Read yoruba Ìwé Kinni ti Kronika 6 Bible Online

Ìwé Kinni ti Kronika 6 - yoruba bible

Ìwé Kinni ti Kronika 6

¹Àwọn ọmọ Lefi nìwọ̀nyí: Geṣomu, Kohati ati Merari.

²Kohati bí ọmọkunrin mẹrin: Amramu, Iṣari, Heburoni ati Usieli.

³Amramu bí ọmọ mẹta: Aaroni, Mose, ati ọmọbinrin kan tí ń jẹ́ Miriamu. Aaroni bí ọmọkunrin mẹrin: Nadabu, Abihu, Eleasari ati Itamari.

⁴Ìran Eleasari ati àwọn arọmọdọmọ rẹ̀ nìwọ̀nyí: Eleasari ni baba Finehasi, Finehasi ni ó bí Abiṣua;

⁵Abiṣua bí Buki, Buki sì bí Usi.

⁶Usi ni baba Serahaya, Serahaya ló bí Meraiotu,

⁷Meraiotu bí Amaraya, Amaraya sì bí Ahitubu.

⁸Ahitubu ni baba Sadoku, Sadoku bí Ahimaasi,

⁹Ahimaasi bí Asaraya, Asaraya sì bí Johanani.

¹⁰Johanani bí Asaraya (òun ni alufaa tí ó wà ninu tẹmpili tí Solomoni kọ́ sí Jerusalẹmu).

¹¹Asaraya ni baba Amaraya, Amaraya ni ó bí Ahitubu;

¹²Ahitubu bí Sadoku, Sadoku sì bí Ṣalumu.

¹³Ṣalumu ni baba Hilikaya; Hilikaya bí Asaraya,

¹⁴Asaraya bí Seraaya; Seraaya sì bí Jehosadaki.

¹⁵Jehosadaki lọ sí ìgbèkùn nígbà tí Ọlọrun jẹ́ kí Nebukadinesari wá kó Juda ati Jerusalẹmu lọ sí ìgbèkùn.

¹⁶Àwọn ọmọ Lefi ni: Geriṣoni, Kohati ati Merari.

¹⁷Àwọn ọmọ Geriṣoni ni: Libini ati Ṣimei.

¹⁸Àwọn ọmọ Kohati ni: Amramu, Iṣari, Heburoni, ati Usieli.

¹⁹Àwọn ọmọ Merari ni: Mahili ati Muṣi. Àwọn ni baba ńlá àwọn ọmọ Lefi.

²⁰Àwọn tí wọ́n ṣẹ̀ láti ọ̀dọ̀ Geriṣoni nìwọ̀nyí: Libini ni baba Jahati, Jahati bí Sima,

²¹Sima bí Joa, Joa bí Ido, Ido bí Sera, Sera sì bí, Jeaterai.

²²Àwọn tí ó ṣẹ̀ láti ọ̀dọ̀ Kohati nìwọ̀nyí: Aminadabu ni baba Kora, Kora ló bí Asiri;

²³Asiri bí Elikana, Elikana bí Ebiasafu, Ebiasafu sì bí Asiri.

²⁴Asiri ni baba Tahati, Tahati ló bí Urieli, Urieli bí Usaya, Usaya sì bí Saulu.

²⁵Ọmọ meji ni Elikana bí: Amasai ati Ahimotu.

²⁶Àwọn ọmọ Ahimotu nìwọ̀nyí: Elikana ni baba Sofai, Sofai ni ó bí Nahati;

²⁷Nahati bí Eliabu, Eliabu bí Jerohamu, Jerohamu sì bí Elikana.

²⁸Samuẹli bí ọmọkunrin meji: Joẹli ni àkọ́bí, Abija sì ni ikeji.

²⁹Àwọn ọmọ Merari nìwọ̀nyí: Mahili ni baba Libini, Libini bí Ṣimei,

³⁰Ṣimei bí Usali, Usali bí Ṣimea, Ṣimea bí Hagaya, Hagaya sì bí Asaya.

³¹Dafidi fi àwọn wọnyi ṣe alákòóso ẹgbẹ́ akọrin ninu ilé OLUWA lẹ́yìn tí wọn ti gbé Àpótí Majẹmu OLUWA sibẹ;

³²àwọn ni wọ́n ń kọ orin ninu Àgọ́ Àjọ títí tí Solomoni fi kọ́ ilé OLUWA parí ní Jerusalẹmu; àṣegbà ni wọ́n ń ṣiṣẹ́ wọn.

