'e, kunoo, kutanni raajotaa isatti in dhufan; hafuurri Waaqayyoo humnaan isaaf dhufnaan, inni isaan gidduu bu'ee raajii in dubbate.

¹¹Warri duraan isa beekan raajota gidduu bu'ee raajii dubbachuu isaa yeroo arganitti walii isaaniitiin, ?Ilma Qiishitti maaltu dhufe? Saa'olis immoo raajota keessaa tokkoo?? jedhan.

¹²Namni iddoo sanaa tokkos, ?Eenyu abbaan raajota kanaa?? jedhee in gaafate; yommus, ?Saa'olis immoo raajota keessaa tokko? jechuun mammaaksa beekamaa in ta'e*.

¹³Saa'ol raajii dubbachuu isaa erga raawwatee gara iddoo sagadaa isa ol ka'aatti ol in ba'e.[36]

¹⁴Yeroo sanatti wasiilli Saa'ol tokko Saa'olii fi dargaggeessicha argee, ?Eessa turtan?? jedhee in gaafate; Saa'ol immoo deebisee, ?Harroota barbaaduu dhaqnee turre; garuu harroonni sun dhabamnaan Saamu'el bira dhaqne? jedhe.

¹⁵Kana irratti wasiilli Saa'ol, ?Hadaraa, waan Saamu'el siin jedhe anatti himi!? jedhe.

¹⁶Saa'ol immoo, ?Harroonni dhuguma argamuu isaanii nutti himeera? jedheen; waa'ee mootii ta'uu isa Saamu'el isatti dubbate garuu wasiila isaatti hin himne.

¹⁷Ergasii Saamu'el saba Israa'elin iddoo ?Miisphaa? jedhamutti Waaqayyo duratti walitti waamee*,

¹⁸?Waaqayyo gooftichi Israa'el, ?Ani biyya Gibxiitii isin baaseen, harka warra Gibxii fi mootummoota warra isin dhiphisanii hundumaa isin oolche.

¹⁹Isin garuu har'a ana Waaqayyo keessan isa dhiphina keessanii fi rakkina keessan hundumaa keessaa isin baase tuffattanii:- Mootii nuuf moosisi malee, hin ta'u! jettan. Egaa amma akka gosa gosa keessaniittii fi akka qomoo qomoo keessaniitti fuula koo duratti dhi'aadhaa!? isiniin jedha? jedheen*.[37]

²⁰Yommus Saamu'el gosa Israa'el hundumaa walitti qabee dhi'eessinaan, isaan keessaa gosi Benyaamiin in fudhatame.

²¹Gosa Benyaamiin immoo akka qomoo qomoo isaaniitti dhi'eessinaan, qomoon Maxriis in fo'ame; qomoo Maxriis keessaa immoo Saa'ol ilmi Qiish in fudhatame; Saa'olin garuu barbaadanii isa arguu dhaban.

²²Yommus, ?Namichi amma iyyuu as hin dhufne moo?? jedhanii Waaqayyoon in gaafatan; Waaqayyos deebiseefii, ?Kunoo inni mi'a gidduu dhokatee jira? jedhe.

²³Isaanis fiigichaan dhaqanii achii isa in fidan; innis dhufee jara gidduu yommuu dhaabate, gatiittii isaatii olitti nama hundumaa caalaa dheeratee in mul'ate*.

²⁴Saamu'el yeroo sanatti jara hundumaan, ?Nama Waaqayyo fo'e kana argituu? Saba kana hundumaa keessa kan akka isaatii hin jiru!? jedhe; jarris gammachuudhaan wacanii, ?Mootichi bara baraan haa jiraatu!? jedhan*.[38]

²⁵Yommus Saamu'el seera mootummaan sun ittiin bulu sabaaf ibsee, caaffata dhaabataa godhee caafee, fuula Waaqayyo dura iddoo qulqullaa'aa in kaa'e; ergasii jara hundumaa gad in dhiise; isaan adduma addaan gara mana mana isaaniitti in galan*.

²⁶Saa'olis immoo Giibe'aatti deebi'ee gara mana isaatti in gale; loltoonni jajjaboonni warri Waaqayyo yaada isaanii kaase isa duukaa in dhaqan.

²⁷Namoonni waa'ee hin baafne tokko garuu isa tuffatanii, ?Namni kun attamitti nu oolchuu danda'aa?? jedhan malee, harka-fuudhaa hin kennineef; inni garuu calluma jedhee in dhiise.[39]