Read west central oromo Macaafa Saamu'el Isa Duraa 18 Bible Online

Macaafa Saamu'el Isa Duraa 18 - west central oromo bible

Macaafa Saamu'el Isa Duraa 18

¹Daawit yommus Saa'olii wajjin dudubbachuu in raawwate; erga yeroo sanaatii Yonaataan ilmi Saa'ol baay'isee Daawititti in maxxane; akka lubbuu isaatiittis isa in jaallate.

²Saa'ol gaafasii jalqabee Daawitin ofitti in fudhate; gara mana abbaa isaattis isa hin deebifne*.

³Yonaataan akka lubbuu isaatiitti Daawitin waan jaallatuuf, kakuu isaaf in gale*.

⁴Kana malees qoloo isaa of irraa baasee akkasumas uffata isaa, billaa isaa, iddaa isaa fi hidhata mudhii isaa Daawitiif in kenne.

⁵Daawit iddoo Saa'ol itti isa ergu hundumaa in dhaqa, waan hojjetus ogummaadhaan in raawwata ture; kanaaf Saa'ol loltoota irratti aboo in kenneef; kunis namoota hundumaa, hojjetoota Saa'ol warra gurguddootas in gammachiise*.[73]

⁶Daawit Filisxeemicha erga ajjeesee booddee, namoonni gara manaatti deebi'aa utuu jiranii, dubartoonni mandaroota Israa'el hundumaa keessaa dibbee fi kiraara fudhatanii gammachuudhaan weeddisaa, sirbaas Saa'ol mooticha simachuudhaaf in ba'an*.

⁷Dubartoonni sunis, ?Saa'ol kumaatama ajeefate, Daawit garuu kuma kumaatamaa in ajeefate? jedhanii, wal harkaa fuudhanii in weeddisu turan*.

⁸Dubbiin kun hamaa ta'ee Saa'olitti waan mul'ateef, baay'isee isa aarse; ?Anaaf kumaatama, Daawitiif garuu kuma kumaatamaa in lakkaa'an; mootummicha fudhachuu malee, maaltu isa hafe!? jedhe.

⁹Yeroo sanaa jalqabee Saa'ol ija hinaaffaatiin Daawitin in ilaala ture.[74]

¹⁰Borumtaa isaa hafuurri hamaan Waaqayyo biraa Saa'olitti ergamnaan, utuu Daawit akkuma amala isaatii kiraara rukutaa jiruu, Saa'ol mana isaa keessatti akka nama maraateetti raajii in dubbate; yeroo sanattis eeboo of harkaa qaba ture*.

¹¹Inni yaada isaatti, ?Daawitin keenyanittan fayyisa!? jedhee, eeboo isaa itti darbate; Daawit garuu si'a lama isa jalaa in miliqe*.

¹²Waaqayyo sababii Saa'ol irraa fagaatee Daawitii wajjin jiraatuuf, Saa'ol isa in sodaate*.

¹³Kanaaf inni Daawitin ofittii fageessee angafa kumaa akka inni ta'u in godhe; akkasitti Daawit dura-buutuu ta'ee jara in geggeesse.

¹⁴Waaqayyo isaa wajjin waan tureef, wanti inni hojjetu hundinuu wal in qixxaateef*.

¹⁵Saa'ol immoo wanti inni hojjetu wal isaaf qixxaachuu isaa yommuu arge isa in sodaate.

¹⁶Namoonni Israa'elii fi namoonni Yihudaa hundinuu garuu sababii Daawit yeroo hundumaa isaan dura bu'ee isaan geggeessuuf isa in jaallatan.[75]

¹⁷Yommus Saa'ol Daawitiin, ?Kunoo! Ani Meraab intala koo ishee angafa sittan heerumsiisa; ati immoo ilma jagna anaaf ta'iitii lola isa kan Waaqayyoo loli!? jedhe; Saa'ol garaa isaatti, ?Inni harka Filisxeemotaatti haa sababamu malee, harka kootti hin sababamin!? jedhee waan yaadeef, kana in dubbate*.

¹⁸Daawit garuu deebisee Saa'oliin, ?Intala mootii kanan fuudhu, ani eenyu? Israa'el keessaas qomoon koo, qomoon abbaa kootiis isa kami?? jedhe*.

¹⁹Haa ta'u iyyuu malee, yeroo Saa'ol intala isaa Meraabin isatti heerumsiisuuf jedhetti, isheen Adrii'el Meholaatichatti in heerumte.[76]

²⁰Mikaal intalli Saa'ol garuu Daawitin in jaallatte; Saa'olis dubbicha yommuu dhaga'e itti gammadee,

²¹?Daawititti ishee nan heerumsiisa, isheen kiyyoo isatti in taati, harka Filisxeemotaattis in sababama? jedhe; Saa'ol kanaaf Daawitin, ?Kunoo, alana soddaa koo in taata? jedhe.

²²Itti fufees, ?Kunoo! Mootiin, hojjetoonni isaa hundinuus waan si jaallataniif, ?Ati immoo intala mootii fuudhi!? jedhaatii gad qabaadhaan Daawititti himaa!? jedhee hojjetoota isaa in abboome.

²³Hojjetoonni Saa'ol dubbicha Daawititti in himan; Daawit immoo, ?Anoo hiyyeessa, nama hamma kanatti beekames miti! Soddaa mootii ta'uun dubbiidhuma salphaa isinitti fakkaataa ree?? jedhe.

²⁴Hojjetoonni Saa'olis wanta Daawit jedhe isatti in himan.

²⁵Daawit harka Filisxeemotaatti akka du'uuf akeeka waan qabuuf, Saa'ol deebisee, ? ?Mootichi diinota isaa irratti ijaa baafachuudhaaf misa Filisxeemota dhibba tokko fiduu malee, qaraxa kan biraatti hin gammadu? jedhaatii Daawititti himaa!? jedhe.

²⁶Hojjetoonni isaas dubbicha Daawititti yeroo himanitti, inni soddaa mootichaa ta'uutti in gammade; guyyaan dhaaba isaatii utuu hin ga'in,

²⁷Daawit namoota isaatii wajjin ba'ee Filisxeemota dhibba lama ajjeesee, mootichaaf soddaa ta'uudhaaf misa isaanii guutummaatti isa duratti in dhi'eesse; Saa'ol akkasitti Mikaalin intala isaa isatti in heerumsiise*.[77]

²⁸Saa'ol yeroo sana Waaqayyo akka Daawitii wajjin jiru argee, Mikaal intalli isaas akka isa jaallatte hubatee,

²⁹ittuma caalchisee Daawitin in sodaate; bara jireenya isaatti akkuma diina isaa ta'etti in hafe*.

³⁰Gurguddoonni Filisxeemotaa ittuma fufanii lolaaf in ba'u turan; yeroodhuma ba'an hundumaattis hojjetoota Saa'ol warra gurguddoota keessaa caalaatti hojiin Daawit wal in qixxaataaf ture; maqaan isaas baay'isee in beekame*.[78]