Read west central oromo Macaafa Saamu'el Isa Duraa 28 Bible Online

Macaafa Saamu'el Isa Duraa 28 - west central oromo bible

Macaafa Saamu'el Isa Duraa 28

¹Bara sana Filisxeemonni Israa'elin loluudhaaf loltoota isaanii walitti in qabatan; Akiish yommus Daawitiin, ?Atii fi namoonni kee anaa wajjin lola akka dhaqxan hubadhu!? jedhe.

²Daawit immoo, ?Yommus wanta ani garbichi kee gochuu danda'u ati iyyuu arguuf jirta? jedheen; Akiish immoo deebisee, ?Baay'ee ba'eessa! Yoos ani immoo eegduu yeroo hundumaa na eegu sin godhadha? jedhe.

³Baras Saamu'el duunaan Israa'eloonni hundinuu boo'aniifii mandara isaa Raamaa keessatti isa awwaalanii turan; yeroo sanatti Saa'ol Eker-dubbiftuu fi qaallota biyyicha keessaa baasee ture*.[116]

⁴Filisxeemonni walitti qabamanii dhufanii mandara Shuneem keessa yeroo buufatan, Saa'ol immoo Israa'eloota hundumaa walitti qabatee tulluu Giilbo'aa irra in buufate.

⁵Saa'ol loltoota Filisxeemotaa yommuu arge, baay'ee sodaatee garaan isaa in raafame.

⁶Kanaaf maal gochuun akka isaaf wayyu Waaqayyoon in gaafate; Waaqayyo garuu abjuudhaan yookiis uriimiin yookiis raajiidhaan deebii hin kennineef*.

⁷Kanaaf Saa'ol hojjetoota isaatiin, ?Dhaqeen ishee irraa qoradhaatii dubartii ekeraa dubbiftu anaaf barbaadaa!? jedhe; hojjetoonni isaa immoo deebisanii, ?Kunoo, dubartiin ekeraa dubbiftu tokko Endoor keessa jirti? jedhan*.[117]

⁸Saa'ol uffata kan biraa uffatee, wallaalchifatee namoota lama of duukaa fudhatee halkaniin gara mana dubartii sanaa dhaqee, ?Ekeraa dubbisiitii nama ani sitti himadhu anaaf kaasi!? jedheen.

⁹Dubartittiinis, ?Kunoo, wanta Saa'ol hojjete, warra ekeraa dubbisanii fi qaallota biyyicha keessaa akka balleesse ati iyyuu in beekta; maaliif ana ajjeesisuuf kiyyoo ana dura keessa ree?? jette.

¹⁰Saa'ol immoo, ?Dhugaa Waaqayyo isa jiraataa ti! Sababii isa kanaatiif miidhamni tokko iyyuu si irra hin ga'u? jedhee, maqaa Waaqayyootiin in kakateef.

¹¹Dubartittiin yommus, ?Eenyuun siif kaasu?? jetteen; inni immoo, ?Saamu'elin anaaf kaasi!? jedheen.

¹²Dubartittiin Saamu'eliin yommuu argite sagalee guddaadhaan iyyitee Saa'oliin, ?Ati Saa'ol mitii maaliif ana gowwoomsite?? jette.

¹³Mootichi immoo dubartittiidhaan, ?Hin sodaatin! Amma maal argita?? jedhe; dubartittiinis Saa'oliin, ?Wanti bifa Waaqayyummaa qabu tokko lafaa utuu ol ba'uu nan arge? jette.

¹⁴Inni immoo, ?Maal fakkaata?? jedhee ishee in gaafate; isheen immoo deebiftee, ?Nama dulloomaa, qoloo uffatu tokkotu ol ba'aa jira? jetteen; yommus inni Saamu'el akka ta'e baree, hamma lafa ga'utti gad gugguufee in qoomma'eef.

¹⁵Saamu'el yeroo sanatti Saa'oliin, ?Ati maaliif kaaftee ana rakkifta?? jedhe; Saa'ol immoo, ?Filisxeemonni ana lolaa jiru, Waaqayyo immoo ana irraa gara galeera, raajiidhaan yookiis abjuudhaan anaaf deebisuu waan dideef, ani dhiphina guddaa keessan jira; kanaafan waan gochuun anaaf ta'u akka ana hubachiiftuuf si waammadhe? jedhe.

¹⁶Saamu'el immoo, ?Waaqayyo si irraa gara galee erga siin mormee, maaliif ana gaafatta ree?

¹⁷Waaqayyo duraan dursee karaa koo akkuma dubbatee ture, mootummicha si harkaa butee, fira kee Daawitiif kenneera*.

¹⁸Ati dubbii Waaqayyootiif waan hin abboomaminiif, dheekkamsa isaa isa sodaachisaas Amaaleqoota irratti waan ati hin raawwatiniif, Waaqayyo har'a kana sitti in fide*.

¹⁹Amma iyyuu Waaqayyo Israa'eloota sii wajjin dabarsee harka Filisxeemotaatti in kenna; bor atii fi ilmaan kee duutanii gara koo in dhuftu; loltoota Israa'elis Waaqayyo dabarsee harka Filisxeemotaatti in kenna? jedhe*.

²⁰Battaluma sanatti wanti Saamu'el isatti hime guddisee waan isa naasiseef, Saa'ol akkuma jirutti hojjaa isaatiin lafa in dha'e; guyyaa sana guutuu halkan sana guutuus midhaan waan hin nyaatiniif, humna hin qabu ture.[118]

²¹Yommus dubartittiin gara Saa'ol dhuftee, baay'ee na'ee raafamuu isaa argitee, ?Kunoo, ani garbittiin kee siif abboomamuudhaan lubbuu kootti muree waan ati jette godheera.

²²Atis immoo waan ani garbittiin kee sitti himu akka dhageessuuf sin kadhadha; amma buddeena xinnoo siif nan dhi'eessa; ati immoo ittiin jabaattee akka adeemtutti nyaadhu!? jetteen.

²³Inni garuu, ?Hin nyaadhu!? jedhee in dide; haa ta'u iyyuu malee, hojjetoonni isaa dubartittiinis cimsanii waan isa giddisiisaniif, isaaniif dhaga'ee, lafaa ka'ee siree irra in taa'e.

²⁴Dubartittiin dibicha manatti gabbifame tokko qabdi turte; isheen ariitiidhaan dibichicha qaltee, daakuu fuutee sukkuumtee, isa irraa maxinoo tolchitee,

²⁵Saa'olii fi hojjetoota isaatiif in dhi'eessite; isaanis nyaatanii halkanuma sana ka'anii in adeeman.