Read yoruba Nọmba 33 Bible Online

Nọmba 33 - yoruba bible

Nọmba 33

¹Ibi tí àwọn ọmọ Israẹli pàgọ́ sí ninu ìrìn àjò wọn láti ìgbà tí wọn ti kúrò ní Ijipti lábẹ́ àṣẹ Mose ati Aaroni nìwọ̀nyí:

²(Orúkọ gbogbo ibi tí wọ́n pàgọ́ sí ni Mose ń kọ sílẹ̀ gẹ́gẹ́ bí àṣẹ OLUWA.)

³Àwọn ọmọ Israẹli kúrò ní Ramesesi ní Ijipti ní ọjọ́ kẹẹdogun oṣù kinni, ní ọjọ́ keji Àjọ̀dún Ìrékọjá pẹlu ọwọ́ agbára OLUWA, níṣojú àwọn ará Ijipti,

⁴tí wọn ń sin òkú àwọn àkọ́bí wọn tí OLUWA pa, OLUWA fihàn pé òun ní agbára ju oriṣa àwọn ará Ijipti lọ.

⁵Àwọn ọmọ Israẹli kúrò ní Ramesesi, wọ́n lọ pàgọ́ sí Sukotu.

⁶Wọ́n kúrò ní Sukotu, wọ́n lọ pàgọ́ sí Etamu tí ó wà létí aṣálẹ̀.

⁷Láti ibẹ̀ wọ́n pada sẹ́yìn lọ sí Pi Hahirotu tí ó wà níwájú Baali Sefoni, wọ́n pàgọ́ siwaju Migidoli.

⁸Wọ́n kúrò níwájú Pi Hahirotu, wọ́n la ààrin òkun kọjá lọ sinu aṣálẹ̀. Lẹ́yìn ìrìn ọjọ́ mẹta ninu aṣálẹ̀ Etamu, wọ́n pàgọ́ sí Mara.

⁹Wọ́n kúrò ní Mara, wọ́n lọ pàgọ́ sí Elimu níbi tí orísun omi mejila ati aadọrin igi ọ̀pẹ wà.

¹⁰Wọ́n kúrò ní Elimu, wọ́n lọ pàgọ́ sí etí Òkun Pupa.

¹¹Wọ́n kúrò níbẹ̀, wọ́n lọ pàgọ́ sí aṣálẹ̀ Sini.

¹²Wọ́n kúrò ní aṣálẹ̀ Sini, wọ́n lọ pàgọ́ sí Dofika.

¹³Wọ́n kúrò ní Dofika, wọ́n lọ pàgọ́ sí Aluṣi.

¹⁴Wọ́n kúrò ní Aluṣi, wọ́n lọ pàgọ́ sí Refidimu níbi tí wọn kò ti rí omi mu.

¹⁵Wọ́n kúrò ní Refidimu lọ sí aṣálẹ̀ Sinai.

¹⁶Láti aṣálẹ̀ Sinai wọ́n lọ sí Kiburotu Hataafa.

¹⁷Láti Kiburotu Hataafa wọ́n lọ sí Haserotu.

¹⁸Láti Haserotu wọ́n lọ sí Ritima.

¹⁹Láti Ritima wọ́n lọ sí Rimoni Peresi.

²⁰Láti Rimoni Peresi wọ́n lọ sí Libina.

²¹Láti Libina wọ́n lọ sí Risa.

²²Láti Risa wọ́n lọ sí Kehelata.

²³Láti Kehelata wọ́n lọ sí Òkè Ṣeferi.

²⁴Láti Òkè Ṣeferi wọ́n lọ sí Harada.

²⁵Láti Harada wọ́n lọ sí Makihelotu.

²⁶Láti Makihelotu wọ́n lọ sí Tahati.

²⁷Láti Tahati wọ́n lọ sí Tẹra.

²⁸Láti Tẹra wọ́n lọ sí Mitika.

²⁹Láti Mitika wọ́n lọ sí Haṣimona.

³⁰Láti Haṣimona wọ́n lọ sí Moserotu.

³¹Láti Moserotu wọ́n lọ sí Bene Jaakani.

³²Láti Bene Jaakani wọ́n lọ sí Hori Hagidigadi.

