Read west central oromo Macaafa Saamu'el Isa Duraa 3 Bible Online

Macaafa Saamu'el Isa Duraa 3 - west central oromo bible

Macaafa Saamu'el Isa Duraa 3

¹Yeroo sanatti Saamu'el mucichi geggeessaa Elii jalatti Waaqayyoof in hojjeta ture; baras Waaqayyo takka takka malee namatti hin dubbatu, mul'annis deddeebi'ee hin argamu ture.

²Eliin dulloomee iji isaa bararisee arguu dhabaa in adeeme; gaaf tokko halkan inni iddoodhuma isaa in ciisa;

³Saamu'el immoo godoo qulqullaa'aa iddoo sanduuqi kakuu Waaqayyoo jiru keessa in ciisa ture; ibsaan Waaqayyoo amma illee hin dhaamne.

⁴Waaqayyo yommus Saamu'elin in waame; Saamu'elis, ?Kunoo, asan jira? jedhe*.

⁵Gara Eliitti fiigee, ?Kunoo, asan jira, maal jette?? jedhe; Eliin garuu, ?Ani si hin waamne, deebi'ii ciisi!? jedheen; innis deebi'ee in ciise.

⁶Ammas Waaqayyo Saamu'elin in waame; innis ka'ee gara Elii dhaqee, ?Kunoo, asan jira, maal jette?? jedheen; Eliin garuu, ?Yaa ilma ko, ani si hin waamne, deebi'ii ciisi!? jedheen.

⁷Kanaan dura Waaqayyo dubbii isaa isatti mul'isee waan hin beekneef Saamu'el akka Waaqayyo isa waame hin barre.

⁸Waaqayyo ammas si'a sadaffaa Saamu'elin in waame; inni ka'ee gara Elii dhaqee, ?Kunoo, asan jira, maal jette?? jedhe; Waaqayyo mucicha akka waame Eliin kana irratti hubatee,

⁹Saamu'eliin, ?Dhaqii ciisi! Yoo inni ammas si waame, ?Yaa gooftaa ko, garbichi kee in dhaggeeffataatii dubbadhu!? jedhiin? jedhe; Saamu'elis deebi'ee dhaqee iddoodhuma isaa in ciise.[13]

¹⁰Kana booddee Waaqayyo dhufee achi dhaabatee, akkuma isaa si'a duraa, ?Saamu'el! Saamu'el!? jedhee in waame; Saamu'el immoo, ?Yaa gooftaa ko, garbichi kee in dhaggeeffataatii dubbadhu!? jedhe.

¹¹Waaqayyo yommus Saamu'eliin, ?Kunoo, ani wanta dhaga'uun isaa dhagna nama suukessu Israa'el keessatti nan hojjedha.

¹²Gaafas ani maatii Elii irratti waanan dubbadhe hundumaa jalqabaa hamma dhumaatti nan raawwadha.

¹³Ilmaan isaa wanta nama yeellaasisu hojjechuu isaanii utuu beekuu isaan hin dhowwine; anis sababii yakka kanaaf bara baraan maatii isaatti akkan faradu isatti beeksiseera*.

¹⁴Kanaafis yakki maatii Elii, aarsaadhaan yookiis kennaa garaa garaatiin raawwatee akka hin dhiisifamneef kakadheera? jedhe.[14]

¹⁵Saamu'elis hamma ganamaatti erga ciisee booddee, ka'ee balbala godoo qulqullaa'aa in bane; mul'ata arge sana garuu Eliitti himuu in sodaate.

¹⁶Eliin garuu, ?Yaa ilma ko Saamu'el? jedhee isa in waame; innis, ?Kunoo, asan jira? jedheen.

¹⁷Eliin immoo, ?Waaqayyo maal sitti dubbate? Hadaraa kan inni sitti dubbate ana hin dhoksin! Wanta inni sitti dubbate hundumaa keessaa tokko illee yoo ana dhoksite garuu Waaqayyo wanta hamaa sitti haa fidu, sittis haa dabalu!? jedheen.

¹⁸Saamu'el yommus waan Waaqayyo isatti dubbate keessaa tokko illee utuu hin dhoksin isatti in hime; Eliinis, ?Inni Waaqayyoo dha, waanuma gaarii ta'ee isatti mul'ate haa godhu!? jedhe*.[15]

¹⁹Saamu'el guddachaa in adeeme; Waaqayyo isaa wajjin waan tureefis wanti inni dubbatu hundinuu akka lafa hin buune in godhaaf ture.

²⁰Yommus guutummaa biyya Israa'el keessatti Daanii hamma Bersheebaatti, Saamu'el raajii Waaqayyoo isa amanamaa akka ta'e beekanii in fudhatan.

²¹Shiiloo iddoo itti dubbii isaa Saamu'elitti mul'ise sanatti Waaqayyo ittuma fufee ofii isaa in mul'ise.