Read yoruba Nọmba 34 Bible Online

Nọmba 34 - yoruba bible

Nọmba 34

¹OLUWA sọ fún Mose pé,

²“Pàṣẹ fún àwọn ọmọ Israẹli pé, ‘Nígbà tí ẹ bá dé ilẹ̀ Kenaani tí mo fun yín, gbogbo ilẹ̀ náà ni yóo jẹ́ tiyín. Àwọn ààlà ilẹ̀ yín nìwọ̀nyí.’

³Ilẹ̀ yín ní ìhà gúsù yóo bẹ̀rẹ̀ láti aṣálẹ̀ Sini lẹ́bàá ààlà Edomu. Ààlà yín ní ìhà gúsù yóo jẹ́ láti òpin Òkun-Iyọ̀ ní ìlà oòrùn.

⁴Yóo sì yí láti ìhà gúsù lọ sí gẹ̀rẹ́gẹ̀rẹ́ òkè Akirabimu, yóo sì la aṣálẹ̀ Sini kọjá lọ títí dé ìhà gúsù Kadeṣi Banea ati títí dé Hasari Adari ati títí dé Asimoni.

⁵Yóo sì yí láti Asimoni lọ dé odò Ijipti, òkun ni yóo sì jẹ́ òpin rẹ̀.

⁶“Ní ìhà ìwọ̀ oòrùn Òkun ni yóo jẹ́ ààlà yín.

⁷“Ní ìhà àríwá, ààlà yín yóo gba ẹ̀gbẹ́ òkun ńlá lọ títí dé Òkè Hori.

⁸Láti ibẹ̀ lọ dé ẹnu ibodè Hamati, títí dé Sedadi,

⁹Sifironi ati Hasari Enani.

¹⁰“Ààlà ìhà ìlà oòrùn yín yóo gba ẹ̀gbẹ́ Hasari Enani lọ sí Ṣefamu.

¹¹Yóo lọ sí ìhà gúsù sí Ribila ní ìhà ìlà oòrùn Aini títí lọ sí àwọn òkè tí wọ́n wà létí ìhà ìlà oòrùn Òkun-Kinereti.

¹²Láti ibẹ̀ lọ sí ìhà gúsù lẹ́bàá odò Jọdani, yóo parí sí Òkun-Iyọ̀. Àwọn ni yóo jẹ́ ààlà ilẹ̀ yín.”

¹³Mose sọ fún àwọn ọmọ Israẹli pé, “Èyí ni ilẹ̀ tí ẹ óo fi gègé pín. Ilẹ̀ tí OLUWA yóo fún àwọn ẹ̀yà mẹsan-an ààbọ̀ yòókù.

¹⁴Àwọn ẹ̀yà Reubẹni ati ẹ̀yà Gadi ati ìdajì ẹ̀yà Manase ti gba ilẹ̀ tiwọn, tí a pín gẹ́gẹ́ bí ilé baba wọn.

¹⁵ní ìhà ìlà oòrùn Jọdani ní òdìkejì Jẹriko. Wọ́n sì ti pín in ní ìdílé-ìdílé.”

¹⁶OLUWA sọ fún Mose pé,

¹⁷“Eleasari alufaa ati Joṣua ọmọ Nuni ni yóo pín ilẹ̀ náà fun yín.

¹⁸Mú olórí kọ̀ọ̀kan ninu ẹ̀yà kọ̀ọ̀kan láti ràn wọ́n lọ́wọ́.”

¹⁹Àwọn olórí náà nìwọ̀nyí: láti inú ẹ̀yà Juda, a yan Kalebu ọmọ Jefune.

²⁰Láti inú ẹ̀yà Simeoni, a yan Ṣemueli ọmọ Amihudu.

²¹Láti inú ẹ̀yà Bẹnjamini, a yan Elidadi ọmọ Kisiloni.

²²Láti inú ẹ̀yà Dani, a yan Buki ọmọ Jogili.

²³Láti inú ẹ̀yà Manase, a yan Hanieli ọmọ Efodu.

²⁴Láti inú ẹ̀yà Efuraimu, a yan Kemueli ọmọ Ṣifitani.

²⁵Láti inú ẹ̀yà Sebuluni, a yan Elisafani ọmọ Parinaki.

²⁶Láti inú ẹ̀yà Isakari, a yan Palitieli ọmọ Asani.

²⁷Láti inú ẹ̀yà Aṣeri, a yan Ahihudu ọmọ Ṣelomi.

²⁸Láti inú ẹ̀yà Nafutali, a yan Pedaheli ọmọ Amihudu.

²⁹Àwọn ni OLUWA pàṣẹ fún láti pín ilẹ̀ ìní náà fún àwọn ọmọ Israẹli ní ilẹ̀ Kenaani.