³³Àwọn tí wọ́n ṣiṣẹ́ náà, pẹlu àwọn ọmọ wọn nìwọ̀nyí: Ninu ìdílé Kohati: Hemani, akọrin, ọmọ Joẹli, ọmọ Samuẹli,

³⁴ọmọ Elikana, ọmọ Jerohamu, ọmọ Elieli, ọmọ Toa,

³⁵ọmọ Sufu, ọmọ Elikana, ọmọ Mahati, ọmọ Amasai,

³⁶ọmọ Elikana, ọmọ Joẹli, ọmọ Asaraya, ọmọ Sefanaya,

³⁷ọmọ Tahati, ọmọ Asiri, ọmọ Ebiasafu, ọmọ Kora,

³⁸ọmọ Iṣari, ọmọ Kohati, ọmọ Lefi, ọmọ Israẹli.

³⁹Asafu, arakunrin rẹ̀, ni olórí àwọn ẹgbẹ́ akọrin tí ń dúró ní apá ọ̀tun rẹ̀. Asafu yìí jẹ́ ọmọ Berekaya, ọmọ Ṣimea;

⁴⁰Ọmọ Mikaeli, ọmọ Baaseaya, ọmọ Malikija,

⁴¹ọmọ Etini, ọmọ Sera, ọmọ Adaya;

⁴²ọmọ Etani, ọmọ Sima, ọmọ Ṣimei,

⁴³ọmọ Jahati, ọmọ Geriṣomu, ọmọ Lefi.

⁴⁴Etani arakunrin wọn láti inú ìdílé Merari ni olórí àwọn ẹgbẹ́ akọrin tí ń dúró ní apá òsì rẹ̀. Ìran Etani títí lọ kan Lefi nìyí: ọmọ Kiṣi ni Etani, ọmọ Abidi, ọmọ Maluki;

⁴⁵ọmọ Haṣabaya, ọmọ Amasaya, ọmọ Hilikaya;

⁴⁶ọmọ Amisi, ọmọ Bani, ọmọ Ṣemeri;

⁴⁷ọmọ Mahili, ọmọ Muṣi, ọmọ Merari, ọmọ Lefi.

⁴⁸Wọ́n yan àwọn ọmọ Lefi, arakunrin wọn yòókù láti máa ṣe àwọn iṣẹ́ mìíràn tí ó kù ninu ilé Ọlọrun.

⁴⁹Aaroni ati àwọn ọmọ rẹ̀ ni wọ́n máa ń rúbọ lórí pẹpẹ ẹbọ sísun ati lórí pẹpẹ turari; àwọn ni wọ́n máa ń ṣe gbogbo iṣẹ́ ìsìn ninu ibi mímọ́ jùlọ, tí wọ́n sì máa ń ṣe ètùtù fún àwọn ọmọ Israẹli gẹ́gẹ́ bí ìlànà tí Mose, iranṣẹ Ọlọrun là sílẹ̀.

⁵⁰Àwọn ọmọ Aaroni nìwọ̀nyí: Eleasari baba Finehasi, baba Abiṣua;

⁵¹baba Buki, baba Usi, baba Serahaya;

⁵²baba Meraiotu, baba Amaraya, baba Ahitubu;

⁵³baba Sadoku, baba Ahimaasi.

⁵⁴Ilẹ̀ tí a pín fún ìran Aaroni nìyí, pẹlu ààlà wọn: ìdílé Kohati ni a kọ́kọ́ pín ilẹ̀ fún ninu àwọn ọmọ Lefi.

⁵⁵Wọ́n fún wọn ní ìlú Heburoni ní ilẹ̀ Juda, ati gbogbo ilẹ̀ pápá oko tí ó yí i ká,

⁵⁶ṣugbọn Kalebu ọmọ Jefune ni wọ́n fún ní ìgbèríko ati ìletò tí ó yí ìlú Heburoni ká.

⁵⁷Àwọn ọmọ Aaroni ni a pín àwọn ìlú ààbò wọnyi fún: Heburoni, Libina, Jatiri ati Eṣitemoa, pẹlu àwọn pápá oko tí ó yí wọn ká.

⁵⁸Bẹ́ẹ̀ náà ni Hileni, ati Debiri,

⁵⁹ati Aṣani ati Beti Ṣemeṣi pẹlu pápá oko tí ó yí wọn ká.

⁶⁰Àwọn ìlú tí wọ́n pín fún wọn, ninu ilẹ̀ ẹ̀yà Bẹnjamini nìwọ̀nyí: Geba, Alemeti, ati Anatoti, pẹlu pápá oko tí ó yí wọn ká. Gbogbo àwọn ìlú tí ó jẹ́ tiwọn ní gbogbo ìdílé wọn jẹ́ mẹtala.

