Read yoruba Orin Dafidi 130 Bible Online

Orin Dafidi 130 - yoruba bible

Orin Dafidi 130

¹Ninu ìṣòro ńlá ni mò ń ké pè ọ́, OLUWA!

²OLUWA, gbóhùn mi, dẹtí sí ohùn ẹ̀bẹ̀ mi.

³Bí OLUWA bá ń sàmì ẹ̀ṣẹ̀, ta ló lè yege?

⁴Ṣugbọn ní ìkáwọ́ rẹ ni ìdáríjì wà, kí á lè máa bẹ̀rù rẹ.

⁵Mo gbẹ́kẹ̀lé OLUWA, àní, mo gbé ọkàn mi lé e, mo sì ní ìrètí ninu ọ̀rọ̀ rẹ̀.

⁶Mò ń retí rẹ, OLUWA, ju bí àwọn aṣọ́de ti máa ń retí kí ilẹ̀ mọ́ lọ, àní, ju bí àwọn aṣọ́de, ti máa ń retí pé kí ilẹ̀ mọ́.

⁷Ẹ̀yin ọmọ Israẹli, ẹ ní ìrètí ninu OLUWA! Nítorí pé ní ìkáwọ́ rẹ̀ ni ìfẹ́ tí kì í yẹ̀ wà, ní ìkáwọ́ rẹ̀ sì ni ìràpadà kíkún wà.

⁸Òun óo sì ra Israẹli pada kúrò ninu gbogbo ẹ̀ṣẹ̀ rẹ̀.