Read west central oromo Macaafa Saamu'el Isa Duraa 15 Bible Online

Macaafa Saamu'el Isa Duraa 15 - west central oromo bible

Macaafa Saamu'el Isa Duraa 15

¹Saamu'el yeroo sanatti Saa'oliin, ?Ati saba isaa Israa'el irratti mootii akka taatuuf, Waaqayyo si dibuudhaaf ana erge; amma immoo ati dubbii Waaqayyo sitti dubbatu dhaggeeffadhu*!

²?Sabni Israa'el biyya Gibxii yommuu ba'anitti Amaaleqoonni isaaniin mormuudhaaf karaatti wanta isaan hojjetaniif isaan nan adaba? jedha Waaqayyo gooftaan maccaa*.

³Egaa ati dhaqiitii, Amaaleqoota dhiiraa jalqabdee hamma dubartiitti, ijoolleedhaa hamma mucoolii harma hodhaniitti, akkanumas qotiyyoowwanii hamma hoolotaatti, gaalotaa hamma harrootaatti ajjeesii fixi! Isaaniifis hin oo'in!? jedhe.[56]

⁴Yommus Saa'ol Xilaa'iimitti namoota walitti waamsisee, isaan keessaa lafoo kumaatama dhibba lama, warra Yihudaa keessaa immoo namoota kuma kudhan in lakkaa'ate.

⁵Saa'ol achumaan gara mandara Amaaleq dhaqee, dachaa keessa riphee in eeggatte.

⁶Warra Qenootaatiin garuu, ?Isin yommuu sabni Israa'el biyya Gibxii ba'anitti wanta gaarii gootaniifii waan turtaniif, ani Amaaleqoota yeroon balleessu isaanii wajjin akkan isin hin balleessinetti isaan gidduudhaa ba'aatii adeemaa!? jedhe; kanaaf warri Qenootaa Amaaleqootattii gargar in ba'an*.

⁷Saa'ol Hawiilaadhaa jalqabee hamma Shuur isa fuullee Gibxitti argamutti Amaaleqoota in rukute.

⁸Agaagin mootii Amaaleqootaas fayyaatti booji'ee, namoota hundumaas billaadhaan in fixe.

⁹Saa'olii fi namoonni isaa Agaagin mooticha in mararsiifatan; karra bushaayee, karra sa'aa, horii dilbii coccoomoo fi ilmoolee keessaa warra gaggaarii hundumaa ajjeesanii fixuu hin barbaanne; warra waa'ee hin baafnee fi warra tuffataman hundumaa garuu raawwatanii in balleessan.[57]

¹⁰Kana booddee dubbiin Waaqayyoo gara Saamu'el dhufee,

¹¹?Saa'ol na duukaa bu'uu dhiisee deebi'eera; inni akka dubbii kootiitti waan hin raawwatiniif, isa moosisuu kootiif nan gadda? jedhe; Saamu'elis dubbii dhaga'e kanaaf gaddee, halkan sana guutuu gara Waaqayyootti in iyye*.

¹²Borumtaas Saamu'el ganama bariidhaan ka'ee, Saa'olin arguu barbaadee gara isaa in dhaqe; achittis, ?Saa'ol, gara mandara Qarmelos dhufee, ulfina isaatiif waan ittiin yaadatamu dhaabbatee, of irra deebi'ee gara Giilgal dhaqe? jechuu in dhaga'e.

¹³Kanaafis Saamu'el achitti gara Saa'ol in dhaqe; Saa'olis, ?Waaqayyo si haa eebbisu!? jedhe; itti fufees, ?Ani wanta Waaqayyo na abboome raawwadheera? jedheen.

¹⁴Saamu'el garuu, ?Sagaleen bushaayeetii fi saawwanii ani dhaga'uu kun immoo maali ree?? jedheen.

¹⁵Saa'ol immoo, ?Namootatu bushaayee fi saawwan gaggaarii isaan mararan Waaqayyo gooftaa keetiif aarsaa dhi'eessuudhaaf biyya Amaaleqootaatii fidan; warra kaan garuu raawwannee balleessineerra? jedhe.

¹⁶Saamu'el kana irratti Saa'oliin, ?Mee afachu! Waan Waaqayyo eda anatti dubbaten sitti himaa!? jennaan, innis, ?Anatti himi!? jedheen*.[58]

¹⁷Saamu'el yommus Saa'oliin, ?Geggeessituu gosoota Israa'el utuu hin ta'in dura, ati ofii keetii xinnaatti of ilaalaa turte mitii ree? Waaqayyo garuu si dibee Israa'el irratti si moosise*.

