Read yoruba Orin Dafidi 129 Bible Online

Orin Dafidi 129 - yoruba bible

Orin Dafidi 129

¹Ọpọlọpọ ìgbà ni wọ́n ti ń pọ́n mi lójú láti ìgbà èwe mi. Ẹ̀yin ọmọ Israẹli, ẹ wí pé,

²“Ọpọlọpọ ìgbà ni wọ́n ti ń pọ́n mi lójú láti ìgbà èwe mi, sibẹ, wọn kò borí mi.”

³Wọ́n to ẹgba sí mi lẹ́yìn, gbogbo ẹ̀yìn mi lé bíi poro oko.

⁴Ṣugbọn olódodo ni OLUWA, ó ti gé okùn àwọn eniyan burúkú.

⁵Ojú yóo ti gbogbo àwọn tí ó kórìíra Sioni, a óo lé wọn pada sẹ́yìn.

⁶Wọn óo dàbí koríko tí ó hù lórí òrùlé, tí kì í dàgbà kí ó tó gbẹ.

⁷Kò lè kún ọwọ́ ẹni tí ń pa koríko; kò sì lè kún ọwọ́ ẹni tí ń di koríko ní ìtí.

⁸Àwọn èrò ọ̀nà kò sì ní kí ẹni tí ń gé e pé: “OLUWA óo fèrè síṣẹ́ o! Ẹ kúuṣẹ́, OLUWA óo fèrè sí i.”