Read yoruba Orin Dafidi 13 Bible Online

Orin Dafidi 13 - yoruba bible

Orin Dafidi 13

¹Yóo ti pẹ́ tó, OLUWA? Ṣé o óo wá gbàgbé mi laelae ni? Títí di ìgbà wo ni o óo fi ojú pamọ́ fún mi?

²Títí di ìgbà wo ni ọkàn mi yóo gbọgbẹ́ tí ìbànújẹ́ yóo gba ọkàn mi kan, ní gbogbo ìgbà? Títí di ìgbà wo ni àwọn ọ̀tá mi yóo máa yọ̀ mí?

³Bojúwò mí, kí o sì dá mi lóhùn, OLUWA, Ọlọrun mi. Tan ìmọ́lẹ̀ sí ojú mi, kí n má baà sun oorun ikú.

⁴Kí ọ̀tá mi má baà wí pé, “Mo ti rẹ́yìn rẹ̀.” Kí àwọn tí ó kórìíra mi má baà yọ̀ bí mo bá ṣubú.

⁵Ṣùgbọ́n èmi gbẹ́kẹ̀lé ìfẹ́ rẹ tí kì í yẹ̀; n óo máa yọ̀ nítorí pé o óo gbà mí.

⁶N óo máa kọrin sí ọ, OLUWA, nítorí o ṣeun fún mi lọpọlọpọ.