Read west central oromo Macaafa Saamu'el Isa Duraa 23 Bible Online

Macaafa Saamu'el Isa Duraa 23 - west central oromo bible

Macaafa Saamu'el Isa Duraa 23

¹Kana booddee Filisxeemonni namoota Qeyilaa lolanii, oobdii keessaa midhaan saamuu isaanii Daawit dhaga'ee,

²?Dhaqee Filisxeemota kana rukutuu?? jedhee, Waaqayyoon in gaafate; Waaqayyo immoo deebisee Daawitiin, ?Dhaqii Filisxeemota rukutii, Qeyilaa isaan harkaa baasi!? jedhe.

³Namoonni Daawit garuu, ?Kunoo, nuyi asuma Yihudaa keessatti iyyuu in sodaanna erga ta'ee, attamitti immoo loltoota Filisxeemotaa rukutuudhaaf gara Qeyilaa dhaquu dandeenya ree?? jedhan.

⁴Kana irratti Daawit ammas Waaqayyoon in gaafate; Waaqayyo immoo, ?Ani Filisxeemota harka kee keessa nan buusaatii ka'iitii gara mandara Qeyilaatti gad bu'i!? jedheen.

⁵Daawitii fi namoonni isaa gara Qeyilaa dhaqanii warra Filisxeemotaa lolanii, isaan keessaa namoota baay'ee fixanii, horii isaanii booji'anii in adeeman; namoota Qeyilaas harka isaanii jalaa in baasan.

⁶Abiyaataar ilmi Ahiimelek yeroo Qeyilaatti gara Daawititti baqate, dirata fuula duraa fudhatee dhaqee ture*.[96]

⁷Daawit gara Qeyilaa dhufuu isaa Saa'ol yommuu dhaga'e, ?Daawit mandara karri isaa cufaa qabutti galuu isaatiin ofii isaa hidhaatti waan galcheef, Waaqayyo harka koo keessa isa buusuu isaa ti? jedhe.

⁸Saa'ol Qeyilaatti gad bu'ee Daawitii fi namoota isaa marsee qabachuuf loltoota hundumaa walitti in qabate.

⁹Saa'ol isa irratti wanta hamaa fiduudhaaf korachaa akka jiru Daawit yeroo beekkate, Abiyaataar lubichaan, ?Dirata fuula duraa sana as fidi!? jedhe*.

¹⁰Itti fufees, ?Yaa Waaqayyo goofticha Israa'el! Saa'ol gara Qeyilaa dhufee sababii kootiif mandaricha balleessuu akka barbaadu dhugumaan ani garbichi kee dhaga'eera.

¹¹Ani garbichi kee akkuman dhaga'e Saa'ol in dhufaa? Gurguddoonni Qeyilaas dabarsanii isatti ana in kennuu? Yaa Waaqayyo goofticha Israa'el, hadaraa ana garbicha keetti himi!? jedhe.

¹²Daawit ammas deebi'ee, ?Gurguddoonni Qeyilaa anaa fi namoota koo Saa'olitti dabarsanii in kennuu?? jedhee in gaafate; Waaqayyo immoo, ?Eyyee, dabarsanii isin in kennu? jedheen.

¹³Yommus Daawitii fi namoonni isaa lakkoobsatti gara dhibba ja'aa kan ta'an ka'anii Qeyilaadhaa ba'anii lafuma dhaquu danda'an hundumaa in dhaqan; Daawit Qeyilaadhaa akka sokke yeroo dhaga'etti Saa'ol achi dhaquu in dhiise.

¹⁴Daawit masaraa lafa onaa keessa, biyya gaaraa lafa onaa Ziif keessa in taa'e; Saa'ol guyyaa hundumaa Daawitin in barbaada ture, Waaqayyo garuu dabarsee harka isaatti isa hin kennine.[97]

¹⁵Daawit caakkaa lafa onaa Ziif keessa utuu jiruu, Saa'ol isa ajjeesuudhaaf akka dhufe in arge.

¹⁶Yonaataan ilmi Saa'ol caakkicha keessatti Daawit bira dhaqee, maqaa Waaqayyootiin isa jajjabeesse,

¹⁷?Saa'ol abbaan koo harka isaa si irratti ol hin fudhatu, ati Israa'el irratti in moota, ani immoo itti aanaa kee nan ta'a; abbaan koo iyyuu kun akka ta'u beekaatii, hin sodaatin!? jedhe.

¹⁸Yommus lachuun isaanii Waaqayyo duratti kakuu waliif in galan; ergasii Yonaataan gara mana isaatti deebi'e, Daawit garuu caakkichuma keessatti in hafe*.[98]

¹⁹Namoonni Ziif yommus Giibe'aatti Saa'ol bira dhaqanii, ?Daawit, masaraawwan keessa, caakkaa keessa, tulluu Haqiilaa isa lafa onaa irraa gara harka mirgaatti argamu irra nu bira dhokatee jira mitii ree*?

²⁰Yaa mootii yeroo feetetti kottu! Nuyis isa dabarsinee sitti in kennina? jedhan.

²¹Saa'ol immoo deebisee, ?Waan anaaf dhimmitaniif Waaqayyo isin haa eebbisu!

²²Ammas, ?Inni baay'ee haxxee dha? jedhee, namni waan anatti himeef, hadaraa dhaqaatii yeroo baay'ee eessa akka inni dhaqu, eenyufaan achitti akka isa argan caalchisaatii hubadhaa!

²³Iddoo dhokannaa inni keessa dhokatu hundumaas hubadhaa ilaalaatii deebi'aa gara koo kottaa, anis isinii wajjin nan dhaqa; inni biyyicha keessa yoo jiraate, guutummaa qomoowwan Yihudaa keessa isa nan barbaada? jedhe.[99]

²⁴Yommus jarri sun ka'anii Saa'ol dura gara Ziif in dhaqan; Daawitii fi namoonni isaa garuu Maa'on lafa onaa keessa Arabaayi lafa gogaa irraa gara mirgaatiin turan*.

²⁵Saa'olii fi namoonni isaa Daawitiin barbaaduudhaaf in ba'an; Daawitis waa'ee isaa yommuu dhaga'e gara holqa dhagaa isa Maa'on lafa onaa keessa jirutti gad in bu'e; Saa'ol immoo kana dhaga'ee Maa'on lafa onaa keessa Daawitin in hordofe.

²⁶Saa'ol cinaacha tullichaa gar tokkoon, Daawitiif namoonni isaa immoo Saa'ol jalaa ba'uudhaaf, Saa'olii fi namoonni isaa immoo Daawitii fi namoota isaa qabachuudhaaf itti dhi'aachaa utuu jiranii,

²⁷namni tokko ergamee gara Saa'ol dhufee, ?Duulli Filisxeemotaa biyya irra waan yaa'eef, ariifadhuu kottu!? jedhe.

²⁸Yommus Saa'ol Daawitiin hordofuu dhiisee, Filisxeemota rukutuudhaaf in deebi'e; kanaaf iddoon kun, ?Dhagaa itti gargar deebi'an? jedhamee in moggaafame.

²⁹Daawit iddoo kanaa ol ba'ee, masaraa ?En-Gedii? jedhamu keessa in jiraate.[100]