¹⁸Inni, ?Dhaqiitii Amaaleqoota cubbamoota sana raawwadhuu balleessi! Hamma isaan dhumanittis isaan waraani!? jedhee si erge.

¹⁹Egaa maaliif dubbii Waaqayyoo dhaga'uu diddee, boojuu irratti lafa dhooftee, Waaqayyo duratti wanta hamaa hojjette ree?? jedhe.

²⁰Saa'ol immoo Saamu'eliin, ?Ani dubbii Waaqayyoo dhaga'ee gara inni itti na erges dhaqeera; Amaaleqoota raawwadhee balleessee, Agaagin mootii isaanii immoo booji'ee fideera;

²¹jarri garuu Waaqayyo gooftaa keetiif Giilgalitti aarsaa dhi'eessuudhaaf, boojuu bushaayee fi saawwan addaan baafamanii keessaa warra caalan fudhatanii dhufan? jedhe.

²²Saamu'el immoo, ?Dhugumaan Waaqayyo nama dubbii isaa dhaga'ee abboomamutti akka gammadu, qalma gubamuu fi aarsaatti in gammadaa ree? Kunoo, abboomamuun aarsaa irra caala; dhaggeeffachuunis moora korbeessa hoolaa dhi'eessuu irra in wayya*;

²³abboomamuu diduun cubbuu hooda sobaa ti; xiiqeffachuunis jal'ina akka Waaqayyo tolfamaa waaqeffachuu ti; sababii ati dubbii Waaqayyoo tuffatteef, innis akka ati mootii hin taaneef si tuffateera? jedheen*.[59]

²⁴Saa'ol yommus Saamu'eliin, ?Jara sodaadhee wanta isaan jedhan waanan dhaga'eef, abboommii Waaqayyootiif gorsa ati anaaf kennite irra daddarbuu kootiif cubbuu hojjedheera;

²⁵hadaraa cubbuu koo anaaf dhiisi! Ammas ani dhaqee Waaqayyoof akkan sagadutti ana duukaa deebi'i? jedhe.

²⁶Saamu'el immoo deebiseefii, ?Ati dubbii Waaqayyoo sababii tuffatteef, Waaqayyos Israa'el irratti mootii akka ati hin taaneef si tuffateera; kanaaf ani sii wajjin hin deebi'u!? jedhe*.

²⁷Saamu'el adeemuuf gara gallaan Saa'ol fiixee uffata isaatii in qabe; achumaanis uffatichi in tarsa'e.

²⁸Saamu'elis, ?Har'a Waaqayyo mootummaa Israa'el si irraa tarsaasee, nama si irra wayyutti in kenne*.

²⁹Waaqayyo inni Israa'eliif ulfina ta'e, akka namaa miti! Inni hin sobu, hin gaabbu, wanti akka namaatti isa gaabbisiisus hin jiru? jedheen*.

³⁰Saa'olis, ?Ani cubbuu hojjedheera; garuu hadaraa maanguddoota saba koo fi Israa'eloota duratti ana hin salphisiniitii Waaqayyo gooftaa keetiif akkan sagadutti anaa wajjin deebi'i!? jedhe.

³¹Kana irratti Saamu'el isa duukaa deebinaan, Saa'ol dhaqee Waaqayyoof in sagade.[60]

³²Kana booddee Saamu'el, ?Agaagin mootii Amaaleqootaa as anaaf fidaa!? jedhe; Agaagis fuula ifaadhaan gara isaa dhufee, ?Dhuguma sodaachisi du'aa inni hadhaa'aan ana irra darbeera? jedhe.

³³Saamu'el yommus Agaagiin, ?Akkuma ati billaa keetiin ijoollota fixxee, dubartoota harka duwwaa hambifte, haati kees dubartoota hundumaa keessaa harka duwwaa in hafti!? jedhee, Giilgalitti Waaqayyo duratti isa in kukkuchiise.

³⁴Ergasii Saamu'el gara Raamaa in dhaqe; Saa'ol immoo gara Giibe'aa gara mana isaatiitti in deebi'e.

³⁵Saamu'el sababii kanaaf Saa'oliif in boo'e, deebi'es utuu isa hin argin in du'e; akkasumas Waaqayyo Saa'olin Israa'el irratti moosisuu isaatiif in gadde.