Read west central oromo Macaafa Saamu'el Isa Duraa 19 Bible Online

Macaafa Saamu'el Isa Duraa 19 - west central oromo bible

Macaafa Saamu'el Isa Duraa 19

¹Saa'ol kana irratti, ?Daawitin ajjeesaa!? jedhee, ilma isaa Yonaataanitti, hojjetoota isaa hundumaattis in hime; Yonaataan garuu Daawitin baay'isee waan jaallatuuf,

²?Saa'ol abbaan koo si ajjeesuu in barbaadaatii, bor ganama hadaraa of eeggadhu! Da'oo tokko keessa dhokadhuu, achuma turi!

³Ani gad nan ba'a, bakkee lafa ati jirtutti abbaa koo bukkee dhaabadhee waa'ee kee isatti dubbadhee wanta ta'u ilaalee sitti nan hima? jedhee Daawititti in dubbate.

⁴Yonaataan kana booddee Saa'ol abbaa isaatiin, ?Yaa mootii! Daawit garbichi kee wanta baay'ee gaarii ta'e siif hojjete malee, si hin yakkine, kanaaf atis isa hin yakkin!? jedhee, waa'ee Daawitiif gaarii in dubbate.

⁵Itti fufees, ?Inni fittee irra of buusee Filisxeemicha in ajjeese; akkasitti Waaqayyo guutummaa Israa'eliif fayyina guddaa in hojjeteef; atis kana argitee gammaddeetta; egaa maaliif sababiidhuma tokko malee, Daawitin ajjeeftee dhiiga qullaa'aa irratti dabaa hojjetta ree?? jedhe.

⁶Saa'ol dubbii Yonaataan dhaggeeffatee, ?Dhugaa Waaqayyo isa jiraataa ti hin ajjeefamu!? jedhee in kakate.

⁷Kana booddee Yonaataan Daawitin waamee, dubbii kana hundumaa isatti himee, gara Saa'olitti isa in geesse; ergasii Daawit akkuma isaa durii mooticha duratti in argame*.

⁸Ammas lolli in ka'e; Daawitis ba'ee Filisxeemota lolee isaan keessaa baay'ee fixee badiisa guddaa isaan irraan in ga'e; warri hafanis isa duraa in baqatan.[79]

⁹Gaaf tokko hafuurri hamaan Waaqayyo biraa gara Saa'olitti in ergame; inni yeroo sanatti eeboo qabatee mana isaa keessa in taa'a, Daawit immoo kiraara in rukuta ture*.

¹⁰Saa'ol eeboo isaatiin Daawitin keenyanitti fayyisuu barbaadee itti in darbate; Daawit garuu isa jalaa in miliqe; kana irratti Daawit halkanuma gaafasii baqatee in ba'e*.[80]

¹¹Yommus Saa'ol namoota Daawitin eegaa bulanii ganama isa ajjeesan gara mana isaatti in erge; Mikaal haati manaa Daawit garuu, ?Edana yoo of oolchuu dhabaatte bor in ajjeefamta? ittiin jettee*,

¹²karaa qaawwaa isa in baafte; innis baqatee jalaa in ba'e*.

¹³Ergasii Mikaal bifa fakkeenya waaqayyolii mana keessaa fuutee siree irra ciibsitee, wanta rifeensa reettii irraa dha'ames mataa duraan keessee uffata irra in diriirsite.

¹⁴Daawitin qabsiisuudhaaf Saa'ol yeroo namoota itti ergetti, Mikaal immoo, ?Isa'oo in dhukkuba? jetteen.

¹⁵Saa'ol ammoo namoota deebisee ergee, ?Dhaqaa Daawitin ilaalaatii, akkan isa ajjeesuuf sireedhumaan gara koo fidaa!? jedhe.

¹⁶Yeroo namoonni ergaman sun dhaqanii ol lixan, kunoo, bifni fakkeenya waaqayyolii mana keessaa siree irra ture, wanti rifeensa reettii irraa dha'ames mataa duraan ture.[81]

¹⁷Saa'ol kana irratti Mikaaliin, ?Maaliif na gowwoomsitee diinni koo akka ba'u goote?? jedhe; Mikaal garuu deebiftee, ?Isatu, ?Yoo ati ana baasuu dhabaatte sin ajjeesa? naan jedhe? jetteen.

¹⁸Daawit baqatee ba'ee Raamaatti Saamu'el bira dhufee, wanta Saa'ol isa hojjete hundumaa isatti in hime; achumaanis Saamu'elii wajjin achii adeemanii Naayotin dhaqanii achi in taa'an.

¹⁹Daawit biyya Raamaa keessaa iddoo ?Naayot? jedhamu akka jiru Saa'ol in dhaga'e.

²⁰Yommus Daawitin qabanii gara isaa akka fidaniif, Saa'ol namoota in erge; warri ergamanis raajonni wal ga'anii, Saamu'elis utuu isaan geggeessuu yommuu argan, hafuurri Waaqayyoo isaaniif dhufe; isaanis raajii in dubbatan*.

²¹Dubbiin kun Saa'olitti yeroo himametti namoota kan biraa immoo in erge; isaanis raajii in dubbatan; si'a sadaffaas namoota in erge; isaanis immoo raajii in dubbatan.

²²Hundumaa booddees ofii isaatii gara biyya Raamaa bishaan boollaa isa guddicha Seekuu keessa jiru bira dhufee, ?Saamu'elii fi Daawit eessa jiru?? jedhee in gaafate; namni tokko deebiseefii, ?Kunoo, isaan Raamaa keessaa Naayotin jiru? jedheen.[82]

²³Saa'ol yommus Raamaa keessaa gara Naayot in dhaqe; garuu isumaaf iyyuu hafuurri Waaqayyoo dhufnaan, Raamaa keessaa Naayot hamma ga'utti raajii dubbachaa in adeeme.

²⁴Uffata isaa of irraa baasee qullaa isaa Saamu'el duratti guyyaa sanaa fi halkan sana guutuu akka nama maraatetti raajii in dubbate; kana irratti namoonni, ?Saa'olis immoo raajota keessaa tokkoo ree?? jedhan.