Read west central oromo Macaafa Saamu'el Isa Duraa 24 Bible Online

Macaafa Saamu'el Isa Duraa 24 - west central oromo bible

Macaafa Saamu'el Isa Duraa 24

¹Saa'ol Filisxeemota duukaa bu'ee ari'uu irraa erga deebi'ee booddee, namoonni, ?Kunoo, Daawit En-Gedii lafa onaa keessa jira? jedhanii itti in himan.

²Yommus Saa'ol guutummaa Israa'el keessaa loltoota fo'amoo kuma sadii fudhatee, Daawitii fi namoota isaa barbaacha gara ?Holqa dhagaa qelejjee? isa jedhamu in dhaqe.

³Achiis gara dallaa hoolotaa isa karaa bukkee jiru in dhufe; iddoo sana holqa tokkotu ture; Saa'ol bakkee itti ba'uudhaaf gara holqichaatti ol in lixe; Daawitii fi namoonni isaa garuu holqicha keessa achi fagaatanii dhokatanii turan.

⁴Namoonni isaa immoo Daawitiin, ?Guyyichi inni Waaqayyo, ?Akka jaallatte akka gootuuf diina kee harka keetti dabarsee nan kenna? jedhee dubbatee ture, kunoo, in ga'e? jedhan; yommus Daawit ka'ee suuta jedhee andaara uffata Saa'ol in kute*.

⁵Haa ta'u iyyuu malee, andaara uffata Saa'ol kutuun isaa yaada garaa isaa waan tuqeef*,

⁶namoota isaatiin, ?Waaqayyo waan akkasii gooftaa koo isa Waaqayyo dibe irratti hojjechuu anattii haa fageessu! Isa Waaqayyotu dibe waan ta'eef, harka koo isa irratti ol hin fudhadhu? jedhe*.

⁷Daawit dubbii isaa kanaan namoota isaa in ittise; Saa'ol irratti akka ka'aniifis tole isaaniif hin jenne; Saa'ol yommus ka'ee holqicha keessaa ba'ee karaa isaa irra bu'ee in adeeme.[101]

⁸Ergasii Daawit ka'ee isa booddeedhaan holqicha keessaa ba'ee Saa'olin waamee, ?Yaa mootii, yaa gooftaa ko!? jedhe; yommuu Saa'ol of booddee ilaalutti immoo, Daawit hamma lafa ga'utti gugguufee isaaf in qoomma'e.

⁹Kana booddee Saa'oliin, ?Isa namoonni, ?Kunoo, Daawit waan hamaa si irratti hojjechuu barbaada? jedhan maaliif dhageessa?

¹⁰Har'a Waaqayyo attamitti holqa keessatti harka kootti dabarsee akka si kenne kunoo, iji kee iyyuu argeera; namoonni illee, ?Isa ajjeesi!? naan jedhaniiru, ani garuu siif oo'een, ?Isa Waaqayyotu dibee moosise waan ta'eef, ani gooftaa koo irratti harka koo ol hin fudhadhu? nan jedhe.

¹¹Ilaa, yaa abbaa ko, fiixee uffata keetii harka koo keessatti mee ilaali! Fiixee uffata keetii kuteen ture, si garu hin ajjeefne; ani hamaa si irratti hojjechuu yookiis sitti darbuu akkan hin barbaadin amma hubachuu, beekuus in dandeessa; ati illee lubbuu koo balleessuu barbaadde, ani garuu cubbuu si irratti hin hojjenne.

¹²Waaqayyo anaa fi si gidduutti haa faradu! Waaqayyo ijaa si irratti anaaf haa baasu malee, harki koo hamaa si irratti hin hojjetin*!

¹³Jecha warra durii keessatti, ?Jal'inni warra jal'oota keessaa ba'a? in jedhama; harki koo garuu hamaa si irratti hin hojjetin!

¹⁴Yaa mootii Israa'el! Ati eenyu irratti ka'uuf baate? Eenyuun ari'atta? Saree du'aa dha moo yookiis tafkii ari'atta?

¹⁵Waaqayyo abbaa firdii ta'ee anaaf si gidduutti haa faradu! Dhimma koo anaaf haa ilaalu! Harka kee ana oolchuudhaanis dhugaa koo anaaf haa baasu!? jedhe*.[102]

¹⁶Daawit kana dubbatee erga raawwatee, Saa'ol immoo, ?Daawit ilma ko, kun sagalee kee tii?? jedhee gaafatee, sagalee isaa ol fudhatee in boo'e.

¹⁷Itti fufees, ?Ani hamaa si irratti hojjennaan, ati immoo wanta gaarii waan anaaf gooteef, ati ana caalaa qajeelaa dha.

¹⁸Waaqayyo harka keetti na kenne, ati garuu ana hin ajjeefne; kana gochuu keetiin wanta gaarii akka anaaf goote har'a anatti mul'ifteetta.

¹⁹Namni diina isaa argatee nagaadhaan gad dhiisaa ree? Wanta ati har'a anaaf goote kanaaf Waaqayyo gaarii siif haa deebisu!

²⁰Amma kunoo, ati dhuguma mo'uuf akka jirtu, mootummaan Israa'elis si harkatti jabaatee dhaabachuuf akka jiru nan beeka*.

²¹Sanyii koo akka hin balleessine yookiis maqaa koo maatii abbaa kootii keessaa akka hin dhidhimsine, amma maqaa Waaqayyootiin anaaf kakadhu!? jedheen*.

²²Daawit kana irratti Saa'oliif erga kakatee, Saa'ol gara mana isaatti in gale; Daawitii fi namoonni isaa garuu gara iddoo masaraatti ol in ba'an.[103]