³³Láti Hori Hagidigadi wọ́n lọ sí Jotibata.

³⁴Láti Jotibata wọ́n lọ sí Abirona.

³⁵Láti Abirona wọ́n lọ sí Esiongeberi.

³⁶Láti Esiongeberi wọ́n lọ sí aṣálẹ̀ Sini, tíí ṣe Kadeṣi.

³⁷Láti Kadeṣi wọ́n lọ sí Òkè Hori, lẹ́bàá ilẹ̀ Edomu.

³⁸Aaroni alufaa gun Òkè Hori lọ bí OLUWA ti pa á láṣẹ fún un, níbẹ̀ ni ó sì kú sí ní ọjọ́ kinni oṣù karun-un, ogoji ọdún lẹ́yìn tí àwọn ọmọ Israẹli kúrò ní Ijipti.

³⁹Aaroni jẹ́ ẹni ọdún mẹtalelọgọfa (123) nígbà tí ó kú ní Òkè Hori.

⁴⁰Ọba ìlú Aradi, ní ilẹ̀ Kenaani, tí ń gbé Nẹgẹbu gbúròó pé àwọn ọmọ Israẹli ń bọ̀.

⁴¹Wọ́n kúrò ní Òkè Hori wọn lọ sí Salimona.

⁴²Wọ́n kúrò ní Salimona wọ́n lọ sí Punoni.

⁴³Láti Punoni wọ́n lọ sí Obotu.

⁴⁴Láti Obotu wọ́n lọ sí Òkè Abarimu ní agbègbè Moabu.

⁴⁵Láti Iyimu wọ́n lọ sí Diboni Gadi.

⁴⁶Láti Diboni Gadi wọ́n lọ sí Alimoni Dibilataimu.

⁴⁷Láti Alimoni Dibilataimu wọ́n lọ sí Òkè Abarimu níwájú Nebo.

⁴⁸Láti Òkè Abarimu wọ́n lọ sí pẹ̀tẹ́lẹ̀ Moabu lẹ́bàá odò Jọdani létí Jẹriko.

⁴⁹Wọ́n sì pàgọ́ wọn sí ẹ̀bá odò Jọdani láti Beti Jeṣimotu títí dé Abeli Ṣitimu ní pẹ̀tẹ́lẹ̀ Moabu.

⁵⁰OLUWA sọ fún Mose ní pẹ̀tẹ́lẹ̀ Moabu lẹ́bàá odò Jọdani létí Jẹriko pé

⁵¹kí ó sọ fún àwọn ọmọ Israẹli pé, “Nígbà tí ẹ bá ré odò Jọdani kọjá sí ilẹ̀ Kenaani,

⁵²ẹ gbọdọ̀ lé gbogbo àwọn eniyan tí ń gbé ilẹ̀ náà kúrò. Ẹ run gbogbo àwọn oriṣa tí wọ́n fi òkúta ati irin ṣe ati gbogbo ilé oriṣa wọn.

⁵³Kí ẹ gba ilẹ̀ náà kí ẹ sì máa gbé inú rẹ̀, nítorí pé mo ti fun yín gẹ́gẹ́ bí ilẹ̀ ìní yín.

⁵⁴Gègé ni kí ẹ fi pín ilẹ̀ náà fún àwọn ẹ̀yà Israẹli. Fún àwọn tí ó pọ̀ ní ilẹ̀ pupọ, sì fún àwọn tí ó kéré ní ilẹ̀ kékeré. Ilẹ̀ tí gègé olukuluku bá mú ni yóo jẹ́ tirẹ̀, láàrin àwọn ẹ̀yà yín ni ẹ óo ti pín ilẹ̀ náà.

⁵⁵Ṣugbọn bí ẹ kò bá lé gbogbo àwọn ará ilẹ̀ náà kúrò, àwọn tí ó bá kù yóo di ẹ̀gún ní ojú yín ati ẹ̀gún ní ìhà yín, wọn yóo sì máa yọ yín lẹ́nu lórí ilẹ̀ náà.

⁵⁶Bí ẹ kò bá lé gbogbo wọn jáde, ohun tí mo ti pinnu láti ṣe sí wọn, ẹ̀yin ni n óo ṣe é sí.”