⁶¹Gègé ni wọ́n ṣẹ́ lórí ìlú mẹ́wàá ara ilẹ̀ ìdajì ẹ̀yà Manase tí ó wà ní ìhà ìwọ̀ oòrùn, tí wọn sì pín wọn fún àwọn ìdílé Kohati tí ó kù.

⁶²Ìlú mẹtala ni wọ́n pín fún àwọn ọmọ Geriṣomu ní ìdílé ìdílé lára àwọn ìlú ẹ̀yà Isakari, Aṣeri, Nafutali, ati ìdajì ẹ̀yà Manase, tí wọ́n wà ní ilẹ̀ Baṣani.

⁶³Ìlú mejila ni wọ́n pín fún àwọn ọmọ Merari ní ìdílé ìdílé, lára àwọn ìlú ẹ̀yà Reubẹni, Gadi ati ti Sebuluni.

⁶⁴Bẹ́ẹ̀ ni àwọn ọmọ Israẹli ṣe fún àwọn ọmọ Lefi ní gbogbo àwọn ìlú ńláńlá pẹlu àwọn pápá oko tí ó yí wọn ká.

⁶⁵Wọ́n tún ṣẹ́ gègé láti fún wọn ní àwọn ìlú ńláńlá tí a dárúkọ wọnyi lára ìlú àwọn ẹ̀yà Juda, Simeoni ati ti Bẹnjamini.

⁶⁶Lára ilẹ̀ ẹ̀yà Efuraimu ni wọ́n ti pín àwọn ìlú ńláńlá fún àwọn ìdílé kan ninu àwọn ọmọ Kohati.

⁶⁷Àwọn ìlú ààbò tí wọ́n fún wọn, pẹlu àwọn pápá oko tí ó yí wọn ká, ní agbègbè olókè Efuraimu nìwọ̀nyí; Ṣekemu, ati Geseri;

⁶⁸Jokimeamu ati Beti Horoni;

⁶⁹Aijaloni ati Gati Rimoni.

⁷⁰Ninu ilẹ̀ ìdajì ẹ̀yà Manase tí ó wà ní apá ìwọ̀ oòrùn, wọ́n fún ìdílé àwọn ọmọ Kohati tí ó kù ní Aneri ati Bileamu, pẹlu àwọn pápá oko tí ó yí wọn ká.

⁷¹Ninu ilẹ̀ ìdajì ẹ̀yà Manase tí ó wà ní ìhà ìlà oòrùn, wọ́n fún àwọn ọmọ Geriṣoni ní ìlú wọnyi, pẹlu àwọn pápá oko tí ó yí wọn ká: Golani ní ilẹ̀ Baṣani, ati Aṣitarotu.

⁷²Ninu ilẹ̀ ẹ̀yà Isakari; wọ́n fún wọn ní Kedeṣi ati Daberati;

⁷³Ramoti ati Anemu, pẹlu àwọn pápá oko àyíká wọn.

⁷⁴Ninu ilẹ̀ ẹ̀yà Aṣeri, wọ́n fún wọn ní Maṣali ati Abidoni;

⁷⁵Hukoku ati Rehobu, pẹlu àwọn pápá oko àyíká wọn.

⁷⁶Lára ilẹ̀ ẹ̀yà Nafutali, wọ́n fún wọn ní Kedeṣi ní ilẹ̀ Galili, Hamoni, ati Kiriataimu, pẹlu àwọn pápá oko àyíká wọn.

⁷⁷Wọ́n pín àwọn ìlú wọnyi fún àwọn ìdílé tí ó kù ninu àwọn ọmọ Merari. Lára ilẹ̀ ẹ̀yà Sebuluni, wọ́n fún wọn ní Rimono ati Tabori, pẹlu àwọn pápá oko àyíká wọn.

⁷⁸Lára ilẹ̀ ẹ̀yà Reubẹni tí ó wà ní ìhà ìlà oòrùn, ní ìkọjá Jọdani níwájú Jẹriko, wọ́n fún wọn ní Beseri tí ó wà ní ara òkè, ati Jahasa,

⁷⁹Kedemotu ati Mefaati pẹlu àwọn pápá oko àyíká wọn.

⁸⁰Lára ilẹ̀ ẹ̀yà Gadi, wọ́n fún wọn ní Ramoti ní ilẹ̀ Gileadi ati Mahanaimu,

⁸¹Heṣiboni ati Jaseri, pẹlu àwọn pápá oko àyíká